ကွမ်းရွက်ပင်သည် ပင်ပျော့အမျိုးအစားဖြစ်သည့်အတွက် သစ်ပင်ကြီးများအားအမှီပြု၍ ပေါက်ရောက်သည်။မြန်မာလူမျိုးများသည် ကွမ်းရွက်ပင်များကို ကွမ်းစားခြင်းအလေ့အထများကြောင့် ရှေးယခင်ကတည်းက စိုက်ပျိုးခဲ့ကြသည်။ပူအိုက်စွတ်စိုသော ရာသီဥတုတွင် ကောင်းစွာရှင်သန်နိုင်သည်။ကွမ်းရွက်သည် ဓာတ်တိုးဆန့်ကျင် အာနိသင်ကြွယ်ဝသော အရွက်ဖြင့်သဖြင့် လူ့ခန္ဓာကိုယ်အတွင်းရှိ ဓာတ်တိုးပစ္စည်း များအားဖယ်ရှားပေးပြီး ဝမ်းမှန်စေသည်။သွေးတွင်းကိုလက်စရောကိုပါ ကျစေနိုင်၍ နှလုံးရောဂါဖြစ်နိုင်စေကိုလည်း လျော့နည်းစေသည်။ကွမ်းရွက်ကိုမျက်စိ၏ အစွန်းနှစ်ဖက်တွင် ကပ်ပေးခြင်းကို မှန်မှန်ပြုလုပ်ပေးပါက မျက်စိမှုန်ခြင်းကိုလည်း ဟန့်တားနိုင်သည်။မျက်စိတစ်ဝိုက်ကပ်ပေးပါက မျက်စိအားနည်းခြင်းဝေဒနာကို သက်သာပျောက်ကင်းစေနိုင်သည်။ဝါးစားပေးပါက ခံတွင်းအနံဆိုးခြင်းကို ကာကွယ်ပေးပါသည်။ကွမ်းရွက်ကိုရေဆူဆူထဲတွင် ထည့်ပြုတ်ပြီး အနည်းငယ်သောက်သုံးပေးပါက ကင်ဆာရောဂါကာကွယ်ရန် အထောက်အပံ့ဖြစ်စေသည့်အပြင် အညှီအဟောက်၊ အပုပ်အစပ်အနံ့များ လက်တွင်စွဲနေပါကကွမ်းရွက်ကို လက်တွင်ပွတ်ချေပေးခြင်းဖြင့် အနံများ ပျောက်ကင်းစေနိုင်သည်။ ထို့ကြောင့် ကွမ်းရွက်သည် ခန္ဓာကိုယ်အတွက်များစွာ အထောက်အကူပြုသည့် မြန်မာ့ဆေးစွမ်းကောင်းတစ်လက်ဖြစ်သည်။
DOCA(တနင်္သာရီ)