သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် ပြန်ကြားရေးနှင့်ပြည်သူ့ ဆက်ဆံရေးဦးစီး ဌာန ၊ လူထုအခြေပြု ဗဟိုဌာနဖြစ်သော Community Centre ခန်းမတွင် ပြည်သူများ အသိပညာဗဟုသုတရရှိစေရန် ရည်ရွယ်ပြီး မြို့နယ် ပြန်/ဆက်ဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ အွန်လိုင်းမှတ်ပုံ တင်ခြင်းဆိုင်ရာ သိကောင်းစရာအကြောင်းTalk Show ကို (၂၁-၁-၂၀၂၅)ရက်နေ့ နံနက် (၁၁း၀၀) နာရီအချိန်တွင် ပြုလုပ်ခဲ့ကြောင်းသိရသည်။
၂၀၂၅ ခုနှစ် ဇန်နဝါရီလ (၁၆)ရက်နေ့ နံနက်(၁၀:၀၀)အချိန်တွင် စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူး ဦးမြင့်နောင်(ဦးစီးမှူး)သည် အသေးစားစက်မှု လက်မှုလုပ်ငန်းဦးစီးဌာနမှ ဝန်ထမ်းများနှင့်ပူးပေါင်း၍ တာချီလိတ်ခရိုင်၊ တာလေမြို့၊ တောင်သုံးလုံး ကျေးရွာ ရှိ Shweကတ္တီပါဖိနပ်အမျိုးမျိုးလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဝန်ထမ်းများသည် ဇန်နဝါရီလ (၁၄)ရက်နေ့၊ နံနက်(၁၁:၃၀)အချိန်တွင် စစ်ဆေးရေးအရာရှိ ဒေါ်တင်တင်အေး ဦးဆောင်ပြီး စားသုံးသူရေးရာဦးစီးဌာနမှ ဝန်ထမ်းများနှင့်အေးသာယာမြို့၊အမှတ်(၃)အခြေခံပညာအထက်တန်းကျောင်း(ခွဲ) ကျောင်းမုန့်ဈေးတန်းများ အားသွားရောက်စစ်ဆေးခဲ့ပါသည်။
စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဝန်ထမ်း များသည် ဇန်နဝါရီလ (၁၄)ရက်နေ့၊ နံနက်(၁၀:၀၀)အချိန်တွင်အေးသာယာမြို့၊အမှတ်(၃)အခြေခံပညာအထက်တန်းကျောင်း(ခွဲ)၌ကျောင်းသား/ကျောင်းသူများအားစားသုံးသူအခွင့်အရေးနှင့်တာဝန်များသိရှိစေရန်နှင့်စားသုံးသူအခွင့်အရေးများအပြည့်အဝ ရရှိစေရန်ရည်ရွယ်၍ စားသုံးသူကာကွယ်ရေးအသိပညာပေး ဆွေးနွေးဟောပြောပွဲကိုကျင်းပပြုလုပ်ခဲ့ပြီး ဟောပြောပွဲသို့ ဆရာ/ဆရာမအပါအဝင်ကျောင်သား/ ကျောင်းသူ စုစုပေါင်း(၃၂၀)ဦးခန့် တက်ရောက်ခဲ့ ကြောင်းသိရှိရပါသည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ်ဦးစီးမှူးရုံးနှင့် ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ မြို့နယ်ဦးစီးမှူးရုံးတို့ ပူးပေါင်းဆောင်ရွက်မှုဖြင့် (၂၁.၁.၂၀၂၅) နေ့နံနက် (၁၀၀၀)နာရီ အချိန်တွင် စားသုံးသူကာကွယ်ရေးနှင့် ပတ်သက်၍ ကုန်အညွှန်းအမှတ် အသားဖော်ပြ ချက်များ အကြောင်း အသိပညာပေး Talk Show ကျင်းပပြု လုပ်ခဲ့ပါသည်။
