ပြည်တွင်းကုန်သွယ်မှုသတင်း

     စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ခုနှစ်၊အောက်တိုဘာလ ၂၀ ရက်နေ့မှ ၂၃ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာစားအုန်းဆီတစ်ပိဿာလျှင် ငွေကျပ်၆,၅၈၅ ဖြစ် ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီက အသိပေးထုတ်ပြန်ကြေညာထားကြောင်း သိရှိရပါ​သည်။    

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်းသိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။

     ကျွန်းလှမြို့၊ သစ်ရာမြိုင်ဈေးတွင် ဘုရားပန်း အမျိုးမျိုးဖြစ်သော ဂန္ဓာမာပန်း၊ သစ္စာပန်း၊ စိန်လည်တုံ၊ နှင်းဆီ၊ ဇွန်ပန်း၊ ရှင်မွေးလွန်း၊ မေမြို့ပန်း(အက်စတာ)၊ မြေမြို့ပန်း (ကြက်လည်ဆံ) သပြေပန်း (အောင်သပြေ) အငုတ်၊ အောင်သပြေ အခက်များနှင့် အာစီယံသပြေ တို့ကို မိမိတို့ ဒေသထွက်နှင့် မန္တလေးမြို့၊ ပြင်ဦးလွင်မြို့၊ တောင်ကြီးမြို့တို့မှ မှာယူရောင်းချကြောင်း သိရှိရပါသည်။

    သစ္စာပန်းသည် မျိုးကွဲပေါင်းများစွာ အရောင်းအသွေးပေါင်းများစွာရှိပြီး လူအများ ကြိုက်နှစ်သက် သောပန်းဖြစ်ပြီး ဩဂုတ်လဆန်းပိုင်းတွင် စတင်ဖူးပွင့်လေ့ရှိကြောင်း သိရသည်။ ၂၀၂၅ ခုနှစ်၊ စက်တင်ဘာလ (တတိယပတ်)တွင် ကျွန်းလှမြို့နယ်အတွင်း ဖြစ်ပေါ်နေသော သစ္စာပန်း ဈေးနှုန်းအနေဖြင့် သစ္စာပန်း (ဟော်လန်)အပွင့်ကြီး(၅)ခက်ပါ တစ်စီးလျှင်(၂၅၀၀)ကျပ်၊ သစ္စာပန်း အပွင့်သေး စာကလေးပန်း (၅)ခက် ပါ တစ်စီးလျှင်(၂၀၀၀)ကျပ်၊ ဈေးနှုန်းတို့ဖြင့် ရောင်းချခဲ့ပြီး ယခု စက်တင်ဘာလ(စတုတ္ထပတ်)တွင် ကျွန်းလှမြို့နယ်အတွင်း ဖြစ်ပေါ်နေသော သစ္စာပန်း ဈေးနှုန်းအနေဖြင့် သစ္စာပန်း(ဟော်လန်) အပွင့်ကြီး (၅)ခက်ပါ တစ်စီးလျှင်(၃၀၀၀)ကျပ်၊ သစ္စာပန်း အပွင့်သေး စာကလေးပန်း (၅)ခက်ပါ တစ်စီးလျှင် (၂၅၀၀)ကျပ်၊ ဈေးနှုန်းတို့ဖြင့် ရောင်းချသောကြောင့် ယခင်အပတ်ထက် သစ္စာပန်း တစ်စီးလျှင် (၅၀၀) ကျပ် ဈေးနှုန်း မြင့်တက်ပြီး အရောင်းအဝယ်ဖြစ်လျက်ရှိကြောင်း သိရသည်။     

DOCA(စစ်ကိုင်း)

  သင်ဖြူးဖျာရက်လုပ်သည့် လုပ်ငန်းနှင့်ပတ်သက်၍ မင်းတစု ကျေးရွာမှ ဒေါ်တုတ်တုတ် ကလည်း “သင်ဖြူးဖျာ” လုပ်ငန်းသို့ ၁၉-၉-၂၀၂၅ ရက်နေ့က စားသုံးသူရေးရာဦးစီးဌာနမှ မြို့နယ်တာဝန်ခံ ဦးအောင်ကျော်သက်က ဝင်ရောက်လေ့လာခဲ့ကြောင်းသိရသည်။

     သင်ဖျာယက်လုပ်ခြင်းလုပ်ငန်းကို  ဖျာရက်တဲ့အခါမှာ သင်ပင်ကို တစ်ရက်ရေစိမ် ပြီးလွှာရကြောင်း  လွှာပြီးသား သင်တွေကို ရေခြောက်အောင်လှမ်းပြီးမှ ဖျားရက်ရတာဖြစ်ကြောင်း၊  ဖျားရက်တဲ့ အချိန်မှာတော့ ရေစွတ်ပြီးမှ ပြန်ရက်ရပြီး အဲဒါမှ သင်ဖြူးဖျာက ကျဲမနေပဲ ခပ်စိတ်စိတ်လေး ဖြစ်နေမှာဖြစ်ကြောင်း၊  ရေမစွတ်ရင်သင်တွေက ကျဲနေမှာ ဖြစ်ကြောင်း၊ တစ်ရက်ကို ဖျာနှစ်ချပ်လောက် ရက်နိုင်ကြောင်း သိရသည်။  တချို့လည်း ကျွမ်းကျင်မှုပေါ်မူတည်ပြီး သုံး၊ လေးချပ် ထွက်ရှိသည်။  လက်ခအနေနဲ့ ၅၀၀၀-၆၀၀၀  ကျပ် ပေးရသည်။ ကိုယ့်အိမ်မှာနေရင်း လုပ်ရတဲ့အတွက် အိမ်မှုကိစ္စလုပ်ရင်း သက်သက်သာသာလုပ်ရတဲ့ လုပ်ငန်းဖြစ်တဲ့အတွက် အိမ်ခြေ ၃၅၀ လောက်ရှိတဲ့ ကျွန်မတို့ရွာမှာ တစ်ရွာလုံးနီးပါးပဲ။ မိရိုးဖလာလုပ်ငန်းအနေနဲ့ လုပ်ကြပါတယ်” ဟု သင်ဖျာယက်လုပ်သူ ဒေါ်တုတ်တုတ်က ၇ှင်းပြသည်။

      အဆိုပါကျေးရွာမှ သင်ဖြူးဖျာများကို လက်ကားဈေးနှုန်းများအဖြစ် ၄ ပေ x ၆ ပေအရွယ်ရှိ တစ်ယောက်အိပ် တစ်ချပ်လျှင် ၅၀၀၀၀ ကျပ်နှုန်းဖြင့် လည်းကောင်း၊ ၆ ပေ x  ၅ ပေခွဲအရွယ်ရှိ နှစ်ယောက်အိပ် တစ်ချပ်လျှင် ၁၀၀၀၀၀ ကျပ်နှုန်းဖြင့် လည်းကောင်း၊ ၆ ပေ x  ၆ ပေခွဲအရွယ်ရှိ မိသားစုဖျာ တစ်ချပ်လျှင် ၁၁၀၀၀၀ ကျပ်နှုန်းဖြင့်လည်းကောင်း မန္တလေးမြို့နှင့် အနီးပတ်ဝန်းကျင်ဒေသများသို့ တင်ပို့ရောင်းချသည့်အပြင် ၎င်းကျေးရွာသို့ တိုက်ရိုက်လာရောက် ဝယ်ယူမှုများလည်းရှိကြောင်း သိရသည်။

DOCA(ဧရာဝတီ)

     ကျွန်းလှမြို့နယ်အတွင်းရှိ ကျေးရွာများနှင့် ကျွန်းလှမြို့ ပေါ်ရပ်ကွက်များတွင် မိမိတို့နေအိမ်ခြံဝင်း အတွင်းနှင့် လယ်ယာမြေများပေါ်တွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှ စားဖိုဆောင်သီးနှံဖြစ်သည့် ရုံးပတီသီးများကိုလည်း တစ်ပိုင် တစ်နိုင် စိုက်ပျိုးလျက်ရှိပြီး ကျွန်းလှမြို့၊ သစ်ရာမြိုင်ဈေးကွက်အတွင်းသို့ လာရောက် ပို့ဆောင်ကာ ရောင်းချ လျက်ရှိကြောင်းသိရသည်။

    ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ဖြစ်ပေါ်နေသော ကျွန်းလှမြို့၊ သစ်ရာမြိုင်ဈေး၏ ရုံးပတီသီး ဈေးနှုန်းများမှာ ရုံးပတီသီး လက်လီ တစ်ပိဿာလျှင်(၂၀၀၀)ကျပ်၊ (၅၀)ကျပ်သားလျှင် (၁၀၀၀)ကျပ်၊ (၂၅)ကျပ်သားလျှင်(၅၀၀)ကျပ် ဈေးနှုန်းတို့ဖြင့်လည်းကောင်း အလားတူပင် ကင်းမုံသီး တစ်ပြည်လျှင်(၂၂၀၀)ကျပ်၊ နို့ဆီ(၄)ဘူးလျှင်(၁၁၀၀)ကျပ် နှင့် နို့ဆီ(၁)ဘူးလျှင်(၃၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း  သစ်ရာမြိုင်ဈေး၌ ကုန်စိမ်းသီးနှံမျိုးစုံ  ရောင်းချနေသော ဈေးသည် တစ်ဦးထံမှ သိရသည်။

DOCA(စစ်ကိုင်း)

   ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များ နှင့် ဆီသန့်စက်များတွင် မြေပဲလုံးဆံများကို ဒေသ တွင်း ထွက်ရှိသည်များနှင့် မန္တလေးမြို့မှ မှာယူရောင်းချ လျက်ရှိကြောင်း သိရှိရပါသည်။

    ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ကျွန်းလှမြို့ ကုန်မျိုးစုံရောင်းချသည့် ဆိုင်များတွင် ဖြစ်ပေါ်နေ‌သော မြေပဲလုံးဆံ ဈေးနှုန်း အနေဖြင့် မြေပဲလုံးဆံ တစ်ပြည့်လျှင်(၁၁၀၀၀)ကျပ်၊ နို့ဆီဘူး (၄)ဘူးလျှင်(၅၇၀၀)ကျပ် နှင့် နို့ဆီ(၁)ဘူးလျှင်(၁၄၀၀)ကျပ် ဈေးနှုန်းတို့ဖြင့် လည်းကောင်း မြေပဲဆီ ဈေးနှုန်းအနေဖြင့် မြေပဲဆီ တစ်ပိဿာလျှင်(၁၈၀၀၀)ကျပ်၊ မြေပဲဆီ(၁၀)ပိဿာ တစ်ပုံးလျှင်(၁၈၀၀၀၀) ကျပ် ဈေးနှုန်းတို့ဖြင့် လည်းကောင်း မြေပဲပတ် ဈေးနှုန်းအနေဖြင့် မြေပဲပတ် တစ်ပိဿာလျှင်(၃၈၀၀)ကျပ် ဈေးနှုန်းရှိပြီး မြေပဲပေါ်ချိန်ဖြစ်သည့်အတွက် မြေပဲလုံဆံ၊ မြေပဲဆီ နှင့် မြေပဲပတ် ဈေးနှုန်း ယခင် အပတ်ထက် အနည်းငယ်ကျဆင်းလျက်ရှိကြောင်း မြေပဲပတ်ကို မိမိတို့ ဒေသတွင်း ဝက်စာ၊ ကြက်စာ အပြင်ပိုလျှံသည့်ပဲပတ်များကို  မန္တလေးမြို့သို့ ပို့ဆောင် ရောင်းချလျက် ရှိကြောင်း ဆီစက်လုပ်ငန်းရှင်ထံမှ သတင်းရရှိပါသည်။

DOCA(စစ်ကိုင်း)