ပြည်တွင်းကုန်သွယ်မှုသတင်း

           ကျောက်ဖရုံသီး ကုန်ကြမ်းမှ ကုန်ချောသို့ ဆိုသည်မှာ ကျောက်ဖရုံသီးမှ ကျောက်ဖရုံယို ပြုလုပ်ခြင်းကိုဆိုလိုပါသည်။ အချို့ဒေသများတွင် ကျောက်ဖရုံသီးကို အရောင်းအဝယ် ဈေးကွက်မရှိ ပါက စွန့်ပစ်ရသည့် အခြေအနေရှိပါသည်။ ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ် ဝက်ပုတ်ရွာတွင် ကျောက်ဖရုံယိုလုပ်ငန်းရှိသည့်အတွက် ထိုကဲ့သို့စွန့်ပစ်ရသည်ဟူ၍မရှိပါ။ ကျောက်ဖရုံသီးကို မိုးတွင်းကာလတွင် စိုက်ပျိုးသူများပြားသော်လည်း ယခုလို နွေရာသီတွင် စိုက်ပျိုးသူ နည်းပါး၍ ရှားပါးလှပါသည်။

           ယခုလိုနွေရာသီတွင် ကျောက်ဖရုံသီးကို ပိဿာချိန်ဖြင့် ဝယ်ယူရပြီး တစ်ပိဿာလျှင်  (၅၅၀)ကျပ် ပေး၍ဝယ်ယူရကြောင်း ကျောက်ဖရုံယိုလုပ်ငန်းရှင်ထံမှသိရပါသည်။ ကျောက်ဖရုံယို ပြုလုပ်ရန် အတွက် ကျောက်ဖရုံသီးကို အခွံခွာ အစေ့ထုတ်ပြီး အတုံးဖြတ်စက် အသုံးပြု၍ အတုံးကလေးများရရှိအောင် ပြုလုပ်ပေးရပါသည်။ ထို့နောက်ကန်ထဲတွင် ထုံးကျက်တက်ရေဖြင့် (၁)ရက်စိမ်၊ (၁)ရက်ရေဆေးပြီး အနည်းငယ်နူးသွားအောင် ပြုတ်ပြီး ရေစစ်ကာ သကြားနယ်၍ တစ်ရက်ခန့်နှပ်ကာ နောက်ဆုံးမှ ယိုထိုးပြီးသည့်အဆင့်ကို ရောက်ရှိပါသည်။

        ကျောက်ဖရုံယိုကို အများအပြားစားသုံးရန် မသင့်သော်လည်း ရေနွေးကြမ်းဖြင့် အချို တည်းရန် သွားရေစာအဖြစ် စားသုံးကြပါသည်။ ၂၀၂၄ခုနှစ် ဧပြီလနောက်ဆုံးပတ်တွင်‌ ရောင်းချ သောဈေးနှုန်းအနေဖြင့် ကျောက်ဖရုံယိုကို (၁၇)ကျပ်သားတစ်ဗူးလျှင် ရောင်းဈေး(၁၇၀၀)ကျပ်ဖြင့် ရောင်းချနေကြောင်း သိရှိရပါသည်။

DOCA(ပဲခူး)

           နတ်တလင်းခရိုင်၊ ပေါင်းတည်မြို့နယ် ဈေးကွက်အတွင်းရှိ သစ်သီးဝလံများမှာ  ၂၀၂၄ခုနှစ် ဧပြီလနောက်ဆုံးပတ်တွင်ရောင်းချသော ဈေးနှုန်းများအရ ဒူးရင်းသီးတစ်လုံး (၇၅၀၀) ကျပ်၊ မင်းကွက်သီး (၁၀)လုံး (၅၀၀၀) ကျပ်၊  စိန်တစ်လုံးသရက်သီး (မှည့်) (၁၀)လုံး (၁၀၀၀၀) ကျပ်၊ ပန်းသီးအကြွပ်သီး (၁၀)လုံး (၁၀၀၀၀) ကျပ်၊ ပျားလိမ္မော် တစ်ပိဿာ(၈၅၀၀) ကျပ်၊ စပျစ်သီး (အဝိုင်)သီး တစ်ပိဿာ(၁၂၀၀၀) ကျပ်၊ ရွှေသခွားမွှေးသီး ၁လုံး (၃၅၀၀) ကျပ်၊ ဖရဲသီး ၁လုံး(၅၅၀၀) ကျပ်၊ စတော်ဘယ်ရီသီး တစ်ပိဿာ   (၈၅၀၀) ကျပ်ဖြင့် ရောင်းချလျက်ရှိကြောင်း သိရပါသည်။

DOCA(ပဲခူး)

              တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုပ်သီးစိမ်း (မိုးထောင် သီး) မှာ ၂၀၂၄ခုနှစ် ဇန်နဝါရီလက တစ်ပိဿာလျှင် ၃၅၀၀ ကျပ်မှ ၄၀၀၀ ကျပ်ရှိရာမှ ဧပြီလ နောက်ဆုံးပတ်တွင် တစ်ပိဿာလျှင် ၅၀၀၀ ကျပ်မှ ၆၀၀၀ ကျပ်အထိဈေးနှုန်းမြင့်တက်ပြီး ငရုပ်သီးစိမ်း (ကျောက်စိမ်း) မှာ ဇန်နဝါရီလက တစ်ပိဿာလျှင် ၄၅၀၀ ကျပ်မှ ၅၀၀၀ ကျပ်ရှိရာမှ ဧပြီလနောက်ဆုံးပတ်တွင် တစ်ပိဿာလျှင် ၂၀၀၀ ကျပ်မှ ၂၅၀၀ ကျပ်အထိ၊ ငရုပ်သီးစိမ်း (ကုလား အော်သီး)မှာ ဇန်နဝါရီလက တစ်ပိဿာလျှင် ၇၀၀၀ ကျပ်မှ ၇၅၀၀ ကျပ်ရှိရာမှ ဧပြီလ နောက်ဆုံးပတ်တွင် တစ်ပိဿာလျှင် ၆၅၀၀ ကျပ်မှ ၇၀၀၀ ကျပ်ဖြင့် ဈေးနှုန်းအနည်းငယ် ကျဆင်း ပါသည်။

              ခရမ်းသီး (အဖြူ)မှာ ဇန်နဝါရီလက တစ်ပိဿာလျှင် ၁၄၀၀ ကျပ်မှ ၁၆၀၀ ကျပ်ရှိရာမှ ဧပြီလနောက်ဆုံးပတ်တွင် တစ်ပိဿာလျှင် ၉၀၀ ကျပ်မှ ၁၀၀၀ ကျပ်အထိ၊ ခရမ်းသီး(အညို)မှာ  ဇန်နဝါရီလ က တစ်ပိဿာလျှင်  ၁၈၀၀ ကျပ်မှ ၂၀၀၀ ကျပ်ရှိရာမှ ဧပြီလနောက်ဆုံးအပတ်တွင် တစ်ပိဿာလျှင် ၁၂၀၀ ကျပ်မှ ၁၅၀၀ ကျပ်ဖြင့် ဈေးနှုန်းအနည်းငယ် ကျဆင်းပါသည်။

              ခရမ်းချဉ်သီး (ရှမ်းပြည်သီး)မှာ သင်္ကြန်ရက်ပိုင်းတွင် တစ်ပိဿာလျှင် ၁၃၀၀ ကျပ်မှ ၁၅၀၀ ဖြင့် ဈေးနှုန်းတည်ငြိမ်နေပြီး ခရမ်းချဉ်သီး (ဒေသသီး)မှာ ဇန်နဝါရီလက တစ်ပိဿာလျှင် ၂၅၀၀ ကျပ်မှ ၃၀၀၀ ကျပ်ရှိရာမှ ယခုဧပြီလနောက်ဆုံးပတ်တွင် တစ်ပိဿာလျှင် ၁၅၀၀ ကျပ်မှ ၂၀၀၀ ကျပ်အထိဖြင့် ဈေးနှုန်းအနည်းငယ် ကျဆင်းပါသည်။

              ဂေါ်ဖီမှာ တစ်ပိဿာလျှင် ၈၀၀ ကျပ်မှ ၁၀၀၀ ကျပ်အထိဖြင့် ဈေးနှုန်းတည်ငြိမ်နေပြီး မုံညင်းဖြူမှာ ဇန်နဝါရီလက တစ်ပိဿာလျှင် ၂၂၀၀ ကျပ်မှ ၂၅၀၀ ကျပ်ရှိရာမှ ဧပြီလနောက်ဆုံးပတ်တွင် တစ်ပိဿာလျှင် ၁၈၀၀ ကျပ်မှ ၂၀၀၀ ကျပ်အထိ၊ မုံလာဥနီမှာ ဇန်နဝါရီလက တစ်ပိဿာလျှင် ၂၅၀၀ ကျပ်မှ ၄၀၀၀ ကျပ်အထိရှိရာမှ ဧပြီလနောက်ဆုံးပတ်တွင် တစ်ပိဿာလျှင် ၂၀၀၀ ကျပ်မှ ၃၀၀၀ ကျပ်အထိ၊ မုံလာဥဖြူမှာ ဇန်နဝါရီလက တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်ရှိရာမှ ဧပြီလနောက်ဆုံးပတ်တွင် တစ်ပိဿာလျှင် ၁၈၀၀ ကျပ်မှ ၂၀၀၀ ကျပ်အထိဖြင့် ဈေးနှုန်းကျဆင်းကြောင်း တောင်ငူမြို့ ညောင်ပင်လေးဈေးရှိ ဟင်းသီးဟင်းရွက် အရောင်းဆိုင်များမှ သိရပါသည်။

DOCA(ပဲခူး)

        ပဲပင်ပေါက်ဆိုသည်နှင့် ဈေးသက်သာပြီး အလွယ်တကူဝယ်ယူရရှိနိုင် သည့်အပြင် ကျန်းမာရေးအတွက်လည်း အထောက်အကူဖြစ်စေသော အစားအစာတစ်ခုဖြစ်သည်။ ပဲပင်ပေါက်ကို စီးပွားဖြစ် ဖောက်ကြသလို တစ်ပိုင်တစ်နိုင် အိမ်တွင်းတွင် ကိုယ်တိုင်ဖောက်၍ ရောင်းချသူများ လည်း ရှိကြသည်။  ပဲပင်ပေါက်ကို ကြော်စားလို့ရသလို အသုပ်တွေထဲထည့် သုပ်ခြင်း၊ ဟင်းချိုချက်ခြင်း၊ အချဉ်စိမ်ပြီး ဖြစ်စေ စားလေ့ရှိကြသည်။ ပဲပင်ပေါက်သည် အာဟာရဓာတ် ကြွယ်ဝသလို ခန္ဓာကိုယ်အတွက် လိုအပ်တဲ့ ဗီတာမင်နှင့် သတ္တုဓာတ်တွေ ကြွယ်ဝစွာ ပါဝင်သောကြောင့်  ကျန်းမာရေးအတွက် လည်း အထောက်အကူဖြစ်စေနိုင်ပါသည်။ ပဲပင်ပေါက် ဖောက်ရာတွင် ပဲတီစိမ်း၊ မတ်ပဲတို့ကို အများဆုံးသုံးကြကြောင်း သိရှိရသည်။ ပဲပင်ပေါက် ဖောက်ရာတွင် ပဲ၊ ဇကာ သို့မဟုတ် ခြင်းတောင်းနှင့် သဲ သို့မဟုတ် ပြာတို့သာ လိုအပ်သောကြောင့် ကုန်ကျစရိတ် နည်းပါး၍ အမြတ်အစွန်းများသော အစားအစာ တစ်ခုဖြစ်ပေသည်။ ၂၀၂၄ခုနှစ် ဧပြီလနောက်ဆုံးပတ်ဈေးနှုန်းအနေဖြင့် ပဲပင်ပေါက်ဖောက်ရာတွင် ပဲတီစိမ်းတစ်ပြည်လျှင် (၅၀၀၀-၅၅၀၀) ကျပ် ကြားဝယ်ယူရပြီး ပဲတီစိမ်းတစ်ပြည်ဖောက်ရာတွင် ပဲပင်ပေါက် ၃ ပိဿာ ရရှိပြီး ပဲပင်ပေါက် ၁ ပိဿာကို ၅၀၀၀ ကျပ် ရရှိသောကြောင့် ပဲတီစိမ်း တစ်ပြည်ကို ပဲပင်ပေါက်ဖောက်ရာတွင် အမြတ်အစွန်းအနေဖြင့် (၁၅၀၀၀) ကျပ်နီးပါး အမြတ်အစွန်း ရရှိသောကြောင့် အိမ်ထောင်ရှင်မများ အနေဖြင့် လုပ်ရလွယ်ကူပြီး ရက်တိုတိုနှင့် အမြတ်အစွန်း ရသော ပဲပင်ပေါက်ကို တစ်ပိုင်တစ်နိုင်ဖောက်၍လည်း‌ ရောင်းချကြကြောင်း သိရှိရပါသည်။

DOCA(ပဲခူး)

             ရွှေဘိုမြို့ အမှတ်(၁၀)ရပ်ကွက်ရှိ ကုန်းဘောင်ဈေးတွင် ဧပြီလ နောက်ဆုံးပတ် တွင် ဖြစ်ပေါ်ခဲ့သော သစ်သီးဝလံ ဈေးနှုန်းများမှာ  စတော်ဘယ်ရီသီး တစ်ပိဿာလျှင် (၁၀၀၀၀)ကျပ်ထိ၊ ပန်းသီးတစ်လုံးလျှင် (၈၀၀)ကျပ်မှ (၂၅၀၀)ကျပ်ထိ၊ ပန်းသစ်တော်သီး တစ်လုံးလျှင် (၃၀၀၀)ကျပ်၊ မန္တလေး ပွဲရုံများမှ မှာယူရောင်းချသည့် ပျားလိမ္မော် တစ်ပိဿာလျှင် (၁၀၀၀၀)ကျပ်ထိ၊ ရွှေလိမ္မော် တစ်ပိဿာလျှင် (၁၀၀၀၀)ကျပ်၊ ကျွဲကောသီး တစ်လုံးလျှင်(၂၅၀၀)ကျပ်၊ ရွှေသခွားသီး တစ်လုံးလျှင် (၈၀၀)ကျပ်၊ သခွားမွှေး တစ်လုံးလျှင်(၃၀၀၀)ကျပ်၊ဒူးရင်းသီး တစ်လုံးလျှင် (၁၁၀၀၀)ကျပ်မှ (၁၆၀၀၀)ကျပ်ထိ၊ မင်းကွတ်သီး တစ်လုံးလျှင် (၃၀၀)ကျပ်မှ (၇၀၀)ကျပ်ထိ၊  ရမည်းသင်း မြို့မှ ထွက်ရှိသည့် စပျစ်သီး(အဝိုင်းသီး) တစ်ပိဿာ (၈၀၀၀)ကျပ်၊စပျစ်သီး (အချွန်းသီး) တစ်ပိဿာလျှင် (၁၀၀၀၀)ကျပ်၊ ဆားတောင်မြို့ နှင့် ရွှေပန်းကုန်းရွာမှ ထွက်ရှိသည့် ငှက်ပျောသီး ဖီးကြမ်း တစ်ဖီးလျှင်(၁၅၀၀)ကျပ်မှ (၂၀၀၀)ကျပ်၊ဖရဲသီး တစ်လုံးလျင် (၂၀၀၀)ကျပ်မှ (၃၅၀၀)ကျပ်ထိ၊မာလကာသီး တစ်လုံးလျှင်(၃၅၀)ကျပ်၊ ဗန်းမော်မြို့မှ မှာယူရောင်းချသည့် သစ်ကြားသီး တစ်လုံးလျှင် (၁၅၀)ကျပ်ဖြင့် အသီးသီး အရောင်းအဝယ် ဖြစ်နေကြောင်း ကုန်းဘောင်ဈေး အတွင်း ရောင်းချသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)