မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်၊ တောင်သူများအနေဖြင့် နွေစပါး၊ မိုးစပါး၊ နွေနှမ်း (မိုးကြိုနှမ်း) မိုးနှမ်း၊ မိုးမြေပဲ၊ ဆောင်းမြေပဲ၊ နေကြာ၊ ပဲစဉ်းငုံများကို အဓိကစိုက်ပျိုးလျှက်ရှိကြပါ သည်။ နွေစပါးနှင့် နွေနှမ်း(မိုးကြိုနှမ်း)များကို ဆည်ရေရသည့်ဒေသများတွင် စိုက်ပျိုးလျှက်ရှိပါသည်။
၂၀၂၄-ခုနှစ်၊ နွေနှမ်း(မိုးကြိုနှမ်း)ကို ဧပြီလကုန်၊ မေလများတွင် အပြီးစိုက်ပျိုးနိုင်ရန်အတွက် ထယ်ရေးပြင်ကြောင်းသိရှိရပါသည်။ နွေနှမ်းကို ယခုရာသီတွင် (၂၇၀၉)ဧကခန့်စိုက်ပျိုးရန် လျာထား ဆောင်ရွက်လျက်ရှိပါသည်။
နွေနှမ်း(မိုးကြိုနှမ်း)ကို မိုးရေမရမီ စိုက်ပျိုးပြီး အပင်ကြီးထွားချိန်မိုးရေသောက်သုံးနိုင်ရန်အတွက် ယခုအချိန်မှစတင်စိုက်ပျိုးပြီး ဇူလိုင်လ၊ ဩဂုတ်လများတွင် ရိတ်သိမ်းမည်ဖြစ်သည်။ မြို့သစ်မြို့နယ် အနေဖြင့် ဆီထွက်သီးနှံဖြစ်သော နွေနှမ်း၊ မိုးနှမ်း၊ မိုးမြေပဲ၊ ဆောင်းမြေပဲနှင့် နေကြာသီးနှံများကို ရေမြေအနေအထားပေါ်မူတည်၍ စိုက်ပျိုးဆောင်ရွက်လျက်ရှိကြောင်း သိရှိရပါသည်။
ဆယ်မောင်(မြို့သစ်)