စစ်ကိုင်းတိုင်းဒေသကြီး၊ ကန့်ဘလူမြို့နယ် ပတ်ဝန်းကျင်အနီးတဝိုက်ရှိ ကျေးရွာများနှင့် မြို့ပေါ်ရပ်ကွက်များရှိ ပြည်သူများသည် မိမိတို့ ယာကွက်များအတွင်းနှင့် အိမ်ခြံဝင်းများအတွင်းတွင် စားပင်သီးပင်များကို မိသားစု စားဝတ်နေရေးအဆင်ပြေစေရန်နှင့် အပိုဝင်ငွေ ရရှိအတွက် ပဲဇောင်းလျားသီးကို စိုက်ပျိုးကြပါသည်။ ပဲဇောင်းလျားသီးကို တော်သလင်းလတွင် စိုက်ပျိုးပြီး ယခုလို နတ်တော်လ ၊ ပြာသိုလများတွင် လှိုင်လှိုင်ထွက်ရှိပါသည်။ ပဲဇောင်းလျားသီးသည် အသီးတစ်မျိုးတည်သာ စားသုံးရတာမဟုတ်ပဲ အသီးများတုန်းပြီးအပင်ကျလျှင် အမြစ်ကိုပါ တူးဖော်၍ စားရပါသည်။ ပဲဇောင်းလျားပင်သည် နွယ်ပင်အမျိုးအစားဖြစ်သည့်အတွက် စင်ထိုး စိုက်ပျိုးရသော အပင်မျိုးလဲဖြစ်ပါသည်။
ပဲဇောင်းလျားသီးကို မိမိတို့ကြိုက်နှစ်သက်သည့် ပုံစံအမျိုးမျိုးဖြင့် ချက်စားနိုင်ခြင်း၊ အစိမ်းသုပ်စားခြင်း၊ ပြုတ်ပြီး ငပိရည်နှင့် တို့စားခြင်း၊ ချဉ်ရည်ကျိုစားရာတွင်အသုံးပြုခြင်းနှင့် သီးစုံဟင်းချက်ရာတွင်လည်း အသုံးပြုကြပါသည်။
ပဲဇောင်းလျားသီး၏ ကျန်းမာရေးအကျိုးအာနိသင်များဖြစ်သည့် အရိုးများကိုသန်မာစေခြင်း၊ ကိုယ်ခံအားကောင်းစေခြင်း၊ အဆစ်အမြစ်ရောင်ရမ်းခြင်းကိုသက်သာစေခြင်း၊ အရွယ်အတိုင်မီ အိုမင်းရင့်ရော်ခြင်းကိုကာကွယ်ပေးခြင်း၊ အစာချေစနစ်ကိုကောင်းမွန်စေခြင်း၊ ကိုယ်အလေးချိန် လျော့ချစေခြင်း၊ ခေါင်းကိုက်ခြင်းကိုသက်သာစေခြင်း၊ အမြင်အာရုံကောင်းမွန်စေခြင်း၊ ဆီးချိုရောဂါကို ကာကွယ်ပေးခြင်းနှင့် ပန်းနာရင်ကြပ်ရောဂါကိုကာကွယ်ပေးခြင်း၊ ကိုယ်ဝန်ဆောင်မိခင်များ အတွက်အကျိုးပြုခြင်းစသည့် အကျိုးအာနိသင်များ ရှိသည့်အတွက် ပဲဇောင်းလျားသီးကိုများများ စားသုံးသင့်ကြောင်း သိရှိရပါသည်။
DOCA(စစ်ကိုင်း)