သခွားတွင် အစိမ်းစားနှင့် အမှည့်စားဟူ၍ နှစ်မျိုးရှိပြီးပါသည်၊မိုးသခွားသည် - အပူဒါဏ်ခံနိုင်ပြီး ကိုင်းထွက်ရန်လွယ်ကူသည်။ အသီးများသည် ကိုင်းများတွင်သီးသည်၊ ကိုင်းသေးသည်၊ အဆစ်ကြာရှည်သည် ၊ အရွက်ရှည်သည် ၊ အရွက်၏အလျားသည် အနံထက် ပိုရှည်သည်။ အမြစ်ဖွဲ့စည်းပုံသေးသောကြောင့် ရွှေ့ပြောင်းရန်ခက်ခဲသည်။ အသီးသေးသွယ်သည် အရွက်ချောသည်။
ဆောင်သခွားမှာ-အအေးဒါဏ်ခံနိုင်သည်။ကိုင်းထွက်မှုနည်းသည်။ အသီးများသည် ပင်မပိုင်းမှ ထွက်သည် ပင်မကိုင်းသည်တုတ်သည် ဆစ်ကြားတိုသည် ။ အရွက်များသည် အနံထက် အလျားပိုရှည်သည်။ ပြောင်းရွှေ့လွယ်ကူသည်။ အသီးများသည် တိုတုတ်သည်။ အရွက်ကြမ်း သည်။သခွားသည် သဲဆန်သောသဲမြေမှ စနယ်မြေစေးအထိ မြေအမျိုးမျိုးတွင် စိုက်ပျိုးဖြစ်ထွန်း သော်လည်း၊ နုံးမြေ ၊ သဲနုံးမြေ နှင့်နုံးစနယ်မြေများတွင် ပိုမိုဖြစ်ထွန်းပါသည်။ သခွားစိုက် သောမြေနေရာတွင် ရေမဝပ်စေဘဲ ရေစီးရေလာကောင်းသောနေရာများတွင် ပိုမိုဖြစ်ထွန်းပါသည်။ သခွားသည် ပူနွေးသောရာသီတွင် ပိုမိုဖြစ်ထွန်းပြီး ဆီးနှင်းဒါဏ်ကို ခံနိုင်ရည်မရှိပေ။ ထို့ကြောင့်နေရောင်ခြည် ကောင်းစွာရရှိပြီး စိုထိုင်းဆနည်းသောအရပ်များတွင် သခွားစိုက်ပျိုးရန် သင့်တော်ပါသည်။ နွားချေးမြေဩဇာကို တစ်ဧကလျှင် လှည်း (၁၀)စီး မှ (၁၅)စီးအထိထည့်ပေးပါ။ နွားချေး မြေဩဇာကို စိုက်ဘောင် ပြုလုပ်ရာတွင် မြေကြီးနှင့်ရော စပ်သမအောင်မွှေပေးပါ။ သခွားစိုက်ပျိုးရန်အတွက် ယူရီးယား ဓါတ်မြေဩဇာ (၂၂၄)ပေါင် မှ (၃၃၆)ပေါင် ၊တီစူပါ (၂၂၄)ပေါင်မှ (၃၃၆)ပေါင်ထိ ထည့်ပေးရပါသည် သခွားစိုက်ပျိုးရန် အလျားပေ (၃၀) x အနံ (၃) ပေရှိ စိုက်ဘောင်များပြုလုပ်ပေးရမည်။ ဘောင်ပေါ်တွင် တစ်တန်းနှင့်တစ်တန်း (၁.၅)ပေနှင့် တစ်ပင် (၁.၅)ပေခွာပြီး သခွားစေ့များကို စိုက်ပျိုးရမည်။ စိုက်ကျင်း တစ်ကျင်းလျှင် သခွားစေ့ (၃-၄) စေ့ ထည့်ပေးပြီး အပင်များပေါက်လာ၍ အရွက် (၂ - ၃) ရွက် ထွက်လာပါက တစ်ကျင်းလျှင် တစ်ပင် သာချန်ပြီး မှုန်းပေးပါ။ အပင်ကလေးများတက်နိုင်ရန် (၅ - ၆) ပေ ရှိသောဝါးခြမ်း များထောင်ပေးရမည်။ သခွားကို မိုးဦးမေလ နှင့် ဇွန်လ၊ ဆောင်းတွင်း အောက်တိုဘာလ တွင် စိုက်ပျိုး နိုင်သည်။ တစ်ဧကလျှင် သခွားမျိုးစေ့ (၂၀၀)ဂရမ် မှ (၃၀၀) ဂရမ်အထိ ထည့်သွင်းစိုက်ပျိုးရန်ဖြစ်ပါသည်။ တစ်ဧကလျှင် အပင်ရေ (၁၉,၀၀၀) ထက်မနည်း ရှိရပါမည်။
သခွားကိုမိုးတွင်းတွင် စိုက်ပါကရေသွင်းပေးရန်မလိုသော်လည်း ၊ ဆောင်းစိုက်များအတွက် စိုက်ချိန်တွင်တစ်ကြိမ် နှင့် အစိုဓါတ်အခြေအနေအရ ထပ်မံ၍ လိုအပ်ပါက ၊ ရေ (၂) ကြိမ်မှ (၄)ကြိမ် အထိပေးရန်လိုပါသည်။ သခွားစိုက်ပြိး (၁၅) ရက်မှ (၂၀)ရက်အတွင်း ပေါင်းတစ်ကြိမ်လိုက်ပေးရပါမည်။ သခွားသက်တမ်း တစ်လျှောက်တွင် ပေါင်းအခြေအနေအရ (၂)ကြိမ်ခန့် ပေါင်းလိုက်ပေးရပါမည်။ အပင်ကလေးများ ခါးကြပ်နေပါက အပင်ခြေရင်းကို မြေဆွပေးပြီးနောက် ၊ မြေတောင်မြှောက် ပေးရပါမည်။သက်လတ် ၊ သက်ကြီး ၊ သက်လျင်မျိုးများတွင်(၄၅) ရက်မှစ၍ သခွားသီးများ စတင်ခူးဆွတ်နိုင်ကြောင်းသိရပါသည်။
DOCA(ဧရာဝတီ)