ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏အစီအမံဖြင့် စားအုန်းဆီများကို ခရိုင်ဆီလုပ်ငန်းရှင်များအသင်းက ဖြန့်ဖြူးရောင်းချပေးလျက်ရှိရာ ၂၀၂၄ခုနှစ်၊ မေလ ၁၁ရက်နေ့တွင် အမှတ်(၃)ရပ်ကွက်ရှိ ကန့်ဘလူခရိုင်စုပေါင်းရုံးတွင် ဌာနဆိုင်ရာဝန်ထမ်းများကို တစ်ဦးလျှင် (၁)ပိဿာနှုန်း၊ စားအုန်းဆီ (၁)ပိဿာလျှင် ၆၀၀၀ကျပ်ဖြင့် ရောင်းချပေးခဲ့ပြီး ဝန်ထမ်း (၁၀၉၈)ဦးအတွက် စားအုန်းဆီ ၁၀၉၈ပိဿာရောင်းချပေးခဲ့ကြောင်း ကန့်ဘလူခရိုင်ဆီလုပ်ငန်းရှင်များအသင်းထံမှသိရှိရပါသည်။

       အဆိုပါစားအုန်းဆီရောင်းချပေးရာတွင် စားသုံးသူပြည်သူများ ကျန်းမာရေးနှင့်ညီညွတ်သော စားသုံးဆီများကိုသုံးစွဲနိုင်ရေး၊ ဈေးနှုန်းတည်ငြိမ်စွာဝယ်ယူစားသုံးနိုင်စေရေးတို့အတွက် စားသုံးသူရေးရာဦးစီးဌာနမှ တာဝန်ရှိသူများက ကြီးကြပ်ထိန်းကျောင်းဆောင်ရွက်လျက်ရှိကြောင်းသိရှိရပါသည်။

DOCA(စစ်ကိုင်း)

      စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ဝန်ထမ်းများသည် ဌာနဆိုင်ရာဝန်ထမ်းများနှင့်ပူး‌ပေါင်း၍ ၂၀၂၄ခုနှစ်၊ မေလ (၁၁)ရက်နေ့၊ နံနက် (၀၇:၀၀)နာရီအချိန်တွင် ရွှေဘိုမြို့၊ အမှတ်(၅)၊ အခြေခံပညာအထက်တန်းကျောင်း၌ စုပေါင်းသန့်ရှင်းရေး ဆောင်ရွက်ပြီးနောက် စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုအရ ခရိုင်စီမံအုပ်ချုပ်ရေးရာအဖွဲ့၏ ကြီးကြပ်မှုဖြင့် ဌာနဆိုင်ရာဝန်ထမ်းများနှင့် ဒေသခံပြည်သူများအား စားဝတ်နေရေးအထောက်အပံ့ဖြစ်စေရန်အတွက် စားအုန်းဆီများအား ဈေးနှုန်းချိုသာစွာရောင်းချပေးခဲ့ပါသည်။

       အဆိုပါ စုပေါင်းသန့်ရှင်းရေးဆောင်ရွက်ရာသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ခရိုင်အဆင့် ဌာနဆိုင်ရာများ၊ လူမှုရေးအသင်းအဖွဲ့များအားလုံးက ဝိုင်းဝန်း၍ စုပေါင်းသန့်ရှင်း ရေးဆောင်ရွက်ပြီးနောက် တန်ဖိုးသင့်စားသောက်ကုန်ဖြစ်သည့် စားအုန်းဆီအား ဆီ (၅၀)ကျပ်သားတစ်ဘူးလျှင် (၃၀၀ဝိ/) ကျပ်ဖြင့် ဝန်ထမ်းများနှင့် ဒေသခံပြည်သူများက စနစ်တကျတန်းစီ၍ ဝယ်ယူခဲ့ကြကြောင်း သတင်းရရှိပါသည်။

DOCA(စစ်ကိုင်း)

     ဧရာဝတီတိုင်းဒေသကြီး ဆန်စပါးဈေးကွက် မေလဒုတိယပတ် မြို့နယ်အချို့ ဈေးနှုန်းပြောင်းလဲမှုရှိကြောင်း ပုသိမ်ခရိုင်အတွင်း‌ ပေါ်ဆန်းစပါး ၄၆ ပေါင် ၁တင်းလျှင် ကျပ် ၃၀၀၀၀ ဝန်းကျင် ပေါ်ဆန်းဆန်တစ်အိတ်၁၃၅၀၀၀ ကျပ် ဈေး နှင့် မိုးဧည့်မထစပါး ၄၆ပေါင်  ၁ တင်းကျပ် ၂၀၀၀၀ ဝန်းကျင် ဆန်တစ်အိတ် ၈၅၀၀၀ ကျပ် ဈေးနှင့် ဧပြီလကုန်ဈေးအတိုင်း ပြောင်းလဲမှုမရှိပဲ ဟင်္သာတခရိုင်အတွင်း ယခင်လကုန် မိုးဧည့်မထစပါး ၄၆ ပေါင် ၁ တင်း ကျပ် ၁၈၀၀၀ ဝန်းကျင်မှ ယခုဈေး ၁၉၀၀၀ ဝန်းကျင် ဖြစ်သွား၍ စပါး ၁ တင်း ကျပ် ၁၀၀၀ ခန့် ဈေးနှုန်းမြင့်တက်လျက်ရှိပြီး ဆန်တစ်အိတ် ယခင် ၈၂၀၀၀ ကျပ်ဈေးမှ ယခု ၈၃၀၀၀ ကျပ် ဖြစ်သွားသည့်အတွက် ဆန် ၁ အိတ် ကျပ် ၁၀၀၀ ခန့်ဈေးနှုူန်းမြင့်တက်လျက်ရှိကြောင်း ဆန်စပါးဈေးကွက်မှ သိရသည်၊၊

    မြောင်းမြခရိုင်နှင့်ဖျာပုံခရိုင်တို့တွင် ဈေးနှုန်းပြောင်းလဲမှုမရှိပဲ မြောင်းမြခရိုင်တွင် ပေါ်ဆန်းစပါး ၄၆ ပေါင် ၁တင်း ၂၇၀၀၀/၃၀၀၀၀ ဈေးအတွင်းနှင့် ဆန်တစ်အိတ်ကျပ် ၁၂၀၀၀၀/၁၄၀၀၀၀ ဈေးဝန်းကျင်နှင့် ဧည့်မထမိုးစပါး ၄၆ ပေါင် ၁တင်းကျပ် ၂၀၀၀၀ ဝန်းကျင် ဆန်တစ်အိတ်၇၂၀၀၀/၈၅၀၀၀ ကျပ်ဈေးနှင့် ရောင်းဝယ်လျက်ရှိပြီး ဖျာပုံခရိုင်တွင် ပေါ်ဆန်းစပါး ၄၆ ပေါင် ၁ တင်း ၂၈၀၀၀ /၂၉၀၀၀ ကျပ်နှင့် ဆန်တစ်အိတ် ၁၂၅၀၀၀ ကျပ်ဈေးနှင့် မိုးဧည့်မထစပါး ၄၆ ပေါင် ၁တင်း ၂၀၀၀၀ ကျပ် ဝန်းကျင် ဆန်တစ်အိတ် ၈၇၀၀၀ ကျပ်ဈေးဖြင့် ဧပြီလကုန်ဈေးနှင့် မေလဒုတိယပတ် ဈေးနှုန်းပြောင်းလဲမှုမရှိပဲ ဟင်္သာတခရိုင်အတွင်းသာ ဈေးနှုန်းအနည်းငယ်ပြောင်းလဲမှုရှိကြောင်း ဆန်စပါးဈေးကွက်သတင်းများမှ သိရသည်၊၊

DOCA(ဧရာဝတီ)

      စစ်ကိုင်းတိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် တန်ဖိုးသင့်အခြေခံစားသောက်ကုန်များကို စိုက်ပျိုး၊ မွေးမြူထုတ်လုပ်သူများက ဆန်၊ ဆီနှင့် ကြက်ဥ၊ ဒေသထွက်ဟင်းသီးဟင်းရွက်သီးနှံများကို ၂၀၂၄ခုနှစ်၊ မေလ၊ ဒုတိယအပတ် ၁၁ရက်နေ့တွင် မုံရွာမြို့၊ ပြည်ထောင်စုဈေး တို့၌   နံနက် (၀၇:၀၀) နာရီအချိန်၌ သက်သာသောဈေးနှုန်းဖြင့် အပတ်စဉ် ရောင်းချပေးလျက်ရှိပါသည်။

       ထိုသို့ရောင်းချခဲ့ရာတွင် တိုင်းဒေသကြီးအစိုးရအဖွဲ၊ ဝန်ကြီးချုပ် ဦးမြတ်ကျော်၏ ကြီးကြပ်မှုဖြင့် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မွေးမြူရေးနှင့်ကုသရေးဦးစီးဌာန၊ စည်ပင်သာယာရေးအဖွဲ့၊ စိုက်ပျိုး‌ရေးဦးစီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာနတို့သည် အခြေခံစားသောက်ကုန်များ ကုန်ဈေးနှုန်းကြီးမြင့်မှုမရှိစေရေးအတွက် ကိုယ်တိုင်စိုက်ပျိုး/ မွေးမြူ/ ထုတ်လုပ်သူများနှင့်ပူးပေါင်းကာ စားအုန်းဆီတစ်ပိဿာလျှင် ၆၃၀၀ကျပ်၊ ဝယ်ယူသည့်ပြည်သူများအဆင်ပြေစေရန် ကောင်တာ (၅) ခုခွဲ၍ ဆီ (၃၃၀) ပိဿာနှင့် မုံရွာမြို့၊ အလုံ (အ.ထ.က) ကျောင်းတွင် တိုင်း/ ခရိုင်/ မြို့နယ်အဆင့် ဌာနဆိုင်ရာဝန်တမ်းအများ စုပေါင်းသန့်ရှင်းရေးတွင် ဆီ (၃၃၀) ပိဿာ၊ ဆန်တစ်ပြည်လျှင် ၃၀၀၀ကျပ်၊ ဆန်(၂၄)ပြည်ဝင်အိတ် (၂၀) အိတ်၊  ကြက်ဥ (၅) လုံးပါတစ်ထုပ်လျှင် ၁၀၀၀ကျပ်၊ ကြက်ဥအလုံး (၂၇၀၀)၊ ငုံးဥ ( ၁၆ ) လုံးပါတစ်ထုပ်လျှင် ၁၀၀၀ကျပ်၊ အလုံး (၃၀၀၀)နှင့် ကြာဆံများ၊ ခေါက်ဆွဲခြောက်များ၊ ကုလားပဲမှုန့်များ၊ ကိတ်စို/ ကိတ်ခြောက်များနှင့် ဒေသထွက် ဟင်းသီးဟင်းရွက်သီးနှံများကို ပြင်ပပေါက်ဈေးထက် သက်သာသောဈေးနှုန်းများဖြင့် ရောင်းချပေးခဲ့ကြောင်းသိရှိရပါသည်။

DOCA(စစ်ကိုင်း)

       မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့တွင် ဆန်များကို ပုသိမ်မြို့၊ မြောင်းမြမြို့ နှင့် ကုန်းဇောင်းဒေသတို့မှ အဓိကဝယ်ယူရောင်းချကြကြောင်း သိရှိရပါသည်။

     ၂၀၂၄ခုနှစ်၊ မေလ(ဒုတိယပတ်)အတွင်း ရောင်းချနေသော ဆန်ဈေးနှုန်းများမှာ ဧရာပဒေသာ (သစ်) (၂၄)ပြည် (၁)အိတ်လျှင် ကျပ်(၁၄၃၀၀၀)၊ ဧရာပဒေသာ(အဟောင်း) (၂၄)ပြည် (၁)အိတ်လျှင် ကျပ်(၁၆၀၀၀၀)၊ ဧရာပဒေသာ(မြောင်းမြ) (၂၄)ပြည် (၁)အိတ်လျှင် ကျပ်(၁၂၅၀၀၀)၊ မနောသုခ (အသစ်) (၂၄)ပြည် (၁)အိတ်လျှင် ကျပ်(၈၅၀၀၀)၊ မနောသုခ (အဟောင်း) (၂၄)ပြည် (၁)အိတ်လျှင် ကျပ်(၁၁၅၀၀၀)၊ ဖန်သီး (အသစ်) (၂၄)ပြည် (၁)အိတ်လျှင် ကျပ်(၁၀၃၀၀၀)၊ ဆလတ်ကြီး(သစ်) (၂၄)ပြည် ကျပ်(၁)အိတ်လျှင် ကျပ်(၇၅၀၀၀)၊ ရက်(၉၀) (၂၄)ပြည် (၁)အိတ်လျှင် ကျပ်(၁၁၅၀၀၀)၊ ပေါ်ဆန်း (ရွှေဘို) (၂၄)ပြည် (၁)အိတ်လျှင် ကျပ်(၁၆၅၀၀၀)၊ ပေါ်ဆန်း(မြောင်းမြ) (၂၄)ပြည် (၁) အိတ်လျှင် ကျပ်(၁၅၀၀၀၀)ဖြစ်ပြီး ယခင်တစ်ပတ်နှင့်နှိုင်းယှဉ်ပါက ယခုတစ်ပတ်တွင် ဧရာပဒေသာ (အသစ်) ကျပ်(၈၀၀၀)နှင့် ဖန်သီး(သစ်) ကျပ်(၂၀၀၀)ဈေးနှုန်းမြင့်တက်ပြီး ကျန်ရှိသော ဆန်အမျိုးအစားများမှာ ဈေးနှုန်းတည်ငြိမ်လျက်ရှိပြီး ယခုအခါတွင် အများစုမှာ ဖန်သီးနှင့်ဆလတ်ကိုသာ အများဆုံးဝယ်ယူလျက်ရှိကြကြောင်း မင်းဘူးမြို့ ဆန်ရောင်းချသူတစ်ဦးထံမှ သိရှိရပါသည်။

DOCA(မကွေး)