သဘာဝကရရှိတဲ့ သစ်သီးဝလံတွေက လူသားတို့၏ ဘဝအသက်ရှင်ကျန်းမာစွာ ရပ်တည်နိုင်စေဖို့ အလွန်အရေးပါပါသည်။ အဲဒီအထဲကမှ ကျွန်ုပ်တို့နိုင်ငံမှာ ရာသီမရွေးထွက်ရှိပြီး အာဟာရတန်ဖိုးကြွယ်ဝစွာပါဝင်တဲ့ ငှက်ပျောသီးရဲ့ကျန်းမာရေးအတွက် အကျိုးပြုပုံတွေက စိတ်ဝင်စားစရာကောင်းလှပါသည်။ ငှက်ပျောသီးကို ကမ္ဘာပေါ်မှာ အရှေ့တောင်အာရှနှင့် အခြားအပူပိုင်းဒေသတွေမှာ စိုက်ပျိုးပါသည်။
ငှက်ပျောသီးက အမျှင်ဓာတ်၊ ပိုတက်စီယမ်၊ ဗီတာမင်စီ၊ ဓာတ်တိုးဆန့်ကျင်တဲ့ ဓာတ်ပေါင်းတွေနဲ့ အာဟာရဓာတ်များစွာ ပါဝင်ပါသည်။ ငှက်ပျောသီးကိုစားသုံးလျှင် အရသာကောင်းမွန်ပြီး ကျန်းမာရေးနှင့် လည်းညီညွတ်ပါသည်။ ထိုအပြင် ငှက်ပျောသီးမှာ လူသားတို့အတွက် အရေးကြီသော အာဟာရဓာတ်များစွာ ပါဝင်နေခြင်း၊ သွေးတွင်းသကြားဓာတ်ထိန်းညှိပေးခြင်း၊ အစာခြေအူလမ်း ကြောင်းကျန်းမာရေးကောင်းမွန်စေခြင်း၊ ခန္ဓာကိုယ်အလေးချိန်လျော့ကျစေနိုင်ခြင်း၊ နှလုံးကျန်းမာရေး အတွက် အထောက်အကူဖြစ်စေနိုင်ခြင်းနှင့် အလွန်ကောင်းမွန်သော ဓာတ်တိုးဆန့်ကျင်ပစ္စည်းများ ပါဝင်ပါသည်။
တစ်ရက်မှာ ငှက်ပျောသီးတစ်လုံးစားလျှင် ကျန်းမာရေးနှင့် ညီညွတ်မျှတပါသည်။ ဒါပင်မဲ့ တစ်ရက်တည်း အများအပြားစားသုံးခြင်းက သွေးတွင်းသကြားဓာတ်များလာနိုင်ခြင်းနှင့် သွေးပေါင်ချိန်များလာနိုင်ခြင်း စတာတွေဖြစ်ပေါ်လာနိုင်ပါသည်။ ထိုကြောင့် ငှက်ပျောသီးကို နံနက်စာအနေနဲ့ တစ်ရက်ကိုတစ်လုံးလောက် စားသုံးသင့်ပါကြောင်း လေ့လာသိရှိရပါသည်။
DOCA(ရှမ်း)