သတင်းနှင့် လှုပ်ရှားမှုများ
ကျိုက်လတ်မြို့နယ်တွင် Covid-19 ကာလအတွင်းဒေသ ထုတ်ကုန်လုပ်ငန်းများထုတ်လုပ်မှု နှေးကွေးလျက်ရှိရာ ပြန်လည်ဦးမော့လာစေရေးနှင့် လုပ်ငန်းများဖွံ့ဖြိုးတိုးတက်လာစေရန် ရည်ရွယ်၍ ကျိုက်လတ်မြို့နယ်စားသုံးသူရေးရာဦးစီးဌာနမှမြို့နယ်တာဝန်ခံ ဦးစိုးမင်းထိုက်သည် ငါးရံ့ခြောက်ဖုတ်လုပ်ငန်း ရှင်အသင်းများနှင့် ၂၀၂၂ ခုနှစ်၊ ဇန်နဝါရီလ(၁၀)ရက်နေ့၊ နေ့လည်(၁၃:၀၀)နာရီတွင် မြို့နယ်စားသုံးသူရေးရာ ဦးစီးဌာနရုံး၌ တွေ့ဆုံဆွေးနွေးခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ ပဲခူးတိုင်းဒေသကြီး သနပ္ပင်မြို့နယ် တာဝန်ခံသည် သနပ္ပင်မြို့နယ်အတွင်းရှိ ၂၀၂၁ခုနှစ် မိုးရာသီလယ်သမားများစိုက်ပျိုးခဲ့သည့် မိုးစပါးများ တစ်ဧက ထွက်ရှိမှုများနှင့် ပတ်သက်၍ ၆.၁.၂၀၂၂ ရက်နေ့တွင် သွားရောက်မေးမြန်းခဲ့ပါသည်။
စားသုံးသူရေးရာဦးစီးဌာန ၊ ပဲခူးတိုင်းဒေသကြီး ၊ သာယာဝတီခရိုင်၊ ခရိုင်ဦးစီးမှူးမှ ဦးဆောင်၍ လက်ပံတန်းမြို့နယ် တာဝန်ခံနှင့် ဝန်ထမ်းများသည် ၁၂.၁.၂၀၂၂ ရက်နေ့၌ လက်ပံတန်းမြို့နယ်ရှိ ရွှေဗျိုင်းဖြူ စက်သုံးဆီအရောင်းဆိုင်သို့သွားရောက်၍ စက်သုံးဆီတို့၏ အရည်အသွေး ၊ အချိန်အတွယ် ပြည့်ဝမှန်ကန်မှု ရှိစေရေးနှင့် သတ်မှတ်ထားသည့် ခွဲ့တမ်းများ စျေးနှုန်းများ မှန်ကန်မှုရှိစေရေး စျေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြပါသည်။
မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ ဘီးလင်းမြို့နယ်တာဝန်ခံရုံးမှ မြို့နယ် တာဝန်ခံဦးမျိုးလွင်နှင့် ဝန်ထမ်းတို့သည် (၁၀.၁.၂၀၂၂)ရက်နေ့၊ နံနက်(၁၀:၀၀)နာရီတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးရုံး၌ စားသုံးသူကာကွယ်ရေးအသိပညာပေး (Talk Show) ကျင်းပပြုလုပ်ခဲ့ပါသည်။
ရခိုင်ပြည်နယ် ၊ စစ်တွေခရိုင်၊ စားသုံးသူရေးရာဦးစီးဌာန ခရိုင်ဦးစီးမှူး ဦးမောင်လှဝင်းမှ ပူးပေါင်းအဖွဲ့ (FDA ၊ ကျန်းမာရေး ၊ ထွေ/အုပ်၊ စည်ပင် ၊ မြန်မာနိုင်ငံရဲတပ်ဖွဲ့) ဌာနဆိုင်ရာမှ တာဝန်ရှိသူများနှင့် (၁၄-၁-၂၀၂၂) ရက်နေ့ နံနက်(၁၀:၀၀)နာရီ မှ (၁၂:၀၀)နာရီထိ စစ်တွေမြို့ပေါ်ရှိ မုန့်တီဖတ်လုပ်ငန်းများသို့ ရှောင်တခင်ကွင်းဆင်းစစ်ဆေးမှု ပြုလုပ်ခဲ့ပါသည်။ကွင်းဆင်းစစ်ဆေးရာတွင် မုန့်တီဖတ်လုပ်ငန်း ဆောင်ရွက်ရာ၌ သန့်ရှင်းသန့်ရပ်မှု ရှိ/မရှိ စစ်ဆေးခြင်း၊ မုန့်ဖတ်ထုတ်လုပ်ပုံ အဆင့်ဆင့
