ဖော်မလင်ဆိုတာ ဖော်မယ်ဒီဟိုက် ရောထားသည့်ဆေးရည်ဖြစ်ပါသည်။ ဖော်မယ်ဒီ ဟိုက်သည်သက်ရှိတိုင်းကို အဆိပ်ဖြစ်စေနိုင်ပါသည်။ ဖော်မယ်ဒီဟိုက်ကို သစ်သား၊ စက္ကူနဲ့အထည် အလိပ်စက်ရုံတွေမှာသုံးပြီး စက်တွေကထွက်တဲ့ အိတ်ဇောငွေ့တွေမှာလည်း ပါရှိကြောင်း သိရှိရပါသည်။ ကြိတ်သားနဲ့ ပြုလုပ်ထားတဲ့ပစ္စည်းတွေကို အပူချိန်များများပေးမိရင် ဖော်မယ်ဒီဟိုက် ဓာတ်ငွေ့ ထွက်လာ၍ လည်းကောင်းကို ရေနဲ့ရောလိုက်ရင် မပုပ်မသိုးဘဲ တာရှည်ခံတဲ့ ဖော်မလင်ကို ရရှိကြောင်း သိရှိရပါသည်။
ဖော်မလင်သည် အသားတွေကို တောင့်တင်းခိုင်မာစေပါသည်။ သူရဲ့ဓာတ်သတ္တိက အသား ဓာတ်ဖြစ်တဲ့ ပရိုတင်းကိုမပျက်အောင် အဓိကလုပ်ဆောင်ပေးပြီး မပုပ်မသိုးအောင် ထိန်းသိမ်းထား နိုင်တဲ့ အစွမ်းသတ္တိလည်းရှိပါသည်။ အလွယ်တကူ အငွေ့ပြန်နိုင်ပြီး ရေထဲမှာပျော်၀င်နိုင်ပါသည်။ ကာဗွန်ဒြပ်ပေါင်းဖြစ်၍သွေးလှည့်ပတ်မှုထဲမှာ ၀င်ရောက် အန္တရာယ်ပေးနိုင်ကြောင်းသိရှိရပါသည်။
ဖော်မလင်ကို လူသေကောင်တွေ မပုပ်မသိုးအောင်စီမံသည့် နေရာမှာအသုံးပြုသည့်အပြင် ခန္ဓာကိုယ်အင်္ဂါ အစိတ်အပိုင်း နမူနာတွေကို မပုပ်မသိုးအောင် ဆေးစိမ်ရမှာလည်း အသုံးပြုကြောင်း သိရှိရပါသည်။ ဖော်မလင်ကို အမေရိကန်၊ အင်္ဂလန်နဲ့ ဥရောပနိုင်ငံတွေမှာ အသုံးပြုခွင့်ပိတ်ထားပြီး မြန်မာနဲ့ တရုတ်နိုင်ငံမှာတော့ဆက်လက် သုံးစွဲနေကြကြောင်းသိရှိရပါသည်။
ဖော်မလင်ကို စားသောက်ကုန်များ ဖြစ်တဲ့ မုန့်ဟင်းခါးဖတ်၊ မုန့်တီဖတ်၊ နန်းကြီးဖတ်၊ ပဲပြား၊ ချက်နို့ဆီနဲ့ နွားနို့တွေမှာ သုံးနေတာကို တွေ့ရတယ်။ နွားနို့တွေကို ခရီးဝေးပို့ရာမှာ ကြာရှည်ခံအောင် ထည့်သုံးကြပါသည်။ အသား၊ ငါးနဲ့ ပင်လယ်စာတွေ အအေးခန်းမလုံလောက်တာကြောင့် ရေခဲရိုက်ပြီး တာရှည်ခံစေတဲ့ ဖော်မလင်ကိုသုံးကြပြီး သစ်သီးတွေကို ကြာရှည်ခံအောင်၊ သဘာ၀အတိုင်း မှည့်တယ် လို့ထင်အောင်လုပ်သည့်အခါတွင် အသုံးပြုကြပါသည်။ အသီးတွေကို အင်းဆက်ပိုးတွေ မကပ်နိုင်အောင် စွမ်းဆောင်နိုင်ပါသည်။ အသီးတွေ အရောင်မွဲနေပေမယ့်လည်း မပုပ်မသိုးအောင် ဖော်မလင်က ကူညီပေးပြီး ဖော်မလင်ပါတဲ့ အသီးတွေကို စားသုံးမိရင် အသက်ရှူလမ်းကြောင်း၊ အစာအိမ် အူလမ်းကြောင်း၊ နှလုံးနဲ့ အာရုံကြောကို ထိခိုက်ပြီး သေဆုံးနိုင်ကြောင်းသိရှိရပါသည်။
စားသောက်ကုန်တွေအပြင် ဟင်းသီးဟင်းရွက်တွေမှာလည်း သုံးတာကိုတွေ့ရပါသည်။ ဝေးလံ ခေါင်ပါးတဲ့အရပ် ဒေသတွေကနေ မြို့ကြီးတွေကို ဟင်းသီးဟင်းရွက်တွေ သယ်လာရာမှာ ကြာရှည် ခံအောင်သုံးခြင်းဖြစ်ကြောင်းသိရှိရပါသည်။ နောက်ပြီး တချို့သနပ်ခါးအရည်ဘူးတွေနဲ့ အနှစ်ဘူး တွေမှာ ဖော်မလင်ထည့်သုံးလို့အရေပြား ယားယံတာနဲ့ အရေပြားကင်ဆာကိုဖြစ်စေကြောင်း သိရှိရ ပါသည်။
DOCA(ရှမ်း)