မန္တလေးတိုင်းဒေသကြီးသည် ဆန်စပါး၊ ပဲမျိုးစုံနှင့်ဆီထွက်သီးနှံ အများဆုံးထွက်ရှိရာ ဒေသဖြစ် သည်။ပြည်တွင်းစားသုံးဆီဖူလုံရန်အတွက် ဆီထွက်သီးနှံများကိုလည်း တိုးချဲ့စိုက်ပျိုး လျက်ရှိပါသည်။နိုင်ငံတော်မှလည်း ဒေသတွင်ဆိစက်လုပ်ငန်းများဖွံ့ဖြိုးတိုးတက်ရေးအတွက် အစွမ်းကုန်ကြိုးပမ်းဆောင်ရွက်လျက် ရှိပါသည်။စားသုံးသူများ ဘေးအန္တရာယ်ကင်းရှင်းပြီး အရည်အသွေးမြင့် မြေပဲဆီ၊နှမ်းဆီ၊ နေကြာဆီများ ထုတ်လုပ်ရောင်းချနိုင်ရေးအတွက် ဆီစက်လုပ်ငန်းရှင်များမှလည်း ကြိုးစားဆောင်ရွက်လျက်ရှိပါသည်။ စားအုန်းဆီတင်သွင်းမှု လျှော့ချပြီး ပြည်တွင်းဆီစက်များစွမ်းအားပြည့် လည်ပတ်နိုင်ရေး အစိုးရနှင့်လုပ်ငန်းရှင် လက်တွဲညီစွာ လုပ်ကိုင်ဆောင်ရွက်လျက်ရှိပါသည်။ဆီစက်လုပ်ငန်းရှင်များဘက်မှလည်း ကျန်းမာရေးနှင့်ညီညွတ်ပြီး သန့်စင်သည့် မြေပဲဆီ၊နှမ်းဆီ၊နေကြာဆီများကြိတ်ခွဲထုတ်လုပ်ပြီး ဈေးကွက်ထိုးဖောက်နိုင်၍ ရေရှည်တည်တံ့သော ဈေးကွက်ဖြစ်စေရေးကြိုးပမ်းဆောင်ရွက် ရမည်ဖြစ်ပါသည်။ ထိုသို့ဆောင်ရွက်မှသာလျှင် နိုင်ငံ့စီးပွားရေးကို တစ်ဖက်တစ်လမ်းမှ အထောက်အကူပြုနိုင်သည့် ဆီစက်လုပ်ငန်းများ ဖွံ့ဖြိုးတိုးတက်ရေးနှင့် ယင်းဆီစက်များ၏ ဖွံ့ဖြိုးတိုးတက်မှုများ ရပ်တန့်မသွားမှသာ ထုတ်လုပ်မှုဖြစ်စဉ်တွင် ပါဝင်သော စိုက်ပျိုးသူ၊ ထုတ် လုပ်သူ၊ စားသုံးသူအားလုံး အကျိုးကျေးဇူးများမည်ဖြစ်ပါသည်။ တိုင်းဒေသကြီးအတွင်း ထွက်ရှိ သည့် ဆီထွက်သီးနှံကုန်ကြမ်းများကို အပြည့်အဝအသုံးချပြီး ကြိတ်ခွဲရရှိသည့် စားသုံးဆီများဖြင့် ဒေသတွင်း ဆီလိုအပ်ချက်ကို လုံလောက်ယုံသာမက အခြားဒေသများသို့ ရောင်းချပေးခြင်း၊ ဆီကြိတ်ခွဲမှုတိုးမြှင့်ထုတ်လုပ်နိုင်ရေးကို အကောင်အထည်ဖော်ဆောင်ရွက်ခြင်း၊ ပြည်ပနိုင်ငံများ သို့တင်ပို့နိုင်ရေးဈေးကွက်ဖော်ဆောင်မှုများ ကြိုးပမ်းဆောင်ရွက်ခြင်း၊ ဆီထွက်သီးနှံစိုက်ပျိုးမှု မှသည် ဆီကြိတ်စက်နှင့် ဈေးကွက်သို့တိုင်အောင် တန်ဖိုးမြှင့်ကွင်းဆက်တလျောက် ပါဝင်သူအား လုံးနှင့် သက်ဆိုင်ရာဌာနများမှ ဝိုင်းဝန်းပူးပေါင်းဆောင်ရွက်ရမည်ဖြစ်ပါသည်။ သို့မှသာ ဆီစက် လုပ်ငန်းများ ဖွံ့ဖြိုးတိုးတက်လာပြီး အလုပ်အကိုင်အခွင့်အလမ်းများ ဖန်တီးပေးနိုင်ယုံသာမက လူနေမှုစီးပွားဘဝများ အဆင်ပြေလာမည်ဖြစ်သလို နိုင်ငံ့စီးပွားမြှင့်တင်ရေးကိုလည်း များစွာ အထောက်အကူပြုနိုင်မည် ဖြစ်ပါသည်။ဆီစက်လုပ်ငန်းများ အောင်မြင်ဖြစ်ထွန်းတိုးတက်မှသာ လျှင် ကျန်းမာရေးနှင့်ညီညွတ်သော စားသုံးဆီများထုတ်လုပ်ရောင်းချနိုင်ပြီး၊ စားသုံးသူပြည်သူ များလူနေမှုဘဝ စဉ်ဆက်မပြတ်ဖွံ့ဖြိုးတိုးတက်နို်ငမည်ဖြစ်ပါသည်။ စားအုန်းဆီ၏ အဓိက ပြဿနာမှာ ပြည့်ဝဆီတစ်မျိုးဖြစ်သည့် permitted acid ဓာတ်ပါဝင်နေသောကြောင့် ဖြစ်သည်။ အဆိုပါပြည့်ဝဆီသည် ခန္ဂာကိုယ်အတွင်းရောက်ရှိပါက အသည်းမှတစ်ဆင့် LDL Colestrol များ ထုတ်လုပ်ပေးရန် ကုန်ကြမ်းများဖြစ်သဖြင့် သွေးတွင်း LDL Colestrol ကိုမြင့်တက်စေပါသည်။ ရံဖန်ရံခါအနည်းငယ်မျှသာစားသုံးလျှင် ပြဿနာမရှိသော်လည်း နေ့စဉ်ချက်ပြုတ်စားသောက်ရာ တွင် အသုံးပြုမှုများလာပါက သွေးကြောများအတွင်း အဆီများစုလာကာ သွေးကြောများ ကျဉ်းလာမှုပြဿနာများ ရေရှည်တွင် ဖြစ်လာနို်ငမည်ဖြစ်ကြောင်း ဆေးပညာဗဟုသုတများမှ လေ့လာ သိရှိရပါသည် ။ပြည်တွင်းထုတ်မြေပဲဆီ၊နှမ်းဆီ၊ နေကြာဆီများကို ပြောင်းလဲသုံးစွဲ စေလိုပါသည်။ဈေးနှုန်းအားဖြင့် အနည်းငယ်မြင့်မားသော်လည်း ကျန်းမာရေးထိခိုက်လာပါက ကုန်ကျမည့် ဆေးဝါး၊ကုသစရိတ်များပါ ထည့်သွင်းစဉ်းစားပါက ရေရှည်တွင်ကျန်းမာရေး အတွက် ပိုမိုသင့်လျော်နို်ငမည်ဖြစ်ပါသည်။စားသုံးသူပြည်သူများမှလည်း ကျန်းမာရေးနှင့်ညီညွတ် သော အရည်အသွေးမြင့်ပြည်တွင်းထုတ် မြေပဲဆီ၊နှမ်းဆီ၊နေကြာဆီများကို ပြောင်းလဲဝယ်ယူစား သောက်ခြင်းဖြင့် ကျန်းမာသာယာစိုပြေဝပြောသော လူနေမှုဘဝသို့ တက်လှမ်းကြပါစို့။
DOCA(မန္တလေး)