ဧရာဝတီတိုင်းဒေသကြီးသည် မြန်မာနိုင်ငံ၏ ဆန်အိုးကြီးအဖြစ် ထင်ရှားသော ဒေသ တစ်ခုဖြစ်ပြီး အရည်အသွေးကောင်းမွန်သော ဆန်များ ထုတ်လုပ်ရာဒေသလည်းဖြစ်သည်။ ယခုအခါ ဧရာဝတီတိုင်းဒေသကြီးမှ ထွက်ရှိသော ဆန်များသည် ပြည်ပပို့ကုန်ဈေးကွက်တွင် ပိုမိုနေရာရရှိလာပြီး ပို့ကုန်တိုးမြင့်လာကြောင်း သိရသည်။
ပုသိမ်မြို့နယ်တွင် ဆန်စပါးကို နှစ်စဉ် မိုးရာသီနှင့် ဆောင်းရာသီဟူ၍ နှစ်မျိုးနှစ်စား စိုက်ပျိုးလေ့ရှိသည်။ မိုးဆန်နှင့် ဆောင်းဆန်ဟူ၍ ခွဲခြားထားပြီး၊ ဆောင်းဆန်သည် မိုးဆန်ထက် ပိုမိုအရည်အသွေးကောင်းမွန်သည်ဟု သတ်မှတ်ကြသည်။ ဒေသခံလယ်သမားများသည် ရိုးရာ နည်းလမ်းများဖြင့် စိုက်ပျိုးထုတ်လုပ်မှုများကို ဆောင်ရွက်လျက်ရှိပြီး၊ နောက်ပိုင်းတွင် ခေတ်မီ စိုက်ပျိုးရေးနည်းပညာများကို လက်ခံကျင့်သုံးလာကြသည်။
ပုသိမ်မြို့နယ်မှ ထွက်ရှိသော ဆန်များကို ပြည်တွင်းဈေးကွက်သို့သာမက၊ နိုင်ငံတကာ ဈေးကွက် များသို့ပါ တင်ပို့ရောင်းချလျက်ရှိသည်။ ဆန်သည် ဧရာဝတီတိုင်းဒေသကြီး၏ အဓိက တင်ပို့ကုန်ဖြစ်ပြီး၊ ပုသိမ်မြို့နယ်မှ ဆန်များကို အာရှနိုင်ငံများဖြစ်သည့် စင်ကာပူ၊ မလေးရှား၊ အင်ဒိုနီးရှားနှင့် ဖိလစ်ပိုင်နိုင်ငံများသို့ တင်ပို့လျက်ရှိသည်။
ကုန်သွယ်မှုအခက်အခဲအနေအဖြင့် ပုသိမ်မြို့နယ်မှ ဆန်ကုန်သွယ်မှုသည် နိုင်ငံတကာ ဈေးကွက်တွင် ယှဉ်ပြိုင်နိုင်ရန် အခက်အခဲများစွာ ရှိနေသည်။ အဓိကအားဖြင့် လမ်းပန်း ဆက်သွယ်ရေး၊ သိုလှောင်ရေးနှင့် ကုန်သွယ်မှုဆိုင်ရာ နည်းပညာများ အားနည်းခြင်းတို့ကြောင့် ဖြစ်သည်။ ထို့အပြင် နိုင်ငံတကာဈေးကွက်တွင် ဆန်ဈေးနှုန်းများ မတည်ငြိမ်မှုကလည်း ဒေသခံလယ်သမားများအတွက် စိန်ခေါ်မှုတစ်ရပ်ဖြစ်စေပါသည်။
ပုသိမ်မြို့နယ်မှ ဆန်ကုန်သွယ်မှုကို ပိုမိုတိုးတက်စေရန် အစိုးရနှင့် ပုဂ္ဂလိက အဖွဲ့အစည်းများက ပူးပေါင်းဆောင်ရွက်လျက်ရှိသည်။ လယ်သမားများအား ခေတ်မီနည်းပညာ များ ပိုမိုသင်ကြားပေးခြင်း၊ လမ်းပန်းဆက်သွယ်ရေးကို မြှင့်တင်ပေးခြင်းနှင့် နိုင်ငံတကာ ဈေးကွက်သို့ ပိုမိုဝင်ရောက်နိုင်ရန် ကူညီပေးခြင်းတို့ကို ဆောင်ရွက်လျက်ရှိသည်။
ထို့ကြောင့် ပုသိမ်မြို့နယ်သည် ဧရာဝတီတိုင်းဒေသကြီး၏ ဆန်ထုတ်လုပ်မှုနှင့် ကုန်သွယ်မှု တွင် အရေးပါသော ဒေသအဖြစ် ဆက်လက်တည်ရှိနေမည်ဖြစ်ပြီး၊ အနာဂတ်တွင် ပိုမို တိုးတက်သော ကုန်သွယ်မှုများ ဖြစ်ထွန်းလာနိုင်သည်ဟု မျှော်လင့်ရသည်။
DOCA(ဧရာဝတီ)