ပြည်တွင်းကုန်သွယ်မှုသတင်း

             ပြောင်းဖူးသည် မြန်မာနိုင်ငံ၏စိုက်ပျိုးရေးကဏ္ဍတွင် ဆန်စပါးပြီးလျှင် ဒုတိယမြောက်အရေး ပါဆုံးသော သီးနှံဖြစ်ရုံသာမက စီးပွားရေးအရ အလွန်အလားအလာကောင်းသည့် ရွှေရောင်သီးနှံ တစ်ခုဖြစ်ပါသည်။ မြန်မာနိုင်ငံတွင် ပြောင်းဖူးကို ရှမ်းပြည်နယ်၊ ကယားပြည်နယ်၊ နေပြည်တော်၊ မန္တလေးတိုင်းနှင့်စစ်ကိုင်းတိုင်းတို့တွင် အများဆုံးစိုက်ပျိုးပြီး မိုးဦးပြောင်းကို မေလနှင့်ဇွန်လများတွင် လည်းကောင်း၊ ဆောင်းပြောင်းကို အောက်တိုဘာလနှင့် နိုဝင်ဘာလများတွင် စိုက်ပျိုးကြသည်။

             ပြောင်းဖူးသည် တိရစ္ဆာန်အစာထုတ်လုပ်ငန်းအတွက် မရှိမဖြစ်လိုအပ်သည့် ကုန်ကြမ်းဖြစ် သကဲ့သို့ ပြည်ပဝယ်လိုအားအမြဲရှိနေသည့်သီးနှံဖြစ်ပါသည်။ ပြောင်းဖူးမှတစ်ဆင့် ပြောင်းဖူး ကစီဓာတ်၊ ပြောင်းဖူးဆီနှင့်သကြားအစားထိုးအချိုရည်များ ထုတ်လုပ်ကြပြီး အချို့နိုင်ငံများတွင် ပြောင်းဖူးကို အီသနောဟုခေါ်သော ဇီဝလောင်စာအဖြစ်ပြောင်းလဲထုတ်လုပ်ကာ မော်တော်ယာဉ် များတွင်အသုံးပြုကြပါသည်။ မြန်မာနိုင်ငံမှထွက်ရှိသောပြောင်းဖူးများသည် အရည်အသွေး ကောင်းမွန်မှုကြောင့် အိမ်နီးချင်းနိုင်ငံများဖြစ်သည့် ထိုင်း၊ တရုတ်၊ ဗီယက်နမ်နှင့်ဖိလစ်ပိုင်နိုင်ငံတို့က အမြဲတစေဝယ်ယူလျက်ရှိသည်။

           နယ်စပ်ကုန်သွယ်ရေးလမ်းကြောင်းမှတစ်ဆင့် နှစ်စဉ်တန်ချိန်သန်းနှင့်ချီတင်ပို့နေရသဖြင့် နိုင်ငံခြားဝင်ငွေရှာဖွေပေးရာတွင် အရေးပါသောကဏ္ဍမှရှိနေသည်။ ပြောင်းဖူးသည် စိုက်ပျိုးရ လွယ်ကူပြီး ဈေးကွက်ခိုင်မာသည့်သီးနှံဖြစ်သဖြင့် စနစ်တကျစိုက်ပျိုးထုတ်လုပ်နိုင်မည်ဆိုပါက တောင်သူများအတွက်သာမက နိုင်ငံတော်၏စီးပွားရေးအတွက်ပါ အလွန်အကျိုးရှိသည့် သီးနှံတစ်ခု ဖြစ်ပါသည်။

DOCA(ပဲခူး)

          ၁၉.၂.၂၀၂၆ ရက်နေ့ ဘုရင့်နောင်ပွဲရုံတွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ ကျပ် ၁၁၈၀၀၊ အောင်ပန်းထူး-၂ ကျပ် ၅၅၀၀၊ အောင်ပန်းထူး-၃ ကျပ် ၇၀၀၀၊ အောင်ပန်းထူး-၄ ကျပ် ၈၀၀၀၊ အောင်ပန်းထူး-၅ ကျပ် ၈၅၀၀၊ ကြက်သွန်နီ တစ်ပိဿာ ဈေးနှုန်းများမှာ ဆိပ်ဖြူ(သစ်) ရှယ် ကျပ် ၁၇၅၀၊ ဆိပ်ဖြူ(သစ်) လတ်ကြီး ကျပ် ၁၈၅၀၊ ဆိပ်ဖြူ(သစ်) လတ်သန့် ကျပ် ၁၈၅၀၊ ဆိပ်ဖြူ(သစ်) လတ်ချော ကျပ် ၁၅၀၀၊ မြစ်သား(သစ်)ရှယ် ကျပ် ၂၄၀၀၊ မြစ်သား (သစ်) လတ်ကြီး ကျပ် ၂၅၀၀၊ မြစ်သား (သစ်) လတ်သန့် ကျပ် ၂၄၀၀၊ မြစ်သား (သစ်) လတ်ချော ကျပ် ၂၀၀၀၊ မြင်းခံ(သစ်)ရှယ် ကျပ် ၁၆၅၀၊ မြင်းခြံ (သစ်) လတ်ကြီး ကျပ် ၁၆၅၀၊ မြင်းခြံ (သစ်) လတ်သန့် ကျပ် ၁၆၅၀၊ မြင်းခြံ (သစ်) လတ်ချော ကျပ် ၁၃၀၀၊ တောင်တွင်းသစ်(ရှယ်) ကျပ် ၁၇၅၀၊ တောင်တွင်းသစ် လတ်ကြီးကျပ် ၁၇၅၀၊ တောင်တွင်းသစ် လတ်သန့် ကျပ် ၁၇၅၀၊ တောင်တွင်းသစ်လတ်ချော ကျပ် ၁၄၀၀ တို့ရှိကြောင်း၊ ယခုတစ်ပါတ်တွင် ကြက်သွန်ဖြူ တစ်ပိဿာ လျှင် ကျပ် ၈၀၀/၁၀၀၀ ဈေးနှုန်းတက်ပါကြောင်းနှင့် ကြက်သွန်နီ ဈေးနှုန်းများမှာ တစ်ပိဿာလျှင် ကျပ် ၁၀၀/၁၅၀ ဈေးနှုန်းကျပါကြောင်း၊ ယနေ့ ၁၉.၂.၂၀၂၆ ရက် နေ့တွင် ကြက်သွန်နီ ကား(၃၂)စီး (၂၁၀၀၀၀) ပိဿာ၊ ကြက်သွန်ဖြူမှာ (၁၂၅၀) အိတ်နှင့် (၂၅၀၀၀) ပိဿာ အရောင်းအဝယ် ဖြစ်ခဲ့ကြောင်း ဘုရင့်နောင်ကုန်စည်ဒိုင်မှ သိရှိရပါသည်။

DOCA(ရန်ကုန်)

  စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ် ငန်းများကို အဓိကလုပ်ကိုင်သော ဒေသတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ ဆီထွက်သီးနှံ များဖြစ်သည့် နှမ်း၊ နေကြာ၊ မြေပဲဆန်နှင့် ကြက်ဆူ စသည်သီးနှံများ၏ ဖေဖော်ဝါရီလ တတိယပတ် ဈေးနှုန်းများကို စုစည်းဖော်ပြလိုက်ပါသည်။

နှမ်း

၂၀၂၆ ခုနှစ်၊ ဖေဖော်ဝါရီလ တတိယပတ်အတွင်း ကန့်ဘလူမြို့နယ်၌ နှမ်းနက်(စမုန်) တစ်တင်းလျှင် ကျပ် ၂၄၀၀၀၀၊ နှမ်းဖြူ(ဂျပန်)တစ်တင်းလျှင် ကျပ် ၉၀၀၀၀ ဈေးနှုန်းတို့ဖြင့် အရောင်းအဝယ်ဖြစ်လျက်ရှိရာ ဖေဖော်ဝါရီလ ဒုတိယပတ်၏ ဈေးနှုန်းများနှင့်နှိုင်းယှဉ်ပါက တစ်တင်းလျှင် ကျပ် ၂၀၀၀ ဈေးနှုန်း ကျဆင်းလျက်ရှိကြောင်း သိရသည်။

ဆီနေကြာ

ဖေဖော်ဝါရီလ တတိယပတ်အတွင်း ဆီနေကြာတစ်တင်းလျှင် ကျပ် ၅၇၅၀၀၊ နေကြာညံ့လျှင် ကျပ် ၅၇၀၀၀နှုန်းတို့ဖြင့် အရောင်းအဝယ်ဖြစ်လျက်ရှိရာ ဒုတိယပတ်ဈေးနှုန်းများနှင့် နှိုင်းယှဉ်ပါက ဆီနေကြာတစ်တင်းလျှင် ကျပ် ၅၀၀ ဈေးနှုန်းမြင့်တက်လာကြောင်း သိရသည်။

ကြက်ဆူ

        ကြက်ဆူတစ်တင်းလျှင် ကျပ် ၄၇၅၀၀၊ နေကြာညံ့လျှင် ကျပ် ၄၇၀၀၀နှုန်းတို့ဖြင့် အရောင်း အဝယ်ဖြစ်လျက်ရှိရာ ဒုတိယပတ်ဈေးနှုန်းများနှင့် နှိုင်းယှဉ်ပါက ကြက်ဆူတစ်တင်းလျှင် ကျပ် ၅၀၀ ဈေးနှုန်းကျဆင်းသွားကြောင်း သိရသည်။

မြေပဲဆန်

          ကန့်ဘလူမြို့နယ်တွင် ၂၀၂၆ ခုနှစ် ဖေဖော်ဝါရီလအတွင်း အရောင်းအဝယ်ဖြစ်နေသည့် မြေပဲ လုံးဆန်များကို ဒေသတွင်းရှိ စိုက်ပျိုးသူများထံမှလည်းကောင်း၊ မန္တလေးမြို့နှင့် ရွှေဘိုမြို့တို့မှ လည်းကောင်း ဝင်ရောက်လျက်ရှိရာ ဖေဖော်ဝါရီလ တတိယပတ်အတွင်း မြေပဲလုံးဆန်တစ်ပိဿာ လျှင် ကျပ် ၇၂၀၀နှင့် ၂၅ ပိဿာတစ်အိတ်လျှင် ကျပ် ၁၈၀၀၀၀ ဈေးနှုန်းဖြင့်လည်းကောင်း၊ မြေပဲ အတောင့်တစ်တင်းလျှင် ကျပ် ၃၇၀၀၀ ဖြင့်လည်းကောင်း အရောင်းအဝယ်ဖြစ်လျက်ရှိရာယခင်တစ်ပတ်ဈေးနှုန်းများနှင့်နှိုင်းယှဉ်ပါကယခုတတိယပတ်အတွင်း လမ်းပန်းဆက်သွယ်ရေးအခက်အခဲ ကြောင့် မြေပဲဆန်ဝင်ရောက်မှုနည်းလာပြီး ဈေးနှုန်းအနည်းငယ်မြင့်တက်လာကြောင်း ဒေသတွင်း သီးနှံပွဲရုံများထံမှ သိရသည်။      

  DOCA(စစ်ကိုင်း)

   မကွေးတိုင်းဒေသကြီး၊ မကွေးခရိုင်၊ မကွေးမြို့နယ်အတွင်းရှိ မိကျောင်းရဲ၊ လျောင်းတော်ဦး၊ ကံသစ်၊ ရွာဟောင်းကန်၊ သစ်ရာကောက်စသည့်ကျေးရွာများနှင့် မင်းဘူး၊ မြို့သစ်၊ နတ်မောက်မြို့ နယ်တို့မှ ထွက်ရှိသော ပဲတီစိမ်း၊ ပဲနောက်၊ ကုလားပဲ၊ ပဲကြီး၊ စားတော်ပဲ၊ အခြား ပဲမျိုးစုံနှင့် နှမ်းမျိုးစုံတို့ မကွေးဈေးကွက်သို့ ဝင်ရောက်ရောင်းဝယ်ဖောက်ကားလျက်ရှိပါသည်။

နှမ်း

          ၂၀၂6ခုနှစ်၊ ဖေဖော်ဝါရီလ(တတိယပတ်)တွင် နှမ်းနီ(၁)တင်းလျှင် ကျပ်(၁၁၅၀၀၀)၊ နှမ်းဖြူ (၁) တင်းလျှင် ကျပ်(၁၂၈၀၀၀)၊ နှမ်းနက်(စမုံ)(၁)တင်းလျှင် ကျပ်(၂၅၀၀၀၀)၊ နှမ်းညိုကြား (၁) တင်းလျှင် ကျပ်(၁၀၂၀၀၀)ဖြစ်၍ ယခင်တစ်ပတ်နှင့် နှိုင်းယှဉ်ပါက ဈေးနှုန်းပြောင်းလဲမှုမရှိဘဲ တည်ငြိမ်လျက်ရှိပြီး တစ်ပတ်အတွင်း မကွေးမြို့မှ မန္တလေးမြို့သို့ နှမ်းအိတ်ရေ (၅၀၀) တင်ပို့ခဲ့ပြီး တန်ချိန်အားဖြင့် တန်(7၀) ခန့်အရောင်းအဝယ်ဖြစ်ခဲ့ကြောင်း သိရသည်။

ကုလားပဲ

          ကုလားပဲ(HL) (၁)တင်း လျှင် ကျပ်(၇5၀၀၀)၊ ကုလားပဲ(929) (၁)တင်းလျှင် ကျပ်(755၀၀) ဖြင့် အရောင်းအဝယ်ဖြစ်လျက်ရှိပြီး ယခင်တစ်ပတ်နှင့် ဈေးနှုန်းနှိုင်းယှဉ်ပါက ကုလားပဲ(HL) ကျပ် (40၀၀)၊ ကုလားပဲ(929) ကျပ်(4၅၀၀)ဈေးကျခဲ့ကြောင်း၊ ဒေသတွင်းကုလားပဲစိုက်ပျိုး ရာသီချိန် ဖြစ်၍ အရောင်းအဝယ်အေးနေပြီး လက်ကျန်ပဲများသာအရောင်းအဝယ်ဖြစ်နေကြောင်း၊ တစ်ပတ် အတွင်း မကွေးမြို့မှ ရန်ကုန်မြို့သို့ အိတ်ရေ(၂၀၀၀)တင်ပို့ခဲ့ပြီး တန်ချိန်အားဖြင့် တန်(၂၀၀)ခန့် အရောင်းအဝယ်ဖြစ်ခဲ့ကြောင်း သိရသည်။

ပဲလွန်းဝါ

          ပဲလွန်းဝါ (၁)တင်းလျှင် ကျပ်(7500၀)ဖြင့် အရောင်းအဝယ်ဖြစ်လျက်ရှိပြီး ဈေးနှုန်းတည်ငြိမ် နေကြောင်း၊ တစ်ပတ်အတွင်း မကွေးမြို့မှ မန္တလေးမြို့သို့ အိတ်ရေ (၁၀၀၀)တင်ပို့ခဲ့ပြီး တန်ချိန် အားဖြင့် တန်(၅၀)ခန့် အရောင်းအဝယ်ဖြစ်ခဲ့ကြောင်း သိရသည်။

မတ်ပဲ

          မတ်ပဲ (၁)တင်းလျှင် ကျပ်(၉၆0၀၀)ဖြင့် အရောင်းအဝယ်ဖြစ်လျက်ရှိပြီး ယခင်တစ်ပတ်နှင့် ဈေးနှုန်းနှိုင်းယှဉ်ပါက ကျပ်(၁၅၀၀၀) ဈေးနှုန်းမြင့်တက်လာကြောင်း၊ တစ်ပတ်အတွင်း မကွေးမြို့မှ ရန်ကုန်မြို့သို့ အိတ် ရေ(၇၀၀) တင်ပို့ခဲ့ပြီး တန်ချိန် အားဖြင့် တန်(၅၀)ခန့် အရောင်းအဝယ်ဖြစ်ခဲ့ ကြောင်း သိရသည်။

ပဲစဉ်းငုံ

          ပဲစဉ်းငုံနီ(၁)တင်းလျှင် ကျပ်(၁၀၀၀၀၀)ဖြင့် အရောင်းအဝယ်ဖြစ်လျက်ရှိပြီး ယခင်တစ်ပတ် နှင့် ဈေးနှုန်းနှိုင်းယှဉ်ပါက ကျပ်(၇၀၀)ဈေးနှုန်းမြင့်တက်လာကြောင်း၊ ပဲစဉ်းငုံအသစ်များ အရောင်း အဝယ်သွက်လျက်ရှိပြီး ဈေးကောင်းရလျက်ရှိကြောင်း၊ တစ်ပတ်အတွင်း မကွေးမြို့မှ ရန်ကုန် မြို့သို့ အိတ်ရေ(၁၁၀၀၀)တင်ပို့ခဲ့ပြီး တန်ချိန်အားဖြင့် တန်(၁၀၀၀)ခန့် အရောင်းအဝယ်ဖြစ်ခဲ့ကြောင်း သိရသည်။

DOCA(မကွေး)

    ကျိုက်မရောမြို့နယ်၊ ကန်စွန်းကုန်းကျေးရွာရှိ ဒေသခံတောင်သူများအနေဖြင့် လယ်ယာစိုက်ပျိုးရေးကို အဓိကထားလုပ်ကိုင်လျှက်ရှိပြီး သီးပင်စားပင်များ မီးဖိုချောင်သုံး ဟင်းသီးဟင်းရွက်ပင်များကို ရာသီအလိုက် စိုက်ပျိုးရောင်းချလျှက်ရှိပြီး ထိုသို့ စိုက်ပျိုးရာတွင် အရင်းအနှီး ကုန်ကျစရိတ်သက်သာရန် ဝင်ငွေရရှိလွယ်သော မီးဖိုချောင်သုံး ဟင်းသီးဟင်းရွက်ဖြစ်သည့် ကင်မွန်းချဉ်ရွက်ကို ယခုနှစ်မိုးရာသီ၌ စီးပွားဖြစ် အများအပြားစိုက်ပျိုးထားကြရာ တောင်သူများအနေဖြင့် မိသားစုဝင်ငွေရရှိကာ အဆင်ပြေလျက် ရှိကြသည်။

          ကင်မွန်းချဉ်ရွက်အပင်ကို ကုန်းမြေများတွင် စိုက်ပျိုးကြပြီး ကိုင်းဆက်မျိုးဖြင့် စီတန်းစိုက်ပြီး အစေ့ကနေအပင်ပျိုး၍လည်း စိုက်ပျိုးနိုင်ကြောင်း၊ ကင်ပွန်းချဉ်ပင်ကို မည်သည့် မြေအမျိုးအစားမဆို စိုက်ပျိုးနိုင်ပြီး အပင်ရှင်သန်ကြီးထွားစေရန်အတွက် အပင်အောက်တွင် ပေါက်လေ့ရှိသော ပေါင်းမြက်ပင်များအား ရှင်းလင်းပေးခြင်း၊ သဘာဝမြေဩဇာဖြစ်သည့် နွားချေးမြေဩဇာများကို ထည့်ပေးရကြောင်း၊ စိုက်ပျိုးပြီး တစ်နှစ်ခွဲအကြာတွင် ကင်မွန်းချဉ်ရွက်အနုလေးများ စတင်ထွက်ရှိကာ ခူး၍ ရောင်းချနိုင်ပြီးဖြစ်ကြောင်း၊ မြေတစ်ဧကခန့်တွင် အပင်ပေါင်း ၄၀ ခန့် စိုက်ပျိုးနိုင်ရန် အပင်တစ်ပင်နှင့်တစ်ပင်ကို ခြောက်ပေခန့် ခြားထားပြီး စိုက်ရကြောင်း သိရသည်။

DOCA (မွန်)