မန္တလေးတိုင်းဒေသကြီး ၊မိတ္ထီလာမြို့နယ်အတွင်းရှိ ကျေးရွာများတွင် လယ်ယာစိုက်ပျိုးရေး လုပ်ငန်းများကိုအဓိကလုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာမှ ပြည်ပပို့ကုန် သီးနှံတစ်မျိုးဖြစ် သည့် ပဲတီစိမ်းကို မိတ္ထီလာမြို့နယ်ရှိ ခြောက်ပင်၊အင်လူး၊မောက်လောက်၊ ရှမ်းရွာ၊တောကင်း၊ ဇီးပင်တွင်း ကျေးရွာများ၌အများဆုံးစိုက်ပျိုးကြကြောင်းသိရပါသည်။
ဇူလိုင်လဒုတိယပတ် မိုးပဲတီစိမ်းများစတင်ပေါ် ယခုဩဂုတ် လတတိယပတ်တွင် မိတ္ထီလာမြို့ ပေါ်ရှိသီးနှံပွဲရုံများသို့ ပဲတီစိမ်းများတစ်ပတ်လျှင် (၅၀၀) အိတ်ခန့်ဝင် ရောက်လျက်ရှိပြီးအရောင်းအဝယ် ဖြစ်လျက်ရှိကြောင်း၊ ဈေးကွက်အနေဖြင့် ဒေသတွင်း ပဲပင်ပေါက် လုပ်ငန်းများမှ အနည်းငယ်ဝယ်ယူ ကြပြီးမန္တလေးမြို့သို့အဓိကတင်ပို့ရောင်းချကြကြောင်းသိရပါသည်။
ယခုဩဂုတ်လတတိယပတ်တွင် မိတ္ထီလာမြို့ ပွဲရုံများ၌ မိုးပဲတီစိမ်းတစ်တင်းလျှင် (၇၅၀၀၀) ကျပ်ဖြင့်အရောင်းအဝယ်ဖြစ်လျက်ရှိကြောင်း၊ ယခင်လနှင့်ကာလတူနှိုင်းယှဉ်လျှင် မိုးပဲတီစိမ်းတစ် တင်းလျှင် (၅၀၀၀)ကျပ်ခန့်ဈေးနှုန်းကျဆင်းလာကြောင်း၊ ဈေးနှုန်းကျဆင်းလာရခြင်းမှာ ပြည်ပဝယ်လို အားနည်းခြင်းကြောင့်ဖြစ်သည်ဟု သိရပါသည်။
DOCA(မန္တလေး)