ပြည်တွင်းကုန်သွယ်မှုသတင်း

      ကျွန်းလှမြို့ ပေါ်ရပ်ကွက်များတွင် မွေးမြူရေးနှင့်  စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှ ရိုးရိုး ဗမာနွားများနှင့် မေထုံခေါ် နို့စားနွား မွေးမြူရေးလုပ်ငန်းကိုလည်း တစ်ပိုင် တစ်နိုင် မွေးမြူလျက်ရှိပြီး နွားနို့များကို ကျွန်းလှမြို့ ဈေးကွက်အတွင်းသို့ လာရောက် ပို့ဆောင်ကာ ရောင်းချလျက်ရှိကြောင်း သိရသည်။

      ၂၀၂၅ ခုနှစ်၊ ဇူလိုင်လ နောက်ဆုံးပတ်တွင် ရောင်းချနေသော  နွားနို့ ဈေးနှုန်း များမှာ နွားနို့(၁)လီတာ တစ်ဘူးလျှင်(၂၀၀၀)ကျပ်၊ နွားနို့ခဲ(၁၀)ကျပ်သားလျှင်(၁၅၀၀)ကျပ် နှင့် ဒိန်ချဉ် (၁)လီတာ တစ်ဘူးလျှင်(၅၀၀၀)ကျပ် ဈေးနှုန်းတို့ဖြင့်  ရောင်းချလျက်ရှိကြောင်း သိရသည်။

DOCA(စစ်ကိုင်း)

     ငါးပတ်နှင့်ငါးပေါက်စကို ကန့်ဘလူခရိုင်၊ ကျွန်းလှမြို့နယ်အတွင်းရှိ သဖန်းဆိပ်ဆည်မှ ထွက်ရှိသည့် ဒေသထွက်ရေချိုငါးများကို  လက်လီ/လက္ကား ငါးအရောင်းအဝယ်ပြုလုပ်သည့် ဒိုင်များမှ ဝယ်ယူရောင်းချကာ  ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။

    ၂၀၂၅ ခုနှစ်၊ ဇူလိုင်လ နောက်ဆုံးပတ်တွင် ကျွန်းလှမြို့တွင် ရောင်းချနေသော  ငါးဖယ်ခြစ် ဈေးနှုန်းများမှာ ငါးဖယ်ခြစ် တစ်ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင် (၁၀၀၀၀)ကျပ်နှင့် (၁၀)ကျပ်သားလျှင်(၂၀၀၀)ကျပ်ဈေးနှုန်းတို့ဖြင့် ရောင်းချလျက်ရှိပြီး   ငါးဖယ်ဈေးနှုန်းများမှာ ငါးဖယ် အကောင်လိုက် လက်လီ တစ်ပိဿာလျှင်(၁၅၀၀၀)ကျပ်၊ (၅၀)ကျပ်သားလျှင်(၇၅၀၀)ကျပ်နှင့် (၂၅)ကျပ်သားလျှင် (၄၀၀၀)ကျပ် ဈေးနှုန်းတို့ဖြင့်  အရောင်းအဝယ်ဖြစ်လျက်ရှိကြောင်း ငါးအရောင်းအဝယ်လုပ်ကိုင်သူထံမှ သိရပါသည်။

DOCA(စစ်ကိုင်း)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာ ကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါဆောင်ရွက် လျက် ရှိရာ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့တွင် ၊ မိသားစုစားဝတ်နေရေး အပိုဝင်ငွေရရှိရန် အတွက် စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ  ဂန္ဓမာပန်းပင်ကို တစ်နိုင်တစ်ပိုင် စိုက်ပျိုးလာ ကြသည်။

   ဂန္ဓမာပန်းပင် စိုက်ပျိုးရန် ပြင်ဦးလွင်မြို့မှ ပန်းပျိုးပင်သက် (၁)လခွဲသားများကို မှာယူ၍ အိမ်အရောက် တစ်ပင်(၃၀)ကျပ်ဖြင့် မှာယူရပါသည်။ ယခု စိုက်ပျိုးထားသော ဂန္ဓမာပန်း အမျိုးအစားများမှာ မြနှင်းဖြူမျိုး၊ စံပယ်ဖြူမျိုးနှင့် ပဲနီမျိုးတို့ ဖြစ်ပြီး  စိုက်ပျိုးမှုပုံစံမှာ မြေဘောင်တင်စနစ်၊ မြေအောက် ရေတင်စနစ်တို့ဖြင့်  မြေအကျယ်အဝန်း(၆၀)ပေပတ်လည်တွင်  အပင်ရေ (၂၅၀၀)ခန့်  စိုက်ပျိုးထား ပါကြောင်း၊ ပျိုးပင် ဝယ်ယူ ခြင်း၊ မြေဘောင် တင်ခြင်း၊ မြေပြုပြင်ခြင်း၊ သွင်းအားစုထည့်ခြင်း၊ ရေပေးခြင်း တို့အတွက် ကုန်ကျစရိတ် စုစုပေါင်း (၅၀၀၀၀၀)ကျပ်ခန့် ကုန်ကျပါကြောင်း၊ ဂန္ဓမာပန်းသည် အသစ်စိုက်လျှင် စိုက်ပျိုးပြီး(၅) လအကြာတွင် စတင် ခူး ဆွတ် ရောင်းချရပါကြောင်း၊ တစ်ခါစိုက်ပြီး ပြုစုပျိုးထောင်နိုင်မှု ကောင်းလျှင်(၃) သားအထိ ခူးဆွတ်ရောင်းချရပါကြောင်း သိရသည်။

      ဂန္ဓမာပန်းများကို တစ်ရက်လျှင် အစည်းအရေအတွက်(၁၀၀ မှ ၁၅၀)ထိ ချိုးယူရောင်းချရပြီး တစ်ခါ စိုက်ပျိုးပြီးလျှင် တစ်လခွဲခန့်ကြာအောင် ခူးဆွတ်ရောင်းချရပါကြောင်း၊ ကျွန်းလှမြို့၏ ဂန္ဓမာပန်း ဈေးနှုန်းအနေဖြင့် ဂန္ဓမာပန်းတစ်စည်းလျှင် ဖောက်သည်ပေးသည့် လက္ကား ဈေးနှုန်း(၁၀၀၀)ကျပ်ဈေးနှုန်း လက်လီ ဂန္ဓမာ ပန်း ဈေးနှုန်းမှာ ဂန္ဓမာပန်းတစ်စည်းလျှင်(၁၅၀၀)ကျပ်ဈေးနှုန်းတို့ဖြင့်ရောင်းချရကြောင်း ဂန္ဓမာပန်း စိုက်ပျိုး ရောင်းချသူထံမှ သိရှိရပါသည်။

DOCA(စစ်ကိုင်း)

    ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များတွင် ကွမ်းသီးများကို  ရန်ကုန်မြို့နှင့်မန္တလေးမြို့တို့မှ မှာယူရောင်းချလျက်ရှိကြောင်း သိရှိရပါသည်။

        ၂၀၂၅ ခုနှစ်၊ ဇူလိုင် နောက်ဆုံးပတ်အတွင်း ကျွန်းလှမြို့ ကုန်မျိုးစုံရောင်းချသည့် ဆိုင်များတွင် ဖြစ်ပေါ်နေ‌သော ကွမ်းသီးစိတ် ဈေးနှုန်းအနေဖြင့် ကွမ်းသီးစိတ်(ရှယ်စ)တစ်ပိဿာလျှင်(၃၈၀၀၀)ကျပ်၊ ကွမ်းသီးစိတ်(လတ်စ)တစ်ပိဿာလျှင်(၃၅၀၀၀)ကျပ်၊ ကွမ်းသီးစိတ်(ညံ့)တစ်ပိဿာလျှင်(၂၃၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း သိရသည်။

DOCA(စစ်ကိုင်း)

           ကျုံပျော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ဇူလိုင်လ စတုတ္တပိတ်အတွင်း ရောင်းချလျက်ရှိသော အခြေခံမီးဖိုချောင်သုံးစားသောက်ကုန် ဈေးနှုန်းအများစုသည် ပုံမှန်အတိုင်းဈေးနှုန်းတည်ငြိမ်စွာ ရောင်းချလျက်ရှိပါသည်။

          အဆိုပါ မီးဖိုချောင်သုံးစားသောက်ကုန်ဈေးနှုန်းများ အနက်မှ ငရုတ်ခြောက်နှင် အာလူးဈေးမှာ အနည်းငယ် မြင့်တက်နေပါသည်။ ယခင် ငရုတ်ခြောက် လက်ကားဈေးနှုန်းမှာ (၉၅၀၀) ကျပ်၊ ယခု ဈေးနှုန်းမှာ (၁၀၀၀၀) ကျပ်နှင့် ယခင် အာလူး ဈေးနှုန်းမှာ (၅၃၀၀) ကျပ်၊ ယခု အာလူးဈေးနှုန်းမှာ (၅၆၀၀) ကျပ်နှုန်းဖြင့်  အနည်းငယ် ဈေးနှုန်းမြင့်တက်နေကြောင်း သိရှိရပါသည်။

DOCA(ဧရာဝတီ)