ငယ်ငယ်က သူငယ်ချင်းတွေစုမိတိုင်း မောင်နှမတွေစုမိတိုင်း ဗန်ဒါပင်တွေအောက်မှာ ဗန်ဒါသီးတွေကောက်လို့ တူတွေ၊ အုတ်ခဲတွေသုံးလို့ ထုပြီး အထဲကအဆန်ကို အရသာရှိရှိ စားခဲ့ဖူးပါသည်။ ဆိမ့်ဆိမ့်လေးနဲ့ စားရတာ တော်တော်လေး အရသာရှိပါသည်။ ကလေးတုန်းက အပျင်းလည်းပြေ စားလို့ကောင်းလို့ဆိုပြီး စားခဲ့တဲ့ ဗန်ဒါစေ့လေးတွေက ကျန်းမာရေးအတွက် တော်တော်လေး အထောက်အကူပြုပါသည်။
ဗန်ဒါစေ့က သိပ်ထွေထွေထူးထူးပြောစရာမလိုအောင် လူတိုင်းသိပြီးဖြစ်မှာပါ။ အညိုရောင် ခပ် ဖျော့ဖျော့အဆန်လေး အတွင်းမှာ အဖြူရောင်နှစ်နှစ်လေးနဲ့ ဝါးလိုက်ရင် ကြွပ်ကြွပ်လေးနဲ့ စားလို့ကောင်းတာအမှန်ပါ။ နို့ထဲစိမ်စားရင်လည်း စားလို့ကောင်းပါသည်။ ဝါးလိုက်တိုင်း ကြွပ်ကြွပ် ဆိမ့်ဆိမ့်လေးနဲ့ အရသာရှိပါသည်။ ဗန်ဒါစေ့မှာ အဆီပါဝင်မှုရှိပြီး ဒီအဆီက ဝမ်းဗိုက်ပိုင်းမှာဖြစ်တဲ့ နာကျင်ရောင်ရမ်းမှုကို သက်သာစေနိုင်ပါသည်။ ဗန်ဒါစေ့မှာ ဖောလစ်အက်ဆစ်ပါဝင်နေတာကြောင့် ကိုယ်ဝန်ဆောင်ချိန်မှာ မိခင်ရောကလေးပါ ကျန်းမာစေရန် ဗန်ဒါစေ့စားပေးလို့ရပါသည်။ ဗန်ဒါစေ့က စိတ်ကျေနပ်မှုရစေပြီး ခဏခဏစားချင်စိတ်မဖြစ်အောင် ကာကွယ်ပေးနိုင်ပါတယ်။ အမျှင်ဓါတ ်ကြွယ်ဝစွာပါဝင်မှုက အဆာခံနိုင်စေပြီး အစာခြေစနစ် နဲ့ အူမကြီးကို ကျန်းမာစေနိုင်ပါတယ်။ ဗန်ဒါစေ့ကို ပုံမှန်စားသုံးပေးတာက ဝမ်းမှန်စေနိုင်ပြီး ကိုယ်အလေးချိန်ကို အကောင်းဆုံးထိန်းညှိ ပေးနိုင်ပါသည်။ ဗန်ဒါစေ့မှာ ခန္ဓာကိုယ်အတွက်လိုအပ်တဲ့ သတ္တုဓာတ်တွေကြွယ်ဝစွာပါဝင် နေပါတယ်။ ဗန်ဒါစေ့ကို ပုံမှန်စားသုံးပေးတာက အရိုးနဲ့သွားတွေကို ကြံ့ခိုင်စေနိုင်ပါသည်။ လေ့လာမှုတွေအရ ဗန်ဒါစေ့မှာကိုယ်ခံအားစနစ်ကို အကောင်းဆုံးအားဖြည့်ပေးနိုင်တဲ့ ဓာတ်တွေ ပါဝင်နေပါသည်။ ကျန်းမာချင်သူတိုင်း စားပေးသင့်ပါသည်။ ဗန်ဒါစေ့မှာ ဦးနှောက်ဖွံ့ဖြိုးစေဖို့ လိုအပ်တဲ့ အာဟာရဓာတ်တွေ ကြွယ်ဝစွာပါဝင်နေပါတယ်။ အာရုံကြောစနစ် ကျန်းမာပြီး ဦးနှောက် စွမ်းဆောင်ရည်ကောင်းစေဖို့ဆိုရင် ဗန်ဒါစေ့စားပေးလို့ရပါသည်။ ဗန်ဒါစေ့မှာ အမျှင်ဓာတ်ကြွယ်ဝ စွာပါဝင်နေတာကြောင့် ဝမ်းချုပ်တာကို သက်သာစေနိုင်ပါသည်။ ဗန်ဒါစေ့စားပြီးပြီးချင်း ရေသောက် ချလိုက်မယ်ဆိုရင် အစာခြေစနစ်ကို အကောင်းဆုံးလှုပ်ရှားမှုဖြစ်စေနိုင်ပါသည်။ ဒါကြောင့် ဝမ်းမှန် စေဖို့ဆိုရင် တစ်နေ့ကို ဗန်ဒါစေ့ ၄ စေ့ကနေ ၅စေ့လောက်အထိ စားပေးသင့်ပါသည်။ ဗန်ဒါစေ့မှာ ပိုတက်ဆီယမ်ပါဝင်မှုက သွေးပေါင်ချိန်ကို အကောင်းဆုံး အနေအထားဖြစ်အောင် ထိန်းညှိပေး နိုင်ပါသည်။ နောက်တစ်ခုက ဗန်ဒါစေ့မှာ ခန္ဓာကိုယ်အတွက် လိုအပ်တဲ့အာဟာရတွေ ပြည့်ဝစွာ ပါဝင်နေပါသည်။ လိုအပ်တဲ့ ဗီတာမင် နဲ့ သတ္တုဓာတ်တွေကို ပြည့်ဝအောင်စားသုံးမှုက စိတ်ဖိစီးမှု၊ စိုးရိမ်ပူပန်မှုတွေလိုမျိုး ကျန်းမာရေးကို ကောင်းစေနိုင်သလို သွေးပေါင်ချိန်ကို အကောင်းဆုံး ထိန်းညှိပေးနိုင်ပြီး ဗန်ဒါစေ့က အင်ဆူလင်ထွက်ရှိမှုကို ကောင်းမွန်စေပြီး သွေးတွင်းသကြားဓာတ် ရုတ်တရက်မြင့်တက်တာမျိုးမဖြစ်အောင် မဖြစ်အောင် အကောင်းဆုံးထိန်းညှိပေးနိုင်ပါသည်။ ထို့ကြောင့် ဆီးချိုရှိသူတွေအနေနဲ့ သွေးတွင်းသကြားဓာတ်ကို အကောင်းဆုံးထိန်းညှိနိုင်စေဖို့ စားပေးသင့်ပါသည်။ ဗန်ဒါစေ့မှာ မဂ္ဂနီဆီယမ်ပါဝင်နေတာကြောင့် ရုတ်တရက်နှလုံးရပ်တာမျိုး မဖြစ်အောင် ကာကွယ်ပေးနိုင်ပါသည်။ ဗီတာမင် E ပါဝင်နေတာကြောင့် နှလုံးကျန်းမာစေနိုင်ပါ သည်။ ဖောလစ်အက်ဆစ်ကြွယ်ဝမှုက သွေးကြောတွေထဲမှာ အဆီတွေစုပုံတာမျိုးမဖြစ်အောင် ကာကွယ်ပေးနိုင်ပါသည်။ ထို့ကြောင့် နှလုံးကျန်းမာချင်တယ်ဆိုရင် ဗန်ဒါစေ့ပုံမှန် စားပေးသင့် ပါသည်။ ဗန်ဒါစေ့ပုံမှန်စားသုံးပေးတာက အစာခြေစနစ်ကိုကျန်းမာစေပြီး ဝမ်းမှန်စေတာကြောင့် အူမကြီးကင်ဆာမဖြစ်အောင် ကာကွယ်ပေးပါသည်။ ထို့အပြင် ဓာတ်တိုးဆန့်ကျင် အာနိသင်ကြွယ်ဝ တဲ့ ဗန်ဒါစေ့က ကင်ဆာရောဂါတွေမဖြစ်အောင် အထိရောက်ဆုံး ကာကွယ်ပေးနိုင်ပါသည်။ ဗန်ဒါစေ့သည် အရသာရှိသလို ကောင်းကျိုးသိပ်များပါသည်။ မဂ္ဂနီဆီယမ်က သွေးတွင်းအချို ဓာတ်ကိုလည်း ကျစေသေးတာမို့ ဆီးချိုသမားအတွက်လည်း အဆင်ပြေပါသည်။ အမျှင်ဓာတ်၊ အသားဓာတ်၊ အဆီဓာတ် သာများပြီး ကစီဓါတ်နည်းသောကြောင့် စားလိုက်ရင် အဆာခံနိုင်သလောက် ကိုယ်အလေးချိန်လည်းကျစေနိုင်ပါသည်။ ဗန်ဒါသီးသည် အပြင်ခွံ( အသီး ) ရော အထဲက အဆန် ပါ စားလို့ရပါသည်။ မြန်မာပြည်က ဗန်ဒါစေ့တွေဟာ အသည်းအတွက်လည်း ကောင်းပါသည်။ ထို့ကြောင့် ကျန်းမာရေးအတွက် ဗန်ဒါစေ့စားသုံးပေး သင့်ပါသည်။
DOCA(မန္တလေး)