၁၃.၅.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မကွေးတိုင်းဒေသကြီး၊ မကွေးခရိုင်၊ မကွေးစျေးကွက်အတွင်း စားဖိုဆောင်သုံးသီးနှံတစ်မျိုးဖြစ်သည့် ကြက်သွန်နီစျေးနှုန်းများ ကျဆင်းလာပါသည်။ ၂၀၂၄ခုနှစ်၊ မေလ(ပထမပတ်)တွင် ကြက်သွန်နီ (၁)ပိဿာလျှင် ကျပ်(၁၈၀၀-၂၀၀၀-၂၂၀၀)ရှိခဲ့ပြီး မေလ(ဒုတိယပတ်)တွင် ကျပ်(၁၆၀၀-၁၇၀၀-၁၈၀၀) ဖြစ်၍ ကျပ်(၂၀၀-၃၀၀-၄၀၀)ကျဆင်းလာကြောင်း၊ ရေနံချောင်း၊ ပခုက္ကူ၊ မြစ်သားတို့မှဝယ်ယူကြောင်း၊ ကြက်သွန်နီများကို ပွဲရုံမှတစ်ဆင့် မင်းဘူး၊ သရက်၊ ကံမ၊ နတ်မောက်၊ ငဖဲမြို့များမှ ပြန်လည်ဝယ်ယူကြပြီး တစ်နေ့လျှင် ပိဿာချိန်(၁၀၀၀)ခန့်၊ တစ်ပတ်လျှင် တန်ချိန်(၉)တန်ခန့် အရောင်းအဝယ်ဖြစ်လျက်ရှိကြောင်း ပွဲရုံများမှ သိရှိရပါသည်။
ရေနံချောင်းစျေးကွက်တွင်လည်း ဒေသထွက်ကုန်ဖြစ်သော ကြက်သွန်နီစျေးနှုန်းများမှာ မေလ (ဒုတိယပတ်)တွင် ယခင်တစ်ပတ်အတိုင်း ကျပ်(၁၆၀၀-၁၈၀၀-၂၀၀၀)ဖြစ်၍ စျေးနှုန်းပြောင်းလဲမှုမရှိကြောင်း၊ ဆိပ်ဖြူ၊ ပခုက္ကူ၊ တောင်တွင်းကြီးမြို့များမှ ဝယ်ယူကြောင်း၊ ပွဲရုံမှတစ်ဆင့် ရန်ကုန်၊ ပြည်၊ အောင်လံမြို့သို့တင်ပို့ရောင်းချပြီး တစ်နေ့လျှင် ပိဿာချိန်(၁၀၀၀၀)ခန့်၊ တစ်ပတ်လျှင် တန်ချိန်(၉၇) တန်ခန့် အရောင်းအဝယ်ဖြစ်လျက်ရှိကြောင်း ပွဲရုံများမှ သိရှိရပါသည်။
DOCA(မကွေး)
မကွေးတိုင်းဒေသကြီး၊ မကွေးခရိုင်၊ မကွေးမြို့ ကုန်သည်များနှင့် စက်မှုလက်မှုလုပ်ငန်းရှင်များအသင်း မကွေးကုန်စည်ဒိုင်တွင် စလင်း၊ ဆင်ဖြူကျွန်း၊ သစ်ရာကောက်၊ နတ်မောက်၊ မိကျောင်းရဲ၊ လျောင်းတော်ဦး၊ ကံသစ်၊ ရွာဟောင်းကန်တို့မှထွက်ရှိသော ပဲနှင့် နှမ်းမျိုးစုံတို့ အများဆုံးဝင်ရောက်လျက်ရှိကြောင်း သိရှိရပါသည်။
ယခုတစ်ပတ်တွင် အရောင်းအဝယ်မှာ နည်းပါးလျက်ရှိကြောင်း၊ ကုလားပဲတို့သာ အရောင်းအဝယ်ဖြစ်လျက်ရှိကြောင်း၊ ၂၀၂၄ခုနှစ်၊ မေလ(ပထမပတ်)တွင် ကုလားပဲ(929) (၁၉)ပိဿာ(၁)တင်းလျှင် ကျပ် (၈၀၀၀၀)၊ ကုလားပဲ(HL) ကျပ်(၇၉၀၀၀)ဖြစ်ပြီး ယခု(ဒုတိယပတ်)တွင် ကုလားပဲ (929) ကျပ်(၇၈၅၀၀)၊ ကုလားပဲ (HL) ကျပ် (၇၇၅၀၀)ဖြစ်၍ ကျပ် (၁၅၀၀)စီ စျေးနှုန်းကျဆင်းသွားကြောင်း၊ ကုလားပဲ (929)နှင့် ကုလားပဲ (HL)တစ်ပတ်အတွင်း အိတ်ပေါင်း(၆၀၀၀)ခန့် အရောင်းအဝယ်ဖြစ်ခဲ့ကြောင်း၊ ရန်ကုန်မြို့မှ အများဆုံး ဝယ်ယူလျက်ရှိကြောင်း သိရှိရပါသည်။
(၁၀.၅.၂၀၂၄)ရက်နေ့တွင် မကွေးကုန်စည်ဒိုင်၌ အရောင်းအဝယ်ဖြစ်ပေါ်နေသော သီးနှံစျေးနှုန်းများမှာ နှမ်းနက်စမုံ (၁၅)ပိဿာ (၁)တင်းလျှင် ကျပ် (၁၃၂၀၀၀)၊ နှမ်းဖြူ (၁၅)ပိဿာ (၁)တင်း လျှင် ကျပ် (၁၃၂၀၀၀)၊ နှမ်းနီ (မကွေး) (၁၅)ပိဿာ (၁)တင်း လျှင် ကျပ် (၁၁၇၀၀၀)၊ နှမ်းနီ (နယ်စ) (၁၅)ပိဿာ (၁)တင်း လျှင် ကျပ် (၁၁၂၀၀၀)၊ ပဲလွန်းဝါ (၁၉)ပိဿာ (၁)တင်းလျှင် ကျပ် (၅၅၀၀၀)၊ ကုလားပဲ (929) (၁၉)ပိဿာ (၁)တင်းလျှင် ကျပ် (၇၈၅၀၀)၊ ကုလားပဲ (HL) (၁၉)ပိဿာ (၁)တင်းလျှင် ကျပ် (၇၇၅၀၀)၊ ပဲကြီးဖြူ (လတ်) (၁၉)ပိဿာ (၁)တင်းလျှင် ကျပ် (၇၅၀၀၀)၊ ပဲကြီးဖြူ(သေး) (၁၉)ပိဿာ (၁)တင်းလျှင် ကျပ် (၆၇၀၀၀)၊ ပဲကြီးဖြူ (ပြားကြီး) (၁၉)ပိဿာ (၁)တင်းလျှင် ကျပ် (၈၅၀၀၀)၊ ပဲကြီးမဲ (ချင်း) (၁၉)ပိဿာ (၁)တင်းလျှင် ကျပ် (၇၇၀၀၀)၊ ပဲထောပတ်(၁၉)ပိဿာ (၁)တင်းလျှင် ကျပ်(၁၁၁၀၀၀)၊ ပဲစဉ်းငုံနီ (၂၀)ပိဿာ (၁)တင်းလျှင် ကျပ် (၁၂၉၀၀၀)၊ မတ်ပဲ (၂၀)ပိဿာ (၁)တင်းလျှင် ကျပ်(၁၀၀၀၀၀)၊ လုံးဆံနီ (၁)ပိဿာလျှင် ကျပ် (၆၂၀၀- ၆၃၀၀)၊ လုံးဆံဖြူ (၁)ပိဿာလျှင် ကျပ် (၆၈၀၀-၇၀၀၀)၊ မြေပဲဆံ (အောက်ကျ) (၁)ပိဿာလျှင် ကျပ်(၄၈၀၀-၅၀၀၀)တို့ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(မကွေး)
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့၊ ၂၀၂၄ခုနှစ်၊ မေလ ဒုတိယပတ်တွင် အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ ဈေးနှုန်းများမှာ Decolgen (၁၀)လုံးပါ (၁)ကတ်လျှင် (၁၉၀၀)ကျပ်၊ Paracetamol (၁၀)လုံးပါ (၁)ကတ်လျှင် (၄၀၀)ကျပ်၊ Civit အလုံး (၁၀၀)ပါ(၁)ဘူးလျှင် (၃၂၀၀)ကျပ်၊ Burmeton အလုံး(၁၀၀)ပါ(၁)ဘူးလျှင် (၂၅၀၀)ကျပ်၊ Biogesic (၁၀)လုံးပါ (၁)ကတ်လျှင် (၁၃၀၀)ကျပ်၊ Cetirizine (၁၀)လုံးပါ (၁)ကတ်လျှင် (၃၀၀)ကျပ်၊ ဓာတ်ဆား MPF (၁)ထုပ်လျှင် (၅၀၀)ကျပ်၊ သီးစုံဓာတ်ဆား Royal-D (၁)ထုပ်လျှင် (၄၀၀)ကျပ်၊ Oramin –G (၅)လုံးပါ (၁)ကတ်လျှင် (၃၈၀၀)ကျပ်၊ Solmux (၄)လုံးပါ (၁)ကတ်လျှင် (၂၀၀၀)ကျပ်၊ Baby Cough (၁)ဘူးလျှင် (၃၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။
အိမ်သုံးဆေးဝါးဈေးနှုန်းများအား မေလ ပထမပတ်ဈေးနှုန်းတို့နှင့်နှိုင်းယှဉ်ပါက Biogesic (၁၀)လုံးပါ (၁)ကတ်လျှင် (၅၀)ကျပ်၊ ဓာတ်ဆား MPF (၁)ထုပ်လျှင် (၁၅၀)ကျပ်၊ သီးစုံဓာတ်ဆား Royal-D (၁)ထုပ်လျှင် (၅၀)ကျပ်၊ Solmux (၄)လုံးပါ (၁)ကတ်လျှင် (၅၀၀)ကျပ်၊ Baby Cough (၁)ဘူးလျှင် (၅၀၀)ကျပ်ဈေးနှုန်းမြင့်တက်ကာ Cetirizine (၁၀)လုံးပါ (၁)ကတ်လျှင် (၁၀၀)ကျပ်၊ Oramin –G (၅)လုံးပါ (၁)ကတ်လျှင် (၂၀၀)ကျပ်ဈေးနှုန်းကျဆင်းပြီး ကျန်အိမ်သုံးဆေးဝါးဈေးနှုန်းများမှာ တည်ငြိမ်လျက်ရှိပြီး ပုံမှန်အတိုင်း ရောင်းချလျက်ရှိကြောင်း ဆေးနှင့်ဆေးပစ္စည်းအရောင်းဆိုင်များမှ သတင်းရရှိပါသည်။
DOCA(စစ်ကိုင်း)
ပေါင်မြို့နယ်၏ ဒေထွက်ကုန် သီးနှံတစ်မျိုးဖြစ်သော ဒူးရင်းသီးဈေးများ ပေါ်စဦး၌ ကိုင်းဆက်သီး ကီလိုချိန်(အခွံပါ) တစ်ကီလိုလျှင် ကျပ် ၁၀၀၀၀ ဖြစ်ရောင်းချနေကြရာ တစ်လုံးကို ကျပ် ၃၀၀၀၀ မှ ၆၀၀၀၀ ကျပ်ထိ ဈေးရရှိနေကြောင်း သိရသည်။
ယခုအခါ ဒူးရင်းသီး ထွက်ရှိမှုများပြားလာ၍ အလုံးအတိုင်း ရောင်းဝယ်နေကြသည်။ ဒေသသီး တစ်လုံးကိုအရွယ်အစားအလိုက် တစ်လုံး ကျပ် ၅၀၀၀ မှ ကျပ် ၇၀၀၀ အတွင်း အရောင်းအဝယ်ဖြစ်နေကြောင်း သိရသည်။
DOCA(မွန်)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်” ဆိုသည့် ဌာန၏မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မဈေးတွင် ငါးမျိုးစုံရောင်းချလျက်ရှိပြီး မေလ ဒုတိယပတ်အတွင်းဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကြီးအ ကောင်လိုက်တစ်ပိဿာလျှင် (၁၄၀၀၀)ကျပ်၊ တီလားဗီးယားအကောင်သေးတစ်ပိဿာလျှင် (၆၀၀၀)ကျပ်၊ တီလားဗီးယားအကောင်ကြီးတစ်ပိဿာလျှင် (၈၀၀၀)ကျပ်၊ ငါးကြင်းတစ်ပိဿာလျှင် (၉၅၀၀)ကျပ်၊ ငါးဖယ်တစ်ပိဿာလျှင် (၁၂၀၀၀)ကျပ်၊ ငါးမုတ်တစ်ပိဿာလျှင် (၇၀၀၀) ကျပ်၊ ငါးမြင်းတစ်ပိဿာလျှင် (၇၀၀၀)ကျပ်၊ ငါးဘတ်တစ်ပိဿာလျှင် (၂၀၀၀၀)ကျပ်၊ ငါးဂျောင်းတစ်ပိဿာလျှင် (၁၂၀၀၀)ကျပ်၊ ငါးအုံတုံတစ်ပိဿာလျှင် (၁၁၀၀၀)ကျပ်၊ ငါးအုံတုံခုတ်သားတစ်ပိဿာလျှင် (၁၈၀၀၀)ကျပ်၊ ငါးမြင်းခုတ်သားတစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သားတစ်ပိဿာလျှင် (၁၄၀၀၀)ကျပ်၊ ငါးဖယ်ခြစ်တစ်ပိဿာလျှင် (၂၀၀၀၀)ကျပ်၊ ပုစွန်ထုပ်တစ်ပိဿာလျှင် (၄၅၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။
ငါးဈေးနှုန်းများအား မေလ ပထမပတ်နှင့်နှိုင်းယှဉ်ပါက ငါးရံ့အကြီးအကောင်လိုက်တစ်ပိဿာလျှင် (၂၀၀၀)ကျပ်၊ ငါးမုတ်တစ်ပိဿာလျှင် (၅၀၀)ကျပ်၊ ငါးမြင်းတစ်ပိဿာလျှင် (၅၀၀) ကျပ်ဈေးနှုန်းမြင့်တက်ကာ ငါးကြင်းခုတ်သားတစ်ပိဿာလျှင် (၂၀၀၀)ကျပ်ဈေးနှုန်းကျဆင်းပြီး ကျန်ငါးဈေးနှုန်းများမှာ ပုံမှန်အတိုင်းအရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေးအတွင်း ရောင်းချလျက်ရှိသော ငါးဒိုင်များမှ သတင်းရရှိပါသည်။
DOCA(စစ်ကိုင်း)
ကန့်ဘလူမြို့တွင်ရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီးဝင်ရောက်လျက်ရှိသည်။
၂၀၂၄ခုနှစ်၊ မေလ ဒုတိယပတ်တွင် ဖြစ်ပေါ်လျက်ရှိသော သစ်သီးဝလံဈေးနှုန်းများမှာ စပျစ်သီး(အလုံးကြီး) (၁)ပိဿာလျှင် (၁၃၀၀၀)ကျပ်၊ စပျစ်သီး(အလုံးသေး) (၁)ပိဿာလျှင် (၁၂၀၀၀)ကျပ်၊ ဖီးကြမ်းငှက်ပျောသီး (၁)ဖီးလျှင် (၁၅၀၀)ကျပ်၊ မြစ်ကြီးနားမှထွက်ရှိသော ခွန်စိမ်း (ရိုးရိုး) (၁)ဖီးလျှင် (၂၀၀၀)ကျပ်၊ ပန်းသီး (အိတ်စွပ်) (၁)လုံးလျှင် (၂၀၀၀)ကျပ်၊ ပန်းသီး(ရိုးရိုး) (၁)လုံးလျှင် (၁၀၀၀)ကျပ်၊ ကျောက်စိမ်းဖရဲသီးလျှင် (၁)လုံးလျှင် (၃၀၀၀)ကျပ်၊ ပန်းသစ်တော်သီး (၁)လုံးလျှင် (၂၅၀၀)ကျပ်၊ မက်မန်းသီး (၁) ပိဿာလျှင် (၅၀၀၀)ကျပ်၊ သခွားမွှေး(၁)လုံးလျှင် (၂၅၀၀)ကျပ်၊ ဆန်းကစ်လိမ္မော်သီး(၁)ပိဿာလျှင် (၁၂၀၀၀)ကျပ်၊ စိန်တလုံးသရက်သီး(၁)လုံးလျှင် (၅၀၀)ကျပ်ဖြင့်ရောင်းချရသောကြောင့် ယခင်အပတ်နှင့်နှိုင်းယှဉ်ပါက ယခင်အပတ်ထက် စပျစ်သီး(အလုံးကြီး) (၁)ပိဿာလျှင် (၁၀၀၀)ကျပ်၊ သခွားမွှေး(၁)လုံးလျှင် (၅၀၀)ကျပ်ဈေးနှုန်းမြင့်တက်ကာ ကျောက်စိမ်းဖရဲသီး (၁)လုံးလျှင် (၅၀၀)ကျပ်၊ ဆန်းကစ်လိမ္မော်သီး(၁)ပိဿာလျှင် (၂၀၀၀)ကျပ်ဈေးနှုန်းကျဆင်းပြီး ကျန်သစ်သီးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင် ရောင်းချလျက်ရှိသော သစ်သီးဆိုင်များမှ သတင်းရရှိပါသည်။
DOCA(စစ်ကိုင်း)
မြန်မာနိုင်ငံစက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။
စစ်ကိုင်းတိုင်းဒသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင်(၃)ဆိုင်ပုံမှန်ဖွင့်လှစ်ရောင်းချလျက်ရှိပြီး ၂၀၂၄ခုနှစ်၊ မေလ ပထမပတ်အတွင်း စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၃၁၇၅) ကျပ်၊ ဓာတ်ဆီ(95)တစ်လီတာလျှင် (၃၃၀၀)ကျပ်၊ ဒီဇယ်(ရိုးရိုး) တစ်လီတာလျှင် (၂၆၈၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၇၄၅)ကျပ်ဖြင့် ရောင်းချလျက်ရှိကြောင်းသိရှိရပါသည်။
၂၀၂၄ခုနှစ်၊ ယခုမေလ ဒုတိယပတ်အတွင်း စက်သုံးဆီဈေးနှုန်းများမှာ ဓာတ်ဆီ (92) တစ်လီတာလျှင် (၃၁၇၅) ကျပ်၊ ဓာတ်ဆီ(95)တစ်လီတာလျှင် (၃၃၀၀)ကျပ်၊ ဒီဇယ်(ရိုးရိုး) တစ်လီတာလျှင် (၂၆၈၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၇၄၅)ကျပ်ဖြင့် ရောင်းချသောကြောင့် ယခင်မေလ ပထမအပတ် စက်သုံးဆီဈေးနှုန်းများနှင့်နှိုင်းယှဉ်ပါက စက်သုံးဆီ(၄)မျိုးလုံးမှာ ယခင်အပတ်အတိုင်း ဈေးနှုန်းများတည်ငြိမ်လျက်ရှိကြောင်းသိရှိပါသည်။
၂၀၂၄ခုနှစ်၊ ယခင်ဧပြီလ ဒုတိယပတ်နှင့် မေလ ဒုတိယပတ်ဈေးနှုန်းတို့ကို နှိုင်းယှဉ်ကြည့်မည်ဆိုပါက ဓာတ်ဆီ(92)တစ်လီတာလျှင် (၄၅)ကျပ်၊ ဓာတ်ဆီ(95)တစ်လီတာလျှင် (၅၀)ကျပ်နှင့် ဒီဇယ် (ပရီမီယမ်) တစ်လီတာလျှင် (၁၀)ကျပ်မြင့်တက်လျက်ရှိပြီး စက်သုံးဆီဒီဇယ် (ရိုးရိုး)မှာမူ ဧပြီလ ပထမပတ် အတိုင်း ဈေးနှုန်းတည်ငြိမ်လျက်ရှိကြောင်း ကျွန်းလှမြို့စက်သုံးဆီဆိုင်များမှ သတင်းရရှိပါသည်။
DOCA(စစ်ကိုင်း)
ကန့်ဘလူ၊ ကျွန်းလှတို့တွင် ၂၀၂၄ခုနှစ်၊ မေလ ပထမပတ်အတွင်း အရောင်းအဝယ်ဖြစ်နေသော အခြေခံစားသောက်ကုန်ဈေးနှုန်းများဖြစ်သော ရွှေဘိုပေါ်ဆန်း (အသစ်)တစ်ပြည်လျှင် ကျပ်၅၅၀၀၊ ဧရာမင်း (အသစ်)တစ်ပြည်လျှင် ကျပ်၅၀၀၀ဖြင့် အရောင်းအဝယ်ဖြစ်လျက်ရှိသည်။ ကြက်သွန်နီလက်လီဈေးမှာ အကြီး/အသေးနှင့် အမျိုးအစားပေါ်မူတည်၍ တစ်ပိဿာလျှင် ကျပ်(၂၈၀၀/၂၅၀၀)၊ ကြက်သွန်ဖြူလက်လီဈေးမှာ (ဗမာ)အကြီးတစ်ပိဿာလျှင် ကျပ်၁၂၀၀၀၊ အလုံးအသေးတစ်ပိဿာလျှင် ကျပ်၁၀၀၀၀၊ ကြက်သွန်ဖြူ (ကြူကုတ်) တစ်ပိဿာလျှင် ကျပ်၁၂၀၀၀၊ ချင်းတစ်ပိဿာလျှင် ကျပ်၁၀၀၀၀၊ အာလူးအသေး/အကြီးအမျိုးအစားအလိုက် တစ်ပိဿာလျှင် ကျပ်(၂၃၀၀/၂၅၀၀)၊ ငရုတ်သီးခြောက်တစ်ပိဿာလျှင် ကျပ်၁၂၀၀၀၊ ကုလားပဲဆံတစ်ပိဿာလျှင် ကျပ်၆၅၀၀၊ ကုလားပဲဆန်တစ်ပြည်လျှင် ကျပ်၈၅၀၀၊ စွန်တာနီပဲ လုံးကြားတစ်ပြည်လျှင် ကျပ်၅၂၀၀ဖြင့် အရောင်းအဝယ်ဖြစ်လျက်ရှိသည်။
ကန့်ဘလူ၊ ကျွန်းလှတို့၏ အသီးအရွက်ဈေးနှုန်းများမှာ ခရမ်းချဉ်သီး(ထိုင်ဝမ်) တစ်ပိဿာလျှင် ကျပ်(၁၈၀၀/၂၀၀၀)၊ ခရမ်းသီးတစ်ပိဿာလျှင် ကျပ်၁၅၀၀၊ ငရုတ်သီးစိမ်းတစ်ပိဿာလျှင် ကျပ်၃၀၀၀၊ ပန်းဂေါ်ဖီ အသေး/ အကြီးပေါ်မူတည်၍ တစ်ပွင့်လျှင် ကျပ်(၂၀၀၀/၂၅၀၀)၊ ဂေါ်ဖီထုပ် အသေး/ အကြီးပေါ်မူတည်၍ တစ်ထုပ်လျှင် ကျပ် (၁၀၀၀/၁၂၀၀)၊ ခါကြက်ဥ ဗမာတစ်ပိဿာလျှင် ကျပ်(၄၀၀၀)၊ ခါကြက်ဥ တရုတ်တစ်ပိဿာလျှင် (၆၀၀၀)ကျပ်၊ ပဲသီးတောင့်ရှည်တစ်စည်းလျှင် ကျပ်၂၀၀၊ ကန်စွန်းရွက်တစ်စည်းလျှင် ကျပ်၁၀၀၊ ချဉ်ပေါင်ရွက်တစ်ပုံလျှင် ကျပ်၂၀၀၊ ဆူးပုတ်ရွက် တစ်စည်းလျှင် ကျပ်(၁၀၀)၊ မန်ကျည်းရွက်နုတစ်ပုံလျှင် ကျပ်၂၀၀၊ သံပရာသီးတစ်လုံးလျှင် ကျပ် (၂၀၀/၁၅၀) တို့ဖြင့် အရောင်းအဝယ်ဖြစ်လျက်ရှိသည်။
ကန့်ဘလူ၊ ကျွန်းလှတို့၏ အသား/ငါးဈေးနှုန်းများမှာ ကြက်သား(ဗမာ/cp) တစ်ပိဿာလျှင် ကျပ် (၁၈၀၀၀/ ၂၀၀၀၀) ၊ ဝက်သားတစ်ပိဿာလျှင် ကျပ်၁၈၀၀၀၊ အမဲသားတစ်ပိဿာလျှင် ကျပ်၁၆၀၀၀၊ ငါးကြင်းအကောင်လိုက်တစ်ပိဿာလျှင် ကျပ်၉၅၀၀၊ ငါးကြင်းခုတ်သားတစ်ပိဿာ လျှင်ကျပ်၁၄၀၀၀၊ တီလားဗီးယားငါး အကောင်သေးတစ်ပိဿာလျှင် ကျပ်၆၀၀၀၊ အကြီးတစ်ပိဿာလျှင် ကျပ်၈၀၀၀၊ ကြက်ဥတစ်လုံးလျှင် ကျပ် (၂၅၀/၃၀၀)၊ ဘဲဥတစ်လုံးလျှင် ကျပ်၄၀၀တို့ဖြင့် အရောင်းအဝယ်ဖြစ်လျက်ရှိသည်။
ကန့်ဘလူ၊ ကျွန်းလှတို့၏ စားသုံးဆီဈေးနှုန်းများမှာ မြေပဲဆီသန့်တစ်ပိဿာလျှင် ကျပ်၁၅၀၀၀၊ စားအုန်းဆီတစ်ပိဿာလျှင် ကျပ်၆၀၀၀ဖြင့် အရောင်းအဝယ်ဖြစ်နေကြောင်းသိရှိရသည်။
၂၀၂၄ခုနှစ်၊ မေလ ဒုတိယပတ်အတွင်း အခြေခံစားကုန်ဈေးနှုန်းများအား ယခင် ၂၀၂၄ခုနှစ်၊ မေလ ပထမအပတ်ဈေးနှုန်းများနှင့် နှိုင်းယှဉ်ကြည့်ပါက အခြားအခြေခံစားကုန်ဈေးနှုန်းများဖြစ်သည့် ဆန်၊ဆီ၊ ဆားဈေးနှုန်းများမှာ တည်ငြိမ်လျက်ရှိပြီး၊ ကြက်သွန်ဖြူဈေးနှုန်း၊ ငါးဈေးနှုန်းများမှာ အနည်းငယ် လျော့ကျလျက်ရှိပါသည်။ အသီးအရွက်ဈေးနှုန်းများဖြစ်သည့် ခါကြက်ဥ၊ ပန်းဂေါ်ဖီ၊ ငရုတ်သီးစိမ်း၊ ခရမ်းချည်သီးဈေးနှုန်းများမှာ အနည်းငယ်မြင့်တက်လျက်ရှိကြောင်း ကန့်ဘလူမြို့၊ မြို့မစည်ပင်သာယာဈေးအတွင်း ဈေးရောင်းချသူများထံမှသိရှိရပါသည်။
DOCA(စစ်ကိုင်း)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/ တန်စာရင်းတို့ကိုလည်း အပတ်စဉ်၊ လစဉ်တင်ပြလျက်ရာ မေလ၊ ဒုတိယအပတ်အတွင်း အရောင်းအဝယ်ဖြစ်သည့် သီးနှံနှင့်ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းခဲ့ပါသည်။
ပဲတီစိမ်းမှာ မေလ၊ ပထမအပတ်မှစတင်၍ ရွှေဘိုဈေးကွက်တွင် အရောင်းအဝယ်ဖြစ်ခဲ့ကြောင်း၊ မေလ၊ ဒုတိယအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် (၆၁၀၀ဝိ/-)ကျပ်ပေါက်ဈေးရှိပြီး အရောင်းအဝယ်ဖြစ်မှုမှာ (၅၀၀)တင်း/ (၁၆)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲတီစိမ်းတစ်တင်းလျှင် (၅၃၅၀ဝိ/-)ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲတီစိမ်းတစ်တင်းလျှင် (၇၅၀ဝိ/-)ကျပ်ဈေးပိုခဲ့ကြောင်း၊ ယခင်နှစ်ကာလတူနှင့် အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်နှစ်ကာလတူ၌ ပဲတီစိမ်းတစ်တင်းလျှင် (၆၄၃၀ဝိ/-)ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူအောက် ပဲတီစိမ်းတစ်တင်းလျှင် (၃၃၀ဝိ/-)ကျပ်ဈေးလျော့နည်းခဲ့ကြောင်း၊ အခြားသီးနှံများ၏ အရောင်းအဝယ်ဖြစ်မှုမှာ ယခင်နှစ်ကာလတူ၏ အရောင်းအဝယ်ဖြစ်သည့် ဈေးနှုန်းထက်ပိုမိုသော်လည်း ပဲတီစိမ်းမှာ ယခင်နှစ်ကာလတူအောက် ဈေးလျော့နည်းလျက်ရှိကြောင်း သတင်းရရှိပါသည်။
DOCA(စစ်ကိုင်း)
