ထောပတ်သီးသည်အသီးတစ်ခုလုံး စွန့်စရာမရှိဘဲအလွန်အသုံးဝင်သော အသီး တစ်မျိုးဖြစ်သည်။ထောပတ်သီး၏အသားကို ဖျော်ရည်အဖြစ်လည်းကောင်း၊ အသုတ် များသုတ်၍လည်းကောင်းစားသုံးကြသည့်အပြင် အသားအရည်စိုပြေစေရန်အတွက်လည်း အလှကုန်များတွင်ထည့်သွင်းအသုံးပြုကြပါသည်။ ထို့အပြင်ထောပတ်သီးအစေ့နှင့် ထော ပတ်သီးအဆီများသည်လည်း အသားအရည်လှပစေရန်နှင့် ဆံကေသာလှပစေရန်အ တွက်အသုံးဝင်ပါသည်။
ထောပတ်သီးစားသုံးခြင်းအားဖြင့် ကျန်းမာရေးအတွက် အထောက်အကူပြုသော အချက်များစွာရှိပါသည်။ထောပတ်သီးသည် အမျှင်ဓာတ်များစွာပါဝင်သောကြောင့် အစာ ကြေပြီးအူလမ်းကြောင်းကိုရှင်းလင်းစေသည်။ဝမ်းချူပ်ခြင်းကိုကာကွယ်နိုင်ပြီး ရောင်ရမ်းမှု နှင့် အဆစ်အမြစ်ရောင်ရမ်းခြင်းများကို သက်သာစေနိုင်သည်။ ဓာတ်တိုးဆန့်ကျင်ပစ္စည်း များပါဝင်သောကြောင့် ကင်ဆာဆဲလ်များစတင်ဖြစ်ပွားခြင်းနှင့် ပြန့်ပွားခြင်းကို ထိန်းချူပ် ပေးနိုင်သည်ဟုလည်းလေ့လာသိရှိရပါသည်။
ထောပတ်သီးကိုစားသုံးခြင်းမဟုတ်ဘဲ အရေပြားပြင်ပတွင် အသုံးပြုခြင်းဖြင့်လည်း အလှအပရေးရာတွင် အထောက်အကူဖြစ်စေပါသည်။ ထောပတ်သီးဖြင့် ပြုလုပ်သော မျက်နှာသစ်ဆပ်ပြာ၊ ရေချိုးဆပ်ပြာရည်၊ ခေါင်းလျှော်ရည်နှင့် မျက်နှာပေါင်းတင်သည့် (mask) များကိုလည်း ဈေးကွက်အတွင်း၌ ရောင်းတန်းဝင်သောကုန်စည်များ အဖြစ် တွေ့ရှိနိုင်ပါသည်။
ထောပတ်သီးအသားသည်သာ အသုံးဝင်သည်မဟုတ်ဘဲ အစေ့သည်လည်း အသုံးဝင်ကြောင်းသိရှိရပါသည်။ ထောပတ်သီးအစေ့ကို ရေစင်အောင်ဆေး၍ သုံးပတ်မျှ နေခြောက်လှန်း၍ လိမ်းပေး ခြင်းအားဖြင့် အသားအရေများချောမွေ့၍ အရေးအကြောင်း များကိုသက်သာစေသည်ဟုလည်းကောင်း၊ ထောပတ်သီးအဆီကိုဦးရေပြားတွင် လိမ်း၍ နာရီဝက်ခန့်ကြာလျှင် ခေါင်းလျှော်ပါက ဗောက်ကင်းစေ၍ တောက်ပြောင်သော ဆံကေသာကိုရရှိ စေနိုင်သည်ဟုလည်းကောင်းလေ့လာသိရှိရပါသည်။
အချုပ်အားဖြင့်ဆိုရသော် ထောပတ်သီးသည် အရသာကောင်းမွန်ခြင်း၊ အသုံးဝင် ခြင်းများစွာရှိသောကြောင့်ထောပတ်သီးရွေးချယ်ဝယ်ယူတတ်ရန်နှင့် သိမ်းဆည်း တတ် ရန်အလွန်အရေးကြီးပါသည်။ ထောပတ်သီးဝယ်ရာတွင် လက်ဆတ်မှုရှိစေရန်နှင့် အရင့် မှန်စေရန်အတွက်အညှာစိမ်းသောထောပတ်သီးကိုရွေးချယ်ရန်လိုအပ်ပါသည်။ ထောပတ် သီးကို သတင်းစာဖြင့် တစ်လုံးခြင်းပတ်၍ လေလုံစက္ကူပုံးထဲထည့်၍ သိမ်းဆည်းခြင်းသည် အကောင်းဆုံးနည်းလမ်းဖြစ်ပြီး မှည့် / မမှည့်နေ့စဉ် ထုတ်ကြည့်ရန် လိုအပ်ပေသည်။ ထောပတ်သီး၏အသုံးဝင်ပုံများကိုသိရှိပြီး စနစ်တကျအကျိုးရှိစွာသုံးစွဲနိုင်ရန် ထောပတ် သီးနှင့်ပတ်သက်သည့်အချက်အလက်များကိုစုစည်းရေးသားတင်ပြလိုက်ရပါ သည်။
DOCA(ရှမ်း)