ပြည်တွင်းကုန်သွယ်မှုသတင်း

          မန္တလေးတိုင်းဒေသကြီး ကျောက်ဆည်ခရိုင်အတွင်းရှိ မြစ်သားမြို့နယ်တွင် ပဲမျိုးစုံသီးနှံဖြစ်သည့် တိုင်ထောင်ပဲ၊ ပဲယဉ်း၊ ပဲကြီး၊ ကုလားပဲ၊ ပဲစဉ်းငုံသီးနှံများအပြင် ပဲကျားသီးနှံကိုလည်း စိုက်ပျိုးလာကြပါသည်။ မြစ်သားမြို့နယ်တွင် ပဲကျား စိုက်ဧက (၃၃၁)ဧက စိုက်ပျိုးပြီးစီးပြီ ဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည်။ ၄င်းသီးနှံကို အောက်တိုဘာ လဆန်းမှစတင်၍ စတင်စိုက်ပျိုးလျက်ရှိရာ အများဆုံးစိုက်ပျိုးသောရွာများမှာ ရိုးကန်၊ ရစ်ကန်၊ ကျားတွင်းရွာများတွင် အများဆုံး စိုက်ပျိုးကြပါသည်။ စိုက်ပျိုးပြီး (၄)လ အကြာတွင် ထွက်ရှိမည် ဖြစ်ကြောင်း၊ ပဲကျား စိုက်ပျိုးရာတွင် မျိုးအနေဖြင့် (၄-၅)ပြီခန့် ကုန်ကျကြောင်း၊ တစ်ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၂၂၀၀၀၀)ကျပ်ခန့် ကုန်ကျကြောင်း၊ ပဲကျားသီးနှံကို ထယ်ထိုးပြီး မျိုးစေ့ပတ်၊ ထယ်ဖုံးစနစ်ဖြင့် စိုက်ပျိုးကြပါသည်။ ယခုလက်ရှိ ပဲကျား ပေါက်ဈေးအနေဖြင့် တစ်တင်းလျှင် (၁၀၅၀၀၀/-)ကျပ်ဖြင့် ရောင်းဝယ်လျက်ရှိကြောင်း၊ ပဲကျား သီးနှံပေါ်ချိန်တွင် တောင်သူများမှ မြို့ပေါ်ပွဲရုံများသို့ တိုက်ရိုက်တင်ပို့ ရောင်းချကြကြောင်း၊ ပွဲရုံများမှတစ်ဆင့် မန္တလေး၊ ရန်ကုန်မြို့များသို့ တင်ပို့ရောင်းချလျက်ရှိကြောင်းပွဲရုံများမှ သိရှိရပါသည်။

DOCA(မန္တလေး)

        မန္တလေးတိုင်းဒေသကြီး ကျောက်ဆည်ခရိုင်အတွင်းရှိ ကျောက်ဆည်မြို့နယ်တွင် ပဲမျိုးစုံသီးနှံဖြစ်သည့် တိုင်ထောင်ပဲ၊ ပဲယဉ်း၊ ပဲကြီး၊ ကုလားပဲ၊ ပဲစဉ်းငုံသီးနှံများအပြင် ‌ထောပတ်ပဲသီးနှံကိုလည်း စိုက်ပျိုးလာကြပါသည်။ ကျောက်ဆည်မြို့နယ်တွင် ထောပတ်ပဲ စိုက်ဧက (၃၅၃)ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည်။ ၄င်းသီးနှံကို အောက်တိုဘာလဆန်းမှစတင်၍ စတင်စိုက်ပျိုးလျက်ရှိရာ အများဆုံးစိုက်ပျိုးသောရွာများမှာ ရဲကြီး၊ အရှေ့သပြေသာ၊ သံအနောက်ရွာများတွင် အများဆုံး စိုက်ပျိုးကြပါသည်။ စိုက်ပျိုးပြီး (၄)လ အကြာတွင် ထွက်ရှိမည်ဖြစ်ကြောင်း၊ ထောပတ်ပဲ စိုက်ပျိုးရာတွင် မျိုးအနေဖြင့် (၄-၅)ပြီခန့် ကုန်ကျကြောင်း၊ တစ်ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၂၃၀၀၀၀)ကျပ်ခန့် ကုန်ကျကြောင်း၊ ထောပတ်ပဲသီးနှံကို ထယ်ထိုးပြီး မျိုးစေ့ပတ်၊ ထယ်ဖုံးစနစ်ဖြင့် စိုက်ပျိုးကြပါသည်။ အများဆုံး စိုက်ပျိုးသောမျိုးများမှာ ပင်ထောင်မျိုးနှင့် ပင်ပြန်မျိုးများကို အများဆုံးစိုက်ပျိုး ကြကြောင်း၊ ယခင်နှစ် ထောပတ်ပဲပေါ်ချိန်တွင် အထွက်နှုန်းအနေဖြင့် (၁၀-၁၂)တင်း ထွက်ရှိခဲ့ပြီး ဈေးနှုန်းအနေဖြင့် တစ်တင်းလျှင်(၉၀၀၀၀) ကျပ်ဖြင့် ရောင်းဝယ်ခဲ့ကြောင်း၊ ကုန်ကျစရိတ်နုတ်ပြီး ပါက (၇၀၀၀၀၀/-) ကျပ် မြတ်ခဲ့ကြောင်း၊ ယခုလက်ရှိ ထောပတ်ပဲ ပေါက်ဈေးအနေဖြင့် တစ်တင်းလျှင် (၅၅၀၀၀/-) ကျပ်ဖြင့် ရောင်းဝယ်လျက်ရှိကြောင်း၊ ထောပတ်ပဲသီးနှံပေါ်ချိန်တွင် တောင်သူများမှ မြို့ပေါ်ပွဲရုံများသို့ တိုက်ရိုက်တင်ပို့ရောင်းချကြကြောင်း၊ ပွဲရုံများမှတစ်ဆင့် မန္တလေး၊ ရန်ကုန်မြို့ များသို့တင်ပို့ ရောင်းချလျက်ရှိကြောင်း၊ ပဲစားသုံးခြင်းဖြင့် ကျန်းမာရေး အကျိုးကျေးဇူးများအနေဖြင့် သွေးတွင်း သကြားဓာတ်ကျဆင်းစေပြီး အရိုးတွေသန်မာစေခြင်း၊ ဆံသားကျန်းမာစေနိုင်သောကြောင့် ထောပတ်ပဲ ကိုစားသုံးသင့်ပါကြောင်း၊ စိုက်ပျိုးစရိတ်သက်သာပြီး စီးပွားဖြစ်ဝင်ငွေတိုးပြီး ဈေးကွက်ဝယ်လိုအားရှိသော ထောပတ်ပဲသီးနှံကို တောင်သူများ တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

   ရန်ကုန်တိုင်းဒေသကြီး လှိုင်မြို့နယ် သီရိမင်္ဂလာဈေးအတွင်းသို့ နေ့စဉ် ရှမ်းပြည်နယ်၊ မှော်ဘီ၊ တိုက်ကြီး၊ တွံတေး၊ ကျောင်းကုန်း၊ ရွှေညောင်၊ ညောင်နှစ်ပင်၊ ခရမ်း၊ သုံးခွ၊ ဝါးနက် ချောင်း၊ ဧရာဝတီတိုင်း၊ ပဲခူးတိုင်း၊ မန္တလေးတိုင်းတို့မှ ဟင်းသီးဟင်းရွက်များ ဝင်ရောက်လျက်ရှိရာ ဒီဇင်ဘာလနောက်ဆုံးပတ်တွင် ဟင်းသီးဟင်းရွက်ဈေးနှုန်းများမှာ မုန့်ညှင်းဖြူ တစ်ပိဿာ ကျပ် ၅၀၀၀ မှ ၆၀၀၀၊ ချဉ်ပေါင်ရွက် (၁၀)စီး ကျပ် ၄၀၀၀၊ ပန်းဂေါ်ဖီ တစ်ပွင့် ကျပ် ၁၅၀၀ မှ ၃၀၀၀၊ မျှစ်  တစ်ပိဿာ ကျပ် ၃၀၀၀ မှ ၆၀၀၀ ၊ နံနံပင် တစ်ပိဿာ ကျပ် ၃၀၀၀ မှ ၅၀၀၀၊ ဂေါ်ဖီ (၁) ထုပ် ကျပ် ၁၅၀၀ မှ ၃၀၀၀၊ ကန်စွန်းဖြူ(၁၀)စီး ကျပ် ၆၀၀၀ မှ ၇၀၀၀၊ ကင်ပွန်းချဉ်ရွက် (၁၀)စီး ကျပ် ၃၅၀၀ မှ ၄၀၀၀၊ ဆူးပုတ်ရွက်(၁၀)စီး ကျပ် ၃၅၀၀၊ ဟင်းနုနွယ်ရွက်(၁၀)စီး ကျပ် ၃၅၀၀ မှ ၄၅၀၀၊ မုန်လာဥနီ တစ်ပိဿာ ကျပ် ၈၀၀၀ မှ ၁၅၀၀၀၊ ဘိုစားပဲသီး တစ်ပိဿာ ကျပ် ၅၀၀၀၊ ရုံးပတီသီး (၁၀၀) တောင့် ကျပ် ၅၀၀၀၊ ခဝဲသီး (၁၀) လုံး ကျပ် ၅၀၀၀ မှ ၇၀၀၀၊ ခရမ်းသီး ၁၀ လုံး ကျပ် ၃၅၀၀ မှ ၆၀၀၀၊ ကြက်ဟင်းခါးသီး တစ်လုံး ကျပ် ၅၀၀၊ ဘူးသီးတစ်လုံး ကျပ် ၁၅၀၀ မှ ၄၀၀၀၊ ရှောက်သီး (၁၀) လုံး ကျပ် ၂၀၀၀ မှ ၇၀၀၀၊ သခွားသီး (၁၀၀) လုံး ကျပ် ၂၀၀၀၀ မှ ၃၀၀၀၀၊ သံပုရာသီး (၁၀၀) လုံး ကျပ် ၁၀၀၀၀ မှ ၂၀၀၀၀၊ ရွှေဖယုံသီး တစ်လုံး ကျပ် ၂၀၀၀ မှ ၅၀၀၀၊ ကျောက်ဖယုံသီး တစ်လုံး ကျပ် ၃၀၀၀ မှ ၅၀၀၀၊ ဂေါ်ရခါးသီး တစ်လုံး ကျပ် ၃၀၀ မှ ၅၀၀၊ ဂေါ်ရခါးရွက် (၁၀)စီး ကျပ် ၄၅၀၀၊ ငရုတ်သီးစိမ်း တစ်ပိဿာ ကျပ် ၄၀၀၀ မှ ၇၀၀၀၊ ပဲသီး တစ်စီးကြီး ကျပ် ၁၅၀၀ မှ ၂၅၀၀၊ ခရမ်းချဉ်သီး တစ်သေတ္တာ ကျပ် ၃၈၀၀၀ မှ ၅၅၀၀၀၊ ဗုံလုံသီး တစ်စီး ကျပ် ၅၀၀၀ မှ ၆၀၀၀၊ မုန်လာဥဖြူ တစ်စီး ကျပ် ၈၀၀ တို့ဖြစ်ကြောင်း သိရှိရပါသည်။

DOCA(ရန်ကုန်)

        မန္တလေးတိုင်းဒေသကြီး မြစ်သားမြို့နယ်တွင် ပဲမျိုးစုံသီးနှံဖြစ်သည့် တိုင်ထောင်ပဲ၊ မတ်ပဲ၊ ပဲယဉ်း၊ ကုလားပဲ၊ ပဲစဉ်းငုံသီးနှံများအပြင် ဝယ်လိုအားရှိသော ပဲကြီးသီးနှံကိုလည်း စိုက်ပျိုးလာကြပါသည်။ မြို့နယ်အတွင်း ပဲကြီးစိုက်ဧက (၂၄၀)ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည်။ စက်တင်ဘာ လဆန်းမှစတင်၍ ပဲကြီးသီးနှံများ စတင်စိုက်ပျိုးလျက်ရှိပါသည်။ အများဆုံးစိုက်ပျိုးသောရွာများမှာ ကျီတိုင်၊ နွားကူးလေး၊ ပခမ်းနှင့် ခင်လည်ကျေးရွာများတွင် အများဆုံးစိုက်ပျိုးကြပါသည်။ စိုက်ပျိုးပြီး(၄)လအကြာတွင် ထွက်ရှိမည်ဖြစ်ကြောင်း၊ ပဲယဉ်းစိုက်ပျိုးရာတွင် မျိုးအနေဖြင့် (၅)ပြီခန့် ကုန်ကျကြောင်း၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၃၀၀၀၀၀)ကျပ်ခန့် ကုန်ကျကြောင်း၊ ပဲကြီးသီးနှံကို ထယ်ထိုးပြီး မျိုးစေ့ပတ်၊ ထယ်ဖုံးစနစ်ဖြင့် စိုက်ပျိုးကြပါသည်။ စိုက်ပျိုးသောမျိုးမှာ ပဲကြီးမျိုးသန့်ကိုသာ စိုက်ပျိုးကြကြောင်း၊  ယခင်နှစ် ပဲကြီးပေါ်ချိန်တွင် အထွက်နှုန်းအနေဖြင့် (၁၀-၁၂) တင်း ထွက်ရှိခဲ့ကြောင်း၊ ယခင်နှစ် ပဲကြီးဈေးနှုန်းအနေဖြင့် တစ်တင်းလျင် (၈၀၀၀၀/-)ကျပ်ဖြင့် ရောင်းဝယ်ခဲ့ကြောင်း၊ ကုန်ကျစရိတ်နုတ်ပြီးပါက (၅၀၀၀၀၀/-)ကျပ် မြတ်ခဲ့ကြောင်း၊ ယခုလက်ရှိ ပဲယဉ်းပေါက်ဈေးအနေဖြင့် တစ်တင်းလျှင်(၁၁၀၀၀၀/-) ကျပ်ခန့်ရောင်းဝယ်လျက်ရှိကြောင်း၊ ပဲကြီးသီးနှံပေါ်ချိန်တွင် တောင်သူများမှ မြို့ပေါ်ပွဲရုံများသို့ တိုက်ရိုက်တင်ပို့ ရောင်းချကြကြောင်း၊ ပွဲရုံများမှတစ်ဆင့် မန္တလေး၊ ရန်ကုန်မြို့များသို့ တင်ပို့ရောင်းချလျက်ရှိကြောင်း၊ ပဲစားသုံးခြင်းဖြင့် ပရိုတင်းဓာတ်ပြည့်ဝစွာရရှိခြင်း၊ နှလုံးကျန်းမာရေးကို ပိုမိုကောင်းမွန်စေခြင်း၊ အဟာရဓာတ် ပေါများစွာပါဝင်ကြောင်း လေ့လာသိရှိရပါသည်။ စိုက်ပျိုးစရိတ်သက်သာပြီး စီးပွားဖြစ်ဝင်ငွေတိုးသော ပဲကြီးသီးနှံကို တောင်သူများ တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

        မန္တလေးတိုင်းဒေသကြီး မြစ်သားမြို့နယ်တွင် ပဲမျိုးစုံသီးနှံဖြစ်သည့် တိုင်ထောင်ပဲ၊ မတ်ပဲ၊ ပဲကြီး၊ ကုလားပဲ၊ ပဲစဉ်းငုံသီးနှံများအပြင်၊ ပဲယဉ်းသီးနှံကိုလည်း စိုက်ပျိုးလာကြပါသည်။ မြို့နယ်အတွင်း ပဲယဉ်းစိုက်ဧက (၅၁၀)ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည်။ အောက်တိုဘာ လဆန်းမှစတင်၍ ပဲယဉ်းသီးနှံများ စတင်စိုက်ပျိုးလျက်ရှိပါသည်။ အများဆုံး စိုက်ပျိုးသောရွာများမှာ ကျီတိုင်၊ နွားကူးလေး၊ ပခမ်းနှင့် ခင်လည်ကျေးရွာများတွင် အများဆုံး စိုက်ပျိုးကြပါသည်။ စိုက်ပျိုးပြီး(၄)လအကြာတွင် ထွက်ရှိမည်ဖြစ်ကြောင်း၊ ပဲယဉ်းစိုက်ပျိုးရာတွင် မျိုးအနေဖြင့် (၂)ပြီခန့် ကုန်ကျကြောင်း၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း (၁၅၀၀၀၀)ကျပ်ခန့် ကုန်ကျကြောင်း၊ ပဲယဉ်းသီးနှံကို ထယ်ထိုးပြီး မျိုးစေ့ပတ်၊ထယ်ဖုံးစနစ်ဖြင့် စိုက်ပျိုးကြပါသည်။ စိုက်ပျိုးသောမျိုးများမှာ ပဲယဉ်းကြီးမျိုးနှင့်ပဲယဉ်းသေးမျိုးများကိုသာ စိုက်ပျိုးကြကြောင်း၊ ယခင်နှစ် ပဲယဉ်းပေါ်ချိန်တွင် အထွက်နှုန်းအနေဖြင့် (၂၅-၃၀)တင်း ထွက်ရှိခဲ့ကြောင်း၊ ယခင်နှစ် ပဲယဉ်းဈေးနှုန်းအနေဖြင့် တစ်တင်းလျင် (၄၅၀၀၀)ကျပ်ဖြင့် ရောင်းဝယ်ခဲ့ကြောင်း၊ ကုန်ကျစရိတ်နုတ်ပြီးပါက (၉၇၅၀၀၀) ကျပ် မြတ်ခဲ့ကြောင်း၊ ယခုလက်ရှိပဲယဉ်းပေါက်ဈေးအနေဖြင့် တစ်တင်းလျှင် (၈၂၅၀၀)ကျပ်ခန့် ရောင်းဝယ်လျက်ရှိကြောင်း၊ ပဲယဉ်းသီးနှံပေါ်ချိန်တွင် တောင်သူများမှ မြို့ပေါ်ပွဲရုံများသို့ တိုက်ရိုက် တင်ပို့ရောင်းချကြကြောင်း၊ ပွဲရုံများမှတစ်ဆင့် မန္တလေး၊ ရန်ကုန်မြို့များသို့ တင်ပို့ရောင်းချလျက်ရှိကြောင်း၊ ပဲစားသုံးခြင်းဖြင့် ပရိုတင်းဓာတ်ပြည့်ဝစွာရရှိခြင်း၊ နှလုံးကျန်းမာရေးကို ပိုမိုကောင်းမွန်စေခြင်း၊ အဟာရဓာတ်ပေါများစွာပါဝင်ကြောင်း လေ့လာသိရှိရပါသည်။ စိုက်ပျိုးစရိတ်သက်သာပြီး စီးပွားဖြစ်ဝင်ငွေတိုးသော ပဲယဉ်းသီးနှံကို တောင်သူများ တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တ‌လေး)