ပြည်ပကုန်သွယ်မှုသတင်းများ
တရုတ်နိုင်ငံသည် ဖိလစ်ပိုင်နိုင်ငံ၏ အကြီးမားဆုံးကုန်သွယ်ဖက်နိုင်ငံအဖြစ် ရှစ်နှစ်ဆက် ရပ်တည်ခဲ့ကြောင်း ဖိလစ်ပိုင်နိုင်ငံဆိုင်ရာ တရုတ်သံအမတ်ကြီး ဟွမ်ရှီလျမ်က ၂၁.၃.၂၀၂၄ တွင် ပြောကြားခဲ့ပါသည်။ ထို့ပြင် တရုတ်နိုင်ငံနှင့် ဖိလစ်ပိုင်နိုင်ငံတို့၏ စီးပွားရေးမှာ စက်မှုလုပ်ငန်းဆိုင်ရာ ထောက်ပို့မှုကွင်းဆက်နှင့် ကမ္ဘာလုံးဆိုင်ရာ စံတန်ဖိုးတို့၏ အစိတ်အပိုင်းတစ်ခု ဖြစ်ကြောင်း တရုတ်နိုင်ငံ၏ ဖွံ့ဖြိုးတိုးတက်မှုကို ကမ္ဘာကြီးက ခွဲခြား၍မရကြောင်းနှင့် တရုတ် နိုင်ငံမပါဝင်ဘဲ ကမ္ဘာကြီး ဖွံ့ဖြိုးတိုးတက်ရန် မဖြစ်နိုင်ကြောင်း သံအမတ်ကြီးက ဆက်လက် ပြောကြားခဲ့ပါသည်။ ဖိလစ်ပိုင်နိုင်ငံသည် အရှိန်အဟုန်ဖ
ဝန်ကြီးချုပ် မစ္စတာ ဆရတ်သာ၏ ကမ္ဘာလှည့်ချစ်ကြည်ရေး အလည်အပတ်ခရီးစဉ်များကြောင့် ထိုင်းနိုင်ငံသည်လာမည့် သုံးနှစ်တာကာလအတွင်း နိုင်ငံခြားတိုက်ရိုက်ရင်းနှီးမြှုပ်နှံမှု များမှ အမေရိကန်ဒေါ်လာ ၁၅ ဘီလီယံခန့် ရရှိရန်မျှော်လင့်လျက်ရှိပါသည်။ ဘတ် ၂၁၀ ဘီလီယံ (အမေရိကန်ဒေါ်လာ ၇.၇၆ ဘီလီယံ)ခန့်သည် နိုင်ငံတော်၏ မော်တော်ယာဉ်စက်မှုနယ်ပယ်သို့ ရင်းနှီးမြှုပ်နှံရန် ဝင်ရောက်လာနိုင်ပြီး တရုတ်နိုင်ငံ၏ လျှပ်စစ်ကားထုတ်လုပ်သည့် ကုမ္ပဏီများ ကလည်း အရှေ့တောင်အာရှ၏ ဒုတိယမြောက်စီးပွားရေးအင်အားအကြီးမားဆုံး ထိုင်းနိုင်ငံကို ထုတ်လုပ်မှုကွင်းဆက်အနေဖြင့် ထားရှိရန် မျှော်မှန်းလျက်ရှိကြောင်း ထိုင်းနိုင်ငံ ရင်
ထိုင်းဆန်စျေးနှုန်းများမှာ ၁၀၀ မှတ် ဘီဂရိတ်ဆန်တစ်တန်လျှင် အမေရိကန်ဒေါ်လာ ၆၁၅ ဖြင့် လည်းကောင်း ၂၅ မှတ် ဆန်တစ်တန်လျှင် အမေရိကန်ဒေါ်လာ ၅၇၂ ဖြင့်လည်းကောင်း ပေါင်းဆန်စျေးနှုန်းမှာ အမေရိကန်ဒေါ်လာ ၆၀၆ ဖြင့် စျေးနှုန်း အနည်းငယ်ကျဆင်းလျက် ရှိကြောင်း သိရှိရသည်။
ဗီယက်နမ် ဆန်ဈေးနှုန်းများမှာ ၅ မှတ်ဆန်တစ်တန်လျှင် အမေရိကန်ဒေါ်လာ ၅၈၆ ဖြင့် လည်း ကောင်း ၂၅ မှတ် ဆန်တစ်တန်လျှင် အမေရိကန်ဒေါ်လာ ၅၆၂ ဖြင့် ဈေးအနည်းငယ် ကျဆင်းသွားပြီး ဆန်ကွဲစျေးနှုန်း ဖော်ပြထားခြင်းမရှိပါ။
မလေးရှားနိုင်ငံအစိုးရသည် အိန္ဒိယနိုင်ငံမှ နောက်ထပ် ဆန်တန်ချိန် ၅၀၀၀၀၀ ကို ရောင်းချ ပေးရန် တောင်းဆိုထားသည်ဟု မလေးရှား လယ်ယာစိုက်ပျိုးရေးနှင့် စားနပ်ရိက္ခာဝန်ကြီး Datuk Seri Mohamad Sabu က ပြောဆိုခဲ့ကြောင်း The Sun မလေးရှားသတင်းဌာနက ဖော်ပြပါသည်။
အိန္ဒိယနိုင်ငံတွင် ပြည်ပသို့ ကြက်သွန်တင်ပို့ခြင်းကို ၃၁-၃-၂၀၂၄ နေ့အထိ တားမြစ်ပိတ်ပင်ထားရှိရာ ထိုသို့ ပိတ်ပင်ထားရှိမှုကို အဆိုပါနေ့ရက်နောက်ပိုင်းတွင်လည်း နောက်ထပ်အမိန့် တစ်စုံတစ်ရာ ထုတ်ပြန်ခြင်းမပြုမီ အချိန်အထိ ဆက်လက်ကျင့်သုံးမည်ဖြစ်ကြောင်း အိန္ဒိယ ပြည်ပကုန်သွယ်ရေးညွှန်ကြားမှုဌာနက ၂၂-၃-၂၀၂၄ နေ့တွင် အမိန့်ကြော်ငြာစာ ထုတ်ပြန်ခဲ့သည်။
အင်ဒိုနီးရှားနိုင်ငံ၏ စားအုန်းဆီထွက်ကုန်များ တင်ပို့မှုမှာ ၂၀၂၄ ခုနှစ်၊ ဇန်နဝါရီလနှင့် ဖေဖော်ဝါရီလတို့တွင် ကျဆင်းသွားခဲ့ပြီး ပြည်ပရောင်းချခွင့် ခွဲတမ်းများနှင့် ပြည်တွင်းသုံးစွဲခွင့် ခွဲတမ်းများအား စည်းနှောင်ချိတ်ဆက်ထားသည့် အခြေအနေများကြောင့် ပြည်တွင်း၌ စားသုံးဆီ လျော့နည်းနိုင်မှုအပေါ် စိုးရိမ်မှုများ မြင့်တက်လာကြောင်း The Jakarta Post သတင်းဌာနက ရေးသားဖော်ပြပါသည်။
အမေရိကန်နိုင်ငံ၌ Trader Joe ကုမ္ပဏီမှ ထုတ်လုပ်ဖြန့်ဖြူးသည့် ဆားဖြင့်လှော်ထားသော သီဟိုဠ်စေ့ထုပ်များအနက် တစ်ထုပ်တွင် ဆယ်မိုနဲလား ဘက်တီးရီးယား ပါဝင်မှုရှိသည်ကို အစား အသောက်နှင့် ဆေးဝါးကွပ်ကဲရေးအာဏာပိုင်အဖွဲ့က စစ်ဆေးတွေ့ရှိခဲ့အပြီး ဈေးကွက်အတွင်းမှ သီဟိုဠ်စေ့ထုပ်များကို ပြန်လည်သိမ်းဆည်းနေရကြောင်း CBS သတင်းဌာန၏ ၁၉-၃-၂၀၂၄ နေ့ ဖော်ပြချက်အရ သိရှိရပါသည်။
ဗီယက်နမ်နိုင်ငံ၌ မဲခေါင်မြစ်ဝကျွန်းပေါ်ဒေသတွင် စိုက်ပျိုးထားသော သရက်သီးများသည် စူပါမားကတ်များနှင့် ပို့ကုန်ဈေးကွက်များတွင် ဝယ်လိုအားများသည့်အပြင် ရာသီဥတု ဖောက်ပြန်မှုကြောင့် ရောင်းလိုအားနည်းပါးလာသည့်အတွက် ဈေးနှုန်းများ မြင့်တက်လျက်ရှိကြောင်း သိရှိရသည်။
ဗီယက်နမ်နိုင်ငံမှ တရုတ်နိုင်ငံသို့ ဒူးရင်းသီး ကုန်တင်ပို့မှု အကြိမ် ၃၀ ခန့်တွင် လေးလံသော သတ္တု (Heavy Metal) တစ်မျိုးဖြစ်သည့် ကဒ်မီယံ (Cadmium) ပါဝင်မှုသည် သတ်မှတ်ထားသော အစားအသောက် ဘေးကင်းရှင်းရေး ကန့်သတ်ချက်ထက် ကျော်လွန်နေသည့်အပေါ် တရုတ်နိုင်ငံ အကောက်ခွန်ဆိုင်ရာ အထွေထွေအုပ်ချုပ်ရေး အာဏာပိုင်အဖွဲ့ (GACC) မှ သတိပေးချက် ထုတ် ပြန်ခဲ့ကြောင်း ဗီယက်နမ် စိုက်ပျိုးရေးနှင့် ကျေးလက်ဒေသဖွံ့ဖြိုးရေးဝန်ကြီးဌာနအောက်ရှိ အပင်ကာကွယ်ရေး ဦးစီးဌာန၏ အချက်အလက်များအရ သိရသည်။
အိန္ဒိယလယ်ယာစိုက်ပျိုးရေးသုတေသနအဖွဲ့အစည်း (India Agriculture and Research Institute-IARI) မှ သုတေသီများနှင့် ကုန်သည်များက အိန္ဒိယနိုင်ငံ၏ ဘာစမာတီဆန်မျိုးကွဲများကို ပါကစ္စတန်နိုင်ငံ၌ တရားမဝင်စိုက်ပျိုးနေကြောင်း သတိပေးပြောကြားခဲ့ကြပါသည်။ ပါကစ္စတန်နိုင်ငံမှ မျိုးစေ့ကုမ္ပဏီများက အရောင်းမြှင့်တင်ရေးအတွက် ထုတ်လွှင့်ပြသသည့် YouTube ဗွီဒီယို များတွင် အထွက်နှုန်းကောင်းမွန်သည့် ဘာစမာတီဆန်မျိုးကွဲများကို ပါကစ္စတန်နိုင်ငံအတွင်းရှိ အချို့ဒေသများဖြစ်ကြသော မူလ်တန်၊ ဘဟာဝါလ်နာဂါနှင့် ဟာဖီဇာဘတ်တို့တွင် စိုက်ပျိုးနေကြပုံကို ပြသခဲ့ကြရာမှ အိန္ဒိယနိုင်ငံ၏ဘာစမာတီဆန်ပို့ကုန်ဈေးကွက်ကို ခြိ
ထိုင်းနိုင်ငံတွင် လယ်ယာစိုက်ပျိုးရေးနှင့် သမဝါယမဝန်ကြီးဌာနသည် ဈေးနှုန်းမတည်ငြိမ်မှု နှင့် ကုန်ကျစရိတ်များ မြင့်တက်လာမှုကြောင့် ဆင်းရဲနွမ်းပါးမှု ကြုံတွေ့နေရသည့် တောင်သူ ၄.၆၈ သန်းအတွက် ဓာတ်မြေသြဇာများ ဝယ်ယူရန် ဘတ်ငွေ ၃၃.၅၃ ဘီလီယံ တောင်းခံသွားမည် ဖြစ်သည်။
ဖိလစ်ပိုင်နိုင်ငံ၌ အစိုးရ၏ ရန်ပုံငွေတိုးမြှင့်သုံးစွဲမှုအရ ယခုနှစ်တွင် ဆန်မက်ထရစ်တန်ချိန် ၁၂.၁၂၅ သန်း ခန့်ထွက်ရှိမည်ဟု ခန့်မှန်းရကြောင်း အမေရိကန်လယ်ယာစိုက်ပျိုးရေးဌာန (USDA) က ပြောကြားခဲ့ပါသည်။
ဖိလစ်ပိုင်၏ ဆန်ထွက်ရှိနိုင်မှုနှင့် စပ်လျဉ်း၍ USDA မှ နောက်ဆုံးခန့်မှန်းချက် ထုတ်ပြန်မှု သည် ၎င်းတို့၏ ယခင်ခန့်မှန်းချက်ဖြစ်သော ဆန်တန်ချိန် ၁၂ သန်းထက် အနည်းငယ် မြင့်မား နေပြီး အယ်လ်နီညို ရာသီဥတုဖြစ်စဉ်သည် ဧပြီလမှ မေလအတွင်း အားပျော့လာမည်ဟု ခန့်မှန်း ချက်ကို ထည့်သွင်းစဉ်းစားထားခြင်းဖြစ်ကြောင်း သိရှိရပါသည်။
