ပြည်တွင်းကုန်သွယ်မှုသတင်း

    ကျွန်းလှမြို့၊ သစ်ရာမြိုင်‌ဈေးကွက်အတွင်းသို့ ယခုရာသီအချိန်တွင် ကျွန်းလှမြို့ပေါ်ရပ်ကွက်များနှင့် ကျွန်းလှမြို့နယ်အတွင်းရှိ ကျေးရွာများတွင် စားဖိုဆောင်သီးနှံများဖြစ်သည့် ခရမ်းသီး၊ ကြက်ဟင်းခါးသီး၊ ရုံးပတီသီး၊ ပဲတောင့်ရှည်သီး၊ သခွားသီး၊ ခရမ်းချဉ်သီး၊ ရွှေဖရုံသီးတို့ကို စိုက်ပျိုးသည့်အနက် ဗုံလုံသီး (ခေါ်)ပဲလင်းမြွေသီးများကို စိုက်ပျိုးကြပြီး ကျွန်းလှမြို့၊ သစ်ရာမြိုင်‌ဈေးကွက်အတွင်းသို့ လာရောက် ပို့ဆောင် ရောင်းချရကြောင်း သိရှိရပါသည်။

     ယခု စက်တင်ဘာလ စတုတ္ထအပတ်တွင် ဗုံလုံသီး(ခေါ်)ပဲလင်းမြွေသီး ဈေးနှုန်း အနေဖြင့် ဗုံလုံသီး (ခေါ်) ပဲလင်းမြွေသီး အကြီးတစ်တောင့်လျှင်(၈၀၀)ကျပ်၊ (၂)တောင့်လျှင်(၁၅၀၀)ကျပ်၊ အလတ် တစ်တောင့်လျှင်(၅၀၀)ကျပ် နှင့် အသေး တစ်တောင့်လျှင်(၃၅၀)ကျပ်၊ ငွေကျပ်(၁၀၀၀)ဖိုးလျှင်(၃)တောင့် တို့ဖြင့် ရောင်းချလျက်ရှိပြီး  အလားတူပင် သခွားသီး ဈေးနှုန်း အနေဖြင့် ဒေသထွက် သခွားသီး အကြီး (၁)လုံးလျှင်(၈၀၀)ကျပ် နှင့် အသေးတစ်လုံးလျှင်(၅၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက် ရှိကြောင်း သိရှိရပါသည်။

DOCA(စစ်ကိုင်း)

    ကျွန်းလှမြို့ရှိ ရပ်ကွက်ဈေးများအတွင်းရှိ ဈေးဆိုင်များတွင် ပဲပုတ် ပဲငပိများကို မိမိတို့ဒေသထွက် ကိုယ်တိုင်လုပ်ရောင်းခြင်းနှင့် ကာဘိုးကျေးရွာတို့ မှ မှာယူရောင်းချလျက်ရှိကြောင်း သိရှိရပါသည်။

      ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ကျွန်းလှမြို့ပေါ်ရပ်ကွက်ဈေးများအတွင်းရှိ ဈေးဆိုင်များတွင် ဖြစ်ပေါ်နေ‌သော ပဲပုတ် ပဲငပိ ဈေးနှုန်းအနေဖြင့် ပဲပုတ် ပဲငပိ လက်လီ တစ်ပိဿာလျှင် (၆၀၀၀)ကျပ်၊ ပဲပုတ် ပဲငပိ(၅၀)ကျပ်သားလျှင်(၃၀၀၀)ကျပ် နှင့် ပဲပုတ် ပဲငပိ(၂၅)ကျပ်သားလျှင်(၁၅၀၀) ကျပ် နှင့် ပဲပုတ်ပဲငပိခြောက် ဈေးနှုန်းအနေဖြင့်  ပဲပုတ် ပဲငပိခြောက် တစ်ပိဿာလျှင်(၂၀၀၀၀)ကျပ်၊ ပဲပုတ် ပဲငပိ ခြောက်(၅၀)ကျပ်သားလျှင်(၁၀၀၀)ကျပ်၊ (၂၅)ကျပ်သားလျှင်(၅၀၀၀)ကျပ် နှင့် ပဲပုတ် ပဲငပိခြောက် (၁၀)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ပဲပုတ်ပဲငပိအစိုကိုတော့ ယခုရာသီတွင် ခရမ်းသီးပြုတ် ၊ ရုံးပတီသီး၊ သခွားသီး တို့စရာအစုံပေါသည့်အတွက် ရောင်းအား ပိုကောင်းကြောင်း သိရသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာ ဝန်ခံရုံးအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုး တိုးတက် ရေးလုပ်ငန်းများကိုပါဆောင်ရွက်လျက်ရှိရာ ကျွန်းလှမြို့နယ်၊ ရှမ်းစုကျေးရွာတွင် တစ်ပိုင်တစ်နိုင်အနေဖြင့် ပြောင်းချိုပင်များ စိုက်ပျိုးလျက်ရှိကြောင်းသိရသည်။

     ၂၀၂၅ ခုနှစ်၊ စက်တင်ဘာလ စတုတ္ထပတ် ကျွန်းလှမြို့တွင် ဖြစ်ပေါ်နေသော ပြောင်းချိုဖူး ဈေးနှုန်း အနေဖြင့် ပြောင်းချို အဖူးကြီး တစ်ဖူးလျှင်(၇၀၀)ကျပ်၊ ငွေကျပ်(၂၀၀၀)ဖိုးလျှင်(၃)ဖူး နှင့် အဖူးသေး တစ်ဖူး လျှင်(၅၀၀)ကျပ်၊ ငွေကျပ်(၁၀၀၀)ဖိုးလျှင်(၂)ဖူး ဈေးနှုန်းတို့ဖြင့် လည်းကောင်း ပြောင်းချို အပြုတ် တစ်ဖူးလျှင်(၈၀၀)ကျပ်(၂)ဖူးလျှင်(၁၅၀၀)ကျပ် ဈေးနှုန်းတို့ဖြင့် အ‌ရောင်းအဝယ်ဖြစ်လျက်ရှိကြောင်း သတင်း ရရှိ ပါသည်။

DOCA(စစ်ကိုင်း)

    ကျွန်းလှမြို့တွင် စိုက်ပျိုးရေးလုပ်ငန်းကို တစ်ပိုင်တစ်နိုင်အနေဖြင့် စိုက်ပျိုးကြရာတွင် စာဖိုဆောင်သီးနှံဖြစ်သည့် ပန်ဂေါ်ဖီ၊ ‌ဂေါ်ဖီထုတ်၊ ‌ရွှေပဲသီး၊ မုံညှင်းထုတ်၊ ပန်းငရုတ်ပွသီး၊ ဂျူးမြစ်၊ ကန်ဇွန်းဥ၊ ခရမ်းချဉ်သီး၊ ငရုပ်သီးစိမ်း၊ ပြောင်းဖူး၊ တိုင်ထောင်ဘိုစားပဲသီး၊ ဂေါ်ရခါးသီး၊ ခါကြက်ဥ နှင့် ပန်းငရုပ်ပွသီးတို့ကိုပါ စိုက်ပျိုးရောင်းချကြောင်း သိရသည်။

    ၂၀၂၅ ခုနှစ်၊ စက်တင်ဘာလ စတုတ္ထအပတ် သစ်ရာမြိုင်ဈေးအတွင်းရှိ ပန်းငရုတ်ပွသီး ဈေးနှုန်းမှာ ပန်းငရုတ်ပွသီး လက္ကား တစ်ပိဿာလျှင်(၁၀၀၀၀)ကျပ်၊ ပန်းငရုတ်ပွသီး လက်လီ တစ်ပိဿာ လျှင်(၁၂၀၀၀)ကျပ်၊ ၅၀ကျပ်သားလျှင်(၆၀၀၀)ကျပ်၊ ၂၅ကျပ်သားလျှင်(၃၀၀၀)ကျပ်နှင့် ပန်းငရုတ်ပွသီး (၁၀)ကျပ်သားလျှင်(၁၂၀၀)ကျပ်ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း ယခင်အပတ်ထက် ပန်းငရုတ်ပွသီးဈေးနှုန်း တစ်ပိဿာလျှင်(၂၀၀၀)ကျပ် ကျဆင်းပြီး အရောင်းအဝယ်ဖြစ်လျက်ရှိကြောင်း ကုန်စိမ်းသီးနှံမျိုးစုံ ရောင်းချသူထံမှ သိရပါသည်။

DOCA(စစ်ကိုင်း)

   မအူပင်ခရိုင်၊ ဓနုဖြူ မြို့နယ်၌ ၂၀၂၅-၂၀၂၆ ခုနှစ်၊ မိုးစပါးစိုက်ပျိုးရာသီ၌ မနောသုခ၊ ဆင်းသုခ ၊ ရက် ၉၀ ၊ ကရင်မ ၊ GW11 နှင့် မျိုးကွဲစပါးမျိုးများကို မျိုးစေ့ချစိုက်ပျိုးခြင်း၊ ပျိုးထောင်စိုက်ပျိုးခြင်း၊ ကောက်စိုက်စက် လက်ဆွဲကောက်စိုက်စက်များကိုအသုံးပြု စိုက်ပျိုးခဲ့ကြရာ စိုက်ပျိုးရေးဦးစီးဌာနနှင့် သက်ဆိုင်ရာဌာနများ ပူးပေါင်းဆောင်ရွက်ခဲ့မှုနှင့်အတူ တောင်သူဦးကြီး များ၏ ကြိုးပမ်းအောင်မြင် စိုက်ပျိုးခြင်းများဖြင့် လျာထားဧကထက် ပိုမိုကျော်လွန် စိုက်ပျိုး ပြီးစီးခဲ့ကြောင်း သိရသည်။

   ဓနုဖြူမြို့နယ် မိုးစပါးတစ်ဧက ပန်းတိုင်ထွက်ရှိရေးအတွက် စိုက်ပျိုးရေးနည်းစနစ်များကို အသုံးချတတ်စေရန် နည်းပညာပြန့်ပွားရေးစိုက်ပျိုးရေးဦးစီးဌာနရုံးနှင့် ဌာနဆိုင်ရာများက  ကျေးရွာ များ အရောက် တောင်သူအသိပညာပေးဟောပြောခြင်း ကွင်းသရုပ်ပြခြင်းများ၊ သွင်းအားစုများပံ့ပိုး ပေးခြင်း၊ သဘာဝဓာတ်မြေသြဇာ ရောစပ်ကြဲပက်နည်းစနစ်များကို ဖြန့်ဖြူးသင်ကြား လက်တွေ့ အသုံးချ၍ မိုးစပါးများအထွက်နှုန်းတိုးတက်စေသည့် တောင်သူဦးကြီးများအား အသိပညာ၊ နည်းပညာများ ဖြန့်ဖြူးပေးခြင်းများဖြင့် လက်မှုလယ်ယာမှ စက်မှုလယ်ယာစနစ်သို့ ကူးပြောင်း စေခဲ့ကာ လယ်ယာကဏ္ဍ သီးနှံထုတ်လုပ်ကုန်ထုတ်လုပ်မှု တိုးတက်လာစေပြီး အထွက်နှုန်း ကောင်းသော မျိုးစပါး၊ အရည်အသွေး ကောင်းမွန်သော စပါးမျိုးကောင်းမျိုးသန့်များ တိုးပွားလာ စေရန် တာဝန်ရှိဝန်ထမ်းများက တောင်သူများနှင့် ပူးပေါင်းကာ လယ်မြေများအရောက် ကွင်းဆင်း ကြိုးစားဆောင်ရွက်ခဲ့မှုကြောင့် မြို့နယ်အတွင်း ဆန်စပါးဖူလုံ စေသည့်အပြင် အဓိကစားသောက် ကုန် ဆန်စပါးအား ပြည်ပပို့ကုန်အဖြစ် နှစ်စဉ်တင်ပို့ရောင်းချလျက်ရှိရာ ယခုနှစ်တွင် ဆန်စပါး စိုက်ပျိုးရာ၌ တစ်ဧကပန်းတိုင်ထွက်ရှိရေးနှင့် လျာထားဧကပြည့်မီအောင် စိုက်ပျိုးနိုင်ခဲ့ကြောင်း သိရပြီး ဓနုဖြူမြို့နယ် ကျေးရွာများတွင် စပါးများ စတင်ရိတ်သိမ်းနေပြီးဖြစ်ကြောင်း ၁ဧက စပါးထွက်ရှိမှု ၆၅တင်း- ၈၅ တင်းနှုန်း လယ်မြေပေါ်မတူညီပဲ ရိတ်သိမ်းထွက်ရှိကြောင်းနှင့် လက်ရှိစပါးပေါက်ဈေးမှာ ၁၁သိန်းကျော်ခန့် အရောင်းအဝယ်ဖြစ်နေကြောင်း ဓနုဖြူမြို့နယ် ဦးစီးမှူး ရုံးမှ တာဝန်ရှိသူများ ကွင်းဆင်းစစ်ဆေးချက်များအရသိရှိရသည်။

DOCA(ဧရာဝတီ)