ယနေ့ခေတ်တွင် နေရောင်ခြည်စွမ်းအင် (Solar Energy) ဟာ ကမ္ဘာ့တစ်ဝှမ်းတွင် လူသုံးများလာ သော စွမ်းအင်စနစ်တစ်ခုဖြစ်လာခဲ့ပါပြီ၊ ကျွန်တော်တို့ မြန်မာနိုင်ငံတွင်လည်း (Solar Energy) ကိုကျေးရွာ၊ မြို့နယ်တော်တော်များတွင် စတင်အသုံးပြုလာကြပြီဖြစ်ပါသည်။ နေ၏ စွမ်းအင်သည် ကမ္ဘာပေါ်တွင် အပေါ်များဆုံးသော စွမ်းအင်အရင်းအမြစ်တစ်ခုဖြစ်ပြီး ၎င်းကို နည်းလမ်းများစွာဖြင့် ဖမ်းယူ အသုံးပြုနိုင်ပါသည်။(Solar Energy ) သည် ပြန်လည် ပြည့်ဖြိုးမြဲစွမ်း အင်အရင်းအမြစ်တစ်ခုဖြစ်ပြီး ကျွန်တော်တို့၏ သန့်ရှင်းသော စွမ်းအင်အနာဂတ် အတွက် အရေးကြီးသော အစိတ်အပိုင်းတစ်ခုလည်းဖြစ်ပါသည်။ ထို့ကြောင့်(Solar Energy)နှင့် ပတ်သက်၍ ရရှိနိုင်မည့် အကျိုးကျေးဇူးများ၊ အားသာချက်၊ အားနည်းချက်များအား သိရှိနိုင်ပါရန် အောက်ပါ အတိုင်း ရေးသားတင်ပြလိုက်ပါသည်-
၁။ Solar Energy ၏ အကျိုးကျေးဇူးနှင့်အားသာချက်များ
(က ) သဘာဝပတ်ဝန်ကျင်ကို ထိန်းသိမ်းနိုင်ခြင်း
Solar Energy သည် အဓိအားဖြင့် လေထုညစ်ညမ်းမှုကို မဖြစ်ပေါ်စေဘဲ သဘာဝ ပတ်ဝန်းကျင်ကို ထိန်းသိမ်းနိုင်သော စွမ်းအင်တစ်ခုဖြစ်သည်။ Solar Energy သည် အခြားသောလောင်စာများကဲ့သို့ Carbon Emission(ကာဗွန်ထုတ်လုပ်မှု)နှင့် မီးခိုးများ ထုတ်လွှတ်ခြင်းမရှိသောကြောင့် ရာသီဥတုပြောင်းလဲမှုကိုလျှော့ချရာတွင် အထောက်အကူဖြစ်စေသည့်အတွက် ကမ္ဘာ့အပူချိန်မြင့်တက်မှု( Global Warming ) ကို တာဆီးနိုင်မှာဖြစ်ပါသည်။
( ခ ) စွမ်းအင်အရင်းအမြစ်မကုန်ခမ်းခြင်း
နေရောင်ခြည်သည် သဘာဝအရင်းအမြစ်တစ်ခုဖြစ်ပြီး (နေ)ရှိနေသည့် ကာလ ပတ်တစ်ခုလုံးတွင် အချိန်တိုင်း စွမ်းအင်ထုတ်လုပ်နိုင်မည်ဖြစ်သောကြောင့် နောင်နှစ် သန်း ပေါင်းများစွာထိ( နေ )သည် တည်ရှိနေနိုင်သည်ဖြစ်သဖြင့် နေရောင်ခြည် စွမ်းအင်ကို အသုံးပြုခြင်းဖြင့် ရေရှည်တည့်တံ့နိုင်သော စွမ်းအင်အရင်းအမြစ် တစ်ခု ကိုရရှိမှာ ဖြစ်ပါသည်။
( ဂ ) စွမ်းအင်ကုန်ကျစရိတ်သက်သာခြင်း
Solar Energy ကိုအသုံးပြုခြင်းဖြင့် ကုန်ကျစရိတ်သက်သာစေပြီး ရေရှည်တွင် စီးပွား
ရေးအရ တွက်ချေကိုက်မှုကို ဖြစ်ပေါ်စေနိုင်ပါသည်။ ကနဦး တပ်ဆင်မှုကုန်ကျစရိတ်
မြင့်မားသော်လည်းနောက်ပိုင်းတွင်လျှပ်စစ်ဓါတ်အားသုံးစွဲခြင်းကြောင်းကျသင့်မည့်
ကုန်ကျစရိတ်အား Solar Energy ကို သုံးစွဲခြင်းဖြင့် သက်သာစေနိုင်မှာ ဖြစ်ပါသည်။
( ဃ ) လျှပ်စစ်ဓါတ်အား ဖြန့်ဖြူးမှုလွယ်ကူခြင်း
Solar Energy ကို အသုံးပြုခြင်းဖြင့် မြို့များတွင်သာမက ကျေးလက်ဒေသများတွင်ပါ
လျှပ်စစ်ဓာတ်အား အလွယ်တကူရရှိနိုင်မှာဖြစ်ပါသည်။ လျှပ်စစ်ဓာတ်အားလိုင်းများ
မရှိသော ကျေးရွာများတွင်လည်း Solar Energy ကို အသုံးပြုခြင်းဖြင့် လျှပ်စစ်မီးရရှိ
နိုင်မှာဖြစ်ပြီး Battery နှင့် ချိတ်ဆက်ထားပါက ညပိုင်းများတွင်လည်း လျှပ်စစ်မီးအား
အသုံးပြုနိုင်မည်ဖြစ်ပါသည်။
( င ) ထိန်းသိမ်းမှုလိုအပ်ချက် နည်းပါးခြင်း
Solar Energy ကို သုံးစွဲနိုင်ရန်အတွက် Solar panel များကို တပ်ဆင်ရမှာ ဖြစ်ပါ သည်။ Solar panel များဟာ လစဉ်ပြုပြင်ထိန်းသိမ်းရန် မလိုအပ်ဘဲ နှစ်စဉ်သန့်ရှင်းမှု ပြုလုပ်ခြင်းဖြင့် ရေရှည်အသုံးပြုနိုင်မှာဖြစ်ပါသည်။
၂။ Solar Energy ၏ အားနည်းချက်များ
( က) ရာသီဥတုအပေါ်မှီခိုရခြင်း
Solar Energy သည် နေရောင်ခြည်အပေါ်မှီခိုနေရသည့်အတွက် မိုးတိမ်ထူသော ရက်များ၊ မိုးရွာသွန်းသောနေ့များနှင့် ညဘက်များတွင် နေရောင်ခြည် ကောင်းစွာ မရရှိနိုင်သည့်အတွက် စွမ်းအင်ထုတ်လုပ်မှုလျော့နည်း သွားနိုင်ပါသည်။
( ခ ) တပ်ဆင်မှု ကုန်ကျစရိတ်မြင့်မားခြင်း
Solar panel များအား တပ်ဆင်ရန်အတွက် ကနဦးကုန်ကျစရိတ်သည် မြင့်မားနိုင်ပြီး inverter ၊ Battery များသည်လည်း အမျိုးအစားပေါ်မူတည်၍ ဈေးနှုန်းမြင့်မား ခြင်းနှင့် သိုလှောင်မှု အားနည်းခြင်း ပြဿနာများရှိနိုင်ပါသည်။
( ဂ ) စွမ်းအင်သိုလှောင်မှုစနစ်နှင့် ပတ်သက်၍ အားနည်းချက်ရှိခြင်း
Solar Energy သည် ညဘက်တွင် စွမ်းအင်သိုလှောင်ရန်အတွက် Solar panel Battery စနစ်များနှင့်ချိတ်ဆက်အသုံးပြုရန်လိုအပ်ပါသည်။ Battery တပ်ဆင်ခြင်း သည် ကုန်ကျစရိတ်မြင့်မားပြီး သက်တမ်းအားဖြင့်(၂)နှစ်မှ (၅)နှစ် အထိသာ သက်တမ်းအသုံးပြုနိုင်မှာ ဖြစ်ပါသည်။ Solar panel များသည်လည်း သက်တမ်း ကုန်ဆုံးပါက အစားထိုးရန်လိုအပ်ပြီး ၎င်းပစ္စည်းများသည် သက်တမ်းကုန်ပါက စွန့်ပစ်ပစ္စည်းများဖြစ်သွားပြီး စနစ်တကျ မစွန့်ပစ်ပါက သဘာဝပတ်ဝန်းကျင်ကို ထိခိုက်စေနိုင်ပါသည်။
( ဃ ) နေရာလိုအပ်ချက်ရှိခြင်း
Solar panel များတပ်ဆင်ရန်အတွက် ကျယ်ဝန်သော နေရာများရှိရန်လိုအပ်ပါသည်။ အထပ်မြင့်တိုက်ခန်းများတွင် တပ်ဆင်ရန်အတွက် အနည်းငယ်အခက်ခဲရှိနိုင်ပါသည်။
( င ) နည်းပညာနှင့် စက်ပစ္စည်းများ၏ လိုအပ်ချက်များရှိနေသေးခြင်း
Solar panel များသည် နည်းပညာတိုးတက်မှုနှင့်အတူ ပိုမိုထိရောက်စွာ အသုံးပြု လာနိုင်သော်လည်း လက်ရှိအခြေနေတွင် စွမ်းဆောင်ရည်နှင့် စွမ်းအင်သိုလှောင်မှု စနစ်များတွင် လိုအပ်ချက်များ ရှိနေသေးသောကြောင့် ရန်ဖန်ရံခါတွင် တပ်ဆင် အသုံးပြုရာ၌ အခက်ခဲများ ရှိနေနိုင်ပါသည်။
နိဂုံး
Solar Energy သည် သဘာဝပတ်ဝန်းကျင်နှင့် သဟဇာတဖြစ်သော စွမ်းအင်အရင်း အမြစ်တစ်ခုဖြစ်ပြီး ရေရှည်တွင် စွမ်းအင်လိုအပ်ချက်များကို ဖြည့်ဆည်းပေးနိုင်သော နည်းလမ်း တစ်ခုဖြစ်ပါသည်။ ၎င်း၏ အားနည်းချက်များကို ထည့်သွင်းစဉ်စားပြီး နည်းပညာများဖြင့် အဆိုပါ အားနည်းချက်များကို ဖြေရှင်းနိုင်ပါက Solar Energy သည် အနာဂတ်စွမ်းအင်စနစ်အတွက် အရေးကြီးသော အဓိကအခန်းကဏ္ဍမှ ပါဝင်လာနိုင်မှာဖြစ် ပါကြောင်း ရေးသားတင်ပြလိုက်ရ ပါသည်။
DOCA(စစ်ကိုင်း)