သတင်းနှင့် လှုပ်ရှားမှုများ
၂၃.၆.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူး၏ လမ်းညွှန်မှာကြားချက်ဖြင့် ဦးစီးအရာရှိ ဒေါ်ငြိမ်းမြတ်ကျော်နှင့် ဝန်ထမ်းများသည် မွန်ပြည်နယ်၊ မော်လမြိုင်မြို့နယ်အတွင်းရှိ ကွင်းရပ်ရပ်ကွက်၊ မောင်ငံဈေး၊ ဇေယျာမြိုင်ရပ်ကွက်၊ ငန်းတေး ရပ်ကွက်များတွင် စားသုံးသူပြည်သူများသို့ စားအုန်းဆီ ရောင်းချပေးနေမှုများအား မြေပြင် ကွင်းဆင်းစစ်ဆေးခဲ့ကြောင်း သိရသည်။
၂၂.၆.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူး၏ လမ်းညွှန်မှာကြားချက်ဖြင့် ဦးစီးအရာရှိ ဒေါ်ခင်မြတ်ကျော်သည် မွန်ပြည်နယ်၊ မော်လမြိုင် မြို့နယ်အတွင်းရှိ မြိုင်သာယာရပ်ကွက်တွင် စားသုံးသူပြည်သူများသို့ စားအုန်းဆီ ရောင်းချ ပေးနေမှုများအား မြေပြင်ကွင်းဆင်းစစ်ဆေးခဲ့ကြောင်း သိရသည်။
မအူပင်ခရိုင်၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းစဉ်များ ပြည်သူနှင့် လုပ်ငန်းရှင်များ သိရှိနားလည်စေရန်အတွက် အသိပညာပေးလုပ်ငန်းများကို ပြုလုပ်ဆောင်ရွက်လျက်ရှိကာ ၂၃-၆-၂၀၂၅ ရက်နေ့ နံနက် (၁၀၀၀)နာရီအချိန်တွင် တာပါတ်အရှေ့ ကျေးရွာ ဓမ္မာရုံတွင် ကျေးရွာရှိ ကုန်မျိုးစုံလုပ်ငန်းရှင်များအား အသိပညာပေး ဟောပြောခဲ့သည်။
(၂၃.၆.၂၀၂၅) ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး၊ သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲတာဝန်ခံသည် ပြည်နယ် ဦးစီးမှူးရုံး၌ “ရွှေငါး” သဘာဝမြေသြဇာထုတ်လုပ်သည့် လုပ်ငန်းရှင်နှင့်တွေ့ဆုံဆွေးနွေးခဲ့သည်။
မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့သည် (၂၃.၆.၂၀၂၅) ရက်နေ့တွင် ဘီးလင်းမြို့၊ ဘိုးရာဇာရပ်ကွက်ရှိ မင်္ဂလာဈေးသို့ သွားရောက်၍ Signal အမှတ်တံဆိပ်သွားတိုက်ဆေးအတုများ ရောင်းချခြင်း ရှိ/မရှိနှင့် သွားတိုက်ဆေးအမျိုးမျိုးတို့အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။
