ငှက်ပျောပင်ကို ကမ္ဘာပေါ်တွင် အရှေ့တောင်အာရှနှင့်အခြားသော အပူပိုင်းဒေသနိုင်ငံများတွင် အဓိကစိုက်ပျိုးသည်။ ငှက်ပျောသီးတွင် အမျှင်ဓာတ်၊ ပိုတက်စီယမ်၊ ဗီတာမင်ဘီစစ်၊ ဗီတာမင်စီ၊ ဓာတ်တိုးဆန့်ကျင်သည့် အာဟာရဓာတ်များစွာပါဝင်ပါသည်။ သင့်တော်သည့်အရွယ်အစားရောက်ရှိသည့် ငှက်ပျောသီးတစ်လုံးတွင် စွမ်းအင်ပမာဏ(၁၁၂)ကယ်လိုရီ၊ အသားဓာတ်(၁)ဂရမ်၊ ကာဗိုဟိုက်ဒြိတ် (၂၉)ဂရမ်၊ အမျှင်ဓာတ်(၃)ဂရမ်၊ ဖောလိတ်(၆)ရာခိုင်နှုန်း၊ နိုင်ရာဆင်း(၅)ရာခိုင်နှုန်း၊ မဂ္ဂနီဆီယမ်(၈) ရာခိုင်နှုန်း ပါဝင်ပါသည်။
ငှက်ပျောသီးတွင် အမျှင်ဓာတ်သည် ခန္ဓာကိုယ်၏အစာခြေစနစ်ကို ပိုမိုကောင်းမွန်စေပါသည်။ ပုံမှန်ငှက်ပျောသီးတစ်လုံးတွင် အမျှင်ဓာတ်(၃)ဂရမ်ပါဝင်သောကြောင့် ကျန်းမာရေးအတွက်အလွန် ကောင်းမွန်ပါသည်။ ထို့အပြင် ငှက်ပျောသီးတွင်ပါဝင်သော အမျှင်ဓာတ်သည် အစာအိမ်အတွင်းရှိ ခန္ဓာကိုယ်အကျိုးပြုဘက်တီးရီးယားများကို ပိုမိုကောင်းမွန်စေသည့်အပြင် အူမကြီးကင်ဆာ ဖြစ်စေနိုင်ခြင်းမှလည်း ကာကွယ်ပေးနိုင်ကြောင်းသိရှိရပါသည်။
DOCA(ရှမ်း)