အာဆီယံအတွင်းရေးမှူးချုပ်ရုံးအနေဖြင့် (ASEAN Online Dispute Resolution (ODR)) Network တည်ထောင်နိုင်ရေးအတွက် လေ့လာဆန်းစစ်မှု ပြုလုပ်ထားရှိမှုများနှင့်စပ်လျဉ်းသည့် အလုပ်ရုံဆွေးနွေးပွဲကို ၂၀၂၀ ပြည့်နှစ်၊ ဇူလိုင်လ ၁၆ ရက်နေ့ မြန်မာစံတော်ချိန် နံနက် (၈:၃၀) အချိန် တွင် Video Conferencing စနစ်ဖြင့် ကျင်းပပြုလုပ်ခဲ့ရာ မြန်မာနိုင်ငံကိုယ်စားလှယ်အဖြစ် စားသူံးသူ ရေးရာဦးစီးဌာနမှ ဒုတိယညွှန်ကြားရေးမှူးချုပ် ဦးမြင့်ချို၊ ညွှန်ကြားရေးမှူး ဦးဆွေတင့်ကြူးနှင့် တာဝန်ရှိသူများ တက်ရောက်ခဲ့ကြပါသည်။
အဆိုပါ အလုပ်ရုံဆွေးနွေးပွဲတွင် အာဆီယံဒေသတွင်း အွန်လိုင်းအသုံးပြု စားသုံးသူ အငြင်းပွားမှုဖြေရှင်းရေး (ODR) စနစ် တည်ထောင်နိုင်ရေးနှင့် ဖွဲ့စည်းတည်ဆောက်ပုံဆိုင်ရာ ကိစ္စရပ်များ၊ အာဆီယံအဖွဲ့ဝင်နိုင်ငံများမှ နိုင်ငံအလိုက် ODR စနစ် တည်ထောင်သွားနိုင်ရေးအတွက် လက်ရှိ ဆောင်ရွက်လျက်ရှိသော အခြေအနေများ၊ အာဆီယံဒေသတွင်း အွန်လိုင်းအသုံးပြု စားသုံးသူ အငြင်းပွားမှု ဖြေရှင်းရေးကွန်ယက်စနစ် (ASEAN Online Dispute Resolution - ODR) Network တည်ထောင်နိုင်ရေးအခြေခံမူများ၊ ASEAN Online Dispute Resolution (ODR) တည်ထောင်နိုင်ရေးနှင့်စပ်လျဉ်းသည့် ဥပဒေများ၊ စံချိန်စံညွှန်းများ ဆောင်ရွက်မည့်ကာလ၊ လုပ်ငန်းစဉ်များနှင့် ပတ်သက်၍ ဆွေးနွေးခဲ့ကြပါသည်။
အလုပ်ရုံဆွေးနွေးပွဲသို့ အာဆီယံအတွင်းရေးမှူးချုပ်ရုံးမှ တာဝန်ရှိသူများ၊ GIZ အဖွဲ့အစည်း ၏ Consumer Protect in ASEAN (PROTECT) စီမံကိန်းမှ တာဝန်ရှိသူများ၊ အာဆီယံအဖွဲ့ဝင်နိုင်ငံများမှ ကိုယ်စားလှယ်များ တက်ရောက်ခဲ့ကြပြီး အဆိုပါ အာဆီယံဒေသတွင်း အွန်လိုင်းအသုံးပြု စားသုံးသူအငြင်းပွားမှုဖြေရှင်းရေးကွန်ယက်စနစ်ကို ၂၀၂၆ ခုနှစ် မတိုင်မီ အပြီးသတ်ဆောင်ရွက်သွား မည်ဖြစ်ကြောင်း သိရှိရပါသည်။
ITQM
စားသုံးသူရေးရာဦးစီးဌာန