ပြည်တွင်းကုန်သွယ်မှုသတင်း

          မြန်မာလူမျိုးများ ခေါ်ဝေါ်သည့် အမည်(ငရုတ်)ဟူသည်မှာ ရုက္ခဗေဒ အမည်ဖြင့်(Capsicum spp) ဖြစ်ပါသည်။ Capsicum spp ဆိုသည့်အတိုင်း Capsicum ဓါတ်ပါဝင်မှုကြောင့် ငရုတ်သီးများတွင် အစပ်ဂုဏ်သတ္တိများ ရှိကြပါသည်။

    ငရုတ်ပင်အမျိုးအစားအလိုက် အသီးသီးရာတွင် အချို့ငရုတ်သည် မိုးပေါ်သို့ထောင်သီးကြပြီး အချို့ငရုတ်မှာ အောက်သို့စိုက်၍သီးကြပါသည်။ ငရုတ်သီးအမျိုးအစားအလိုက် အသီးသီးပုံများ မတူညီ ကွဲပြားကြသကဲ့သို့ အသီး၏ ပုံသဏ္ဌာန်များမှာလဲ မတူညီကြပါ။ ငရုတ်သီး အရှည်၊ အပုနှင့် အဝိုင်းဟူ၍ အမျိုးမျိုးရှိကြပါသည်။

   ကယားပြည်နယ်၊ လွိုင်ကော်မြို့၊ သီရိမင်္ဂလာဈေးအတွင်း ဖြစ်ပေါ်နေသော ငရုတ်သီး ဈေးနှုန်းများမှာ ငရုတ်သီးခြောက်(အရှည်) တစ်ပိဿာလျှင်( ၁၆၀၀၀/- )ကျပ်၊ ငရုတ်သီးခြောက် (အပု) တစ်ပိဿာလျှင်( ၃၅၀၀၀/- )ကျပ်နှင့် ငရုတ်သီးအစိမ်း တစ်ဘူးလျှင် ( ၁၀၀၀/- )ကျပ်နှင့် (၂၀၀၀/- )ကျပ်ကြား အရောင်းအဝယ်ဖြစ်လျက်ရှိပါသည်။ ငရုတ်သီးများကို ကယားပြည်နယ်၊ လောပိတမြို့တွင် အနည်းငယ်စိုက်ပျိုးကြပြီး၊ ရှမ်းပြည်နယ်၊ ပင်လောင်းမြို့နှင့် အောင်ပန်းမြို့တို့မှ ဝယ်ယူရောင်းချကြကြောင်း ငရုတ်သီးရောင်းချသော ဈေးသည်များထံမှ သိရှိရပါသည်။

DOCA(ကယား)

      ၂၀၂၅ ခုနှစ်၊ ဇူလိုင်လ(၂၅)ရက်နေ့၊ နံနက်(၈:၀၀)နာရီအချိန်တွင် လွိုင်ကော်မြို့၊သီရိမင်္ဂ လာဈေး၌ အထူးစုံစမ်းစစ်ဆေးရေးဦးစီးဌာန၊ ဗဟိုစာ ရင်းအင်းအဖွဲ့၊ စည်ပင်သာယာရေးအဖွဲ့ တို့နှင့်ပူးပေါင်း၍ အခြေခံစားကုန်ဈေးနှုန်းများ ကွင်းဆင်းကောက်ယူခဲ့ပါသည်။

     ထိုသို့ကွင်းဆင်းကောက်ယူခဲ့ရာ လွိုင်ကော်မြို့တွင်ဖြစ်ပေါ်နေသော အသား၊ ငါးဈေးနှုန်း များမှာ ကြက်(CP)အသားတိုး (၁)ပိဿာလျှင် (၁၈၀၀၀/-)ကျပ်၊ ကြက်(CP)ဥနှုန်းကျ (၁)ပိဿာ လျှင် (၂၄၀၀၀/-)ကျပ်၊ ကြက်(ဗမာ) (၁)ပိဿာလျှင် (၃၂၀၀၀/-)ကျပ်၊ ဝက်သား (၁)ပိဿာလျှင် (၃၅၀၀၀/-)ကျပ်၊   အမဲသား(၁)ပိဿာလျှင် (၃၅၀၀၀/-)ကျပ်၊ ငါးမြစ်ချင်း (၁)ပိဿာလျှင် (၂၂၀၀၀/-) ကျပ်၊ ငါးကြင်း (၁)ပိဿာလျှင် (၂၂၀၀၀/-)ကျပ်၊ ငါးခူ (၁)ပိဿာလျှင် (၂၀၀၀၀/-)ကျပ်၊ အာပြဲခြောက် (၁)ပိဿာလျှင် (၃၀၀၀၀/-)ကျပ်၊ ငါးတံခွန် (၁)ပိဿာလျှင် (၂၀၀၀၀/-)ကျပ် တို့ဖြင့် အရောင်းအ ဝယ်ဖြစ်လျက်ရှိကြောင်း အသားနှင့်ငါးများရောင်းချလျက်ရှိသော ဈေးသည်များထံမှ သိရှိရပါသည်။

    ယခင်အပတ် ဈေးနှုန်းများနှင့်နှိုင်းယှဉ်ကြည့်လျှင် ငါးတံခွန်(၁)ပိဿာလျှင် (၂၀၀၀/-) ကျပ် ဈေးနှုန်းမြင့်တက်သွားပြီး မြင့်တက်သွားရခြင်းမှာ ရန်ကုန်မြို့ငါးဒိုင်၌ ဝယ်ယူသည့်ဈေးနှုန်း မြင့်တက်ခဲ့မှုကြောင့်ဖြစ်ပါကြောင်း၊ ငါးမြစ်ချင်း (၁)ပိဿာလျှင်(၂၀၀၀/-)ကျပ်နှင့် အာပြဲခြောက် (၁)ပိဿာလျှင် (၄၀၀၀/-)ကျပ် ဈေးနှုန်းကျဆင်းသွားပြီး ကျဆင်းလာရခြင်းမှာ ရန်ကုန်မြို့နှင့် တောင်ကြီးမြို့တို့မှ ဝယ်ယူလျက်ရှိပြီး ဝယ်ယူရသည့်‌ဈေးနှုန်းနှင့် သယ်ယူစရိတ် အနည်းငယ် ကျဆင်းရခြင်းကြောင့် ဖြစ်ပါကြောင်းနှင့် ကျန်အသား၊ ငါးဈေးနှုန်းများမှာ တည်ငြိမ်လျက်ရှိပါကြောင်း သိရှိရပါသည်။

DOCA(ကယား)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင်  ရောင်းချလျှက်ရှိသော ဆီတို့ဟူးများကို ကချင်ပြည်နယ် ဟိုပင်မြို့နှင့် မိုးညှင်းမြို့တို့မှ ဝယ်ယူရောင်းချကြောင်း၊ ၂၀၂၅ ခုနှစ်၊ ဩဂုတ်လ ပထမပတ်အတွင်း ဆီတို့ဟူး(၁)သေတ္တာလျှင် (၄၂၀၀)ကျပ်၊ လက္ကား(၁)သေတ္တာ လျှင် (၄၀၀၀)ကျပ်နှင့် (၁၀)ကျပ်သားလျှင်(၁၁၀၀)ကျပ်ဖြင့် ရောင်းချကြောင်း၊ ထမင်းဝိုင်းများတွင် ဆီတို့ဟူးကို ကြက်သွန်နီပါးပါးလှီးကာ ဆီစိမ်းဆမ်းပြီး သုပ်စားကြသလို၊ တစ်ချို့ကကြော်ချက်၍ စားသုံးကြကြောင်း၊ ဆီတို့ဟူးသည် မည်သည့်ဟင်းလျာဖြင့်ဖြစ်စေ တွဲဖက်စား၍ရသည့် အရန်ဟင်း တခွက်ဖြစ်ပြီး ခံတွင်းမြိန်စေကြောင်း၊ ဆီတို့ဟူးကို ကျေးလက်နေပြည်သူများက ဝယ်ယူစားသုံးကြ သည့်အတွက် အရောင်းအဝယ်ဖြစ်လျက်ရှိကြောင်း၊ လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် အရောင်းအဝယ်ဖြစ်လျက် ရှိသည့် ဂျင်း(ချင်း)တက်များကို ရှမ်းပြည်နယ် အောင်ပန်းမြို့မှလည်းကောင်း၊ မန္တလေးမြို့မှ လည်းကောင်း ဝယ်ယူရကြောင်း၊ ဂျင်း(ချင်း)တက်ကို အစားအသောက်များတွင် အရသာပိုမိုကောင်း မွန်ရန်အတွက် အသုံးပြုကြသလို၊ ဂျင်းပေါက်ပြုလုပ်သည့် လုပ်ငန်းရှင်များကလည်း ဝယ်ယူကြောင်း သိရသည်။

 ၂၀၂၅ ခုနှစ်၊ ဩဂုတ်လ ပထမပတ်အတွင်း ကန့်ဘလူမြို့မဈေးတွင် ရောင်းချနေသည့်  ဂျင်း(ချင်း)တက်ဈေးနှုန်းများမှာ လက္ကား(၁)ပိဿာလျှင် (၄၈၀၀)ကျပ်၊ လက်လီ(၁)ပိဿာလျှင် (၅၀၀၀)ကျပ်ဖြင့်ရောင်းချကြောင်း၊ ကန့်ဘလူမြို့နယ်အတွင်း တစ်နိုင်တစ်ပိုင် ဂျင်းပေါက်လုပ်ငန်း များလုပ်ကိုင်လျက်ရှိရာ ဂျင်းပေါက်လက်လီ(၁)ပိဿာလျှင် (၅၀၀၀)ကျပ်နှင့် လက္ကားတစ်ပိဿာ လျှင် (၄၀၀၀မှ ၄၅၀၀)ကျပ်ဖြင့်ရောင်းချကြောင်း၊ ဂျင်းပေါက်ကို  ဂျင်းသုပ်အပြင်၊ လဖက်နှင့်ရော၍ အများဆုံးအသုံးပြုလျက်ရှိပြီး အခြားအစားအသောက်များနှင့် တွဲဖက်၍လည်း စားသုံးကြကြောင်း၊ ဂျင်းတက်/ဂျင်းပေါက် ရောင်းချသည့် လုပ်ငန်းရှင်များထံမှ သိရှိရသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းမျာ ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။

  ကန့်ဘလူမြို့နယ်တွင် ရောင်းချလျက်ရှိသည့် ခရမ်းချဉ်သီးများကို မန္တလေးမြို့မှ ဝယ်ယူရ ကြောင်း၊ ၂၀၂၅ ခုနှစ် ၊ ဩဂုတ်လ ပထမပတ်အတွင်း ကန့်ဘလူမြို့မဈေးတွင် ရောင်းချနေသော ခရမ်းချဉ်သီးဈေးနှုန်းများမှာ အင်းသီးအလုံးကြီး(၁)ပိဿာလျှင် (၆၀၀၀)ကျပ်၊ (၁၀)ကျပ်သားလျှင် (၆၀၀)ကျပ်နှင့် အလုံးသေးတစ်ပိဿာလျှင် (၅၀၀၀)ကျပ်ဖြင့်ရောင်းချကြောင်း၊ ခရမ်းချဉ်သီးသည် ဟင်းလျာအမျိုးမျိုးနှင့် တွဲဖက်အသုံးပြုကြသည့်အတွက် အိမ်ရှင်မများ၊ စားသောက်ဆိုင်များနှင့် ထမင်းဆိုင်များမှ ဝယ်ယူအသုံးပြုကြသည့်အတွက် ဝင်ရောက်သမျှ အရောင်းအဝယ်ဖြစ်လျက်ရှိ ကြောင်း ခရမ်းချဉ်သီး ရောင်းချသူများထံမှ သတင်းရရှိပါသည်။

DOCA(စစ်ကိုင်း)