ဟင်းသီးဟင်းရွက်များ တစ်နိုင်တစ်ပိုင်စိုက်ပျိုးနိုင်ရန် မျိုးစေ့ကောင်းများသည် ပြည်တွင်းနှင့် ပြည်ပမှ အလွယ်တကူဝယ်ယူရရှိနိုင်သည့်အတွက် ခက်ခဲမှုမရှိပါ။ ကိုယ်တိုင်လည်း မျိုးစေ့ထုတ်၍ စိုက်နိုင်သည်။ ဟင်းသီးဟင်းရွက်ဖောဖောသီသီ အလျှံပယ်ထွက်ရှိမှုသည် ဆောင်းရာသီ ဖြစ်သည်။ မိုးကရသောရေလည်း ချောင်းများ၊ ကန်များတွင် ကျန်ရှိသေးသည်။ ရာသီဥတုကလည်း နေဘက်တွင်ပူ၍ ညဘက်တွင် ချမ်းသဖြင့် အပင်များအကြိုက်ဆုံးသော ရာသီဖြစ်သည်။ ဆောင်းရာသီတွင် မုန်ညင်း၊ မုန်လာ၊ ဂေါ်ဖီ၊ နိုကို၊ ပဲ၊ သခွား၊ ခရမ်း၊ ငရုတ်၊ ခရမ်းချဉ်၊ ကိုက်လန်စသည်ဖြင့် ဟင်းသီးဟင်းရွက်အမျိုးပေါင်း (၄၀)ကျော်အား စိုက်ပျိုးနိုင်ပါသည်။
ဟင်းသီးဟင်းရွက် စိုက်ပျိုးမှု၏ အားသာချက်များမှာ တစ်နိုင်တစ်ပိုင် အိမ်ခြံဝင်းအတွင်း စိုက်ပျိုးနိုင်ခြင်း၊ စီးပွားဖြစ်ပြည်တွင်းပြည်ပပို့ကုန်အဖြစ် စိုက်ပျိုးခြင်း၊ ခြံဝင်းမရှိလျှင် တိုက်ခန်း၊ အိမ်ရာများ၌လည်း နေရောင်၊ အလင်းရောင်ရလျှင် စိုက်နိုင်သည်။
အလွန်အေးသည်အထိကြိုက်သော ဟင်းသီးဟင်းရွက်ပင်များရှိသကဲ့သို့ အလွန်ပူသော အပူခံနိုင်သည့်အပင်လည်းရှိနေပါသည်။ အပင်ကြီးမှု၊ အစေ့ပေါက်မှု၊ စောစောပန်းပွင့်မှု၊ အသီးနည်းမှု၊ ဂေါ်ဖီထုပ်သင့်တာ မထုပ်မှု၊ ဥအမြစ်ကြီးသင့်တာ မကြီးမှု၊ ထွက်လာသောအခါ အရည်အသွေး ညံ့မှုတို့သည် ရာသီဥတုကြောင့် အဓိကဖြစ်သည်။ မုန်လာ၊ မုန်ညင်း၊ ဆလပ်ပင်တို့သည် နေ့တာရှည် လျှင် ပန်းပွင့်မြန်မြန်ထွက်လာတတ်ပြီး အရည်အသွေးညံ့တတ်သဖြင့် ဆောင်းမှာ များများစိုက်ပြီး များများထွက်သည့် အအေးကြိုက်၊ နေ့တာတိုကြိုက်သည့် အပင်များအဖြစ် လေ့လာတင်ပြလိုက် ရပါသည်။
DOCA(ဧရာဝတီ