သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်ဦးစီးမှူးရုံးရှိ ထုတ်ကုန်လုံခြုံ စိတ်ချရမှုဌာနခွဲတာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် (၁၉.၁၂.၂၀၂၄) ရက်နေ့၊ နေ့လယ် (၁၅:၀၀)နာရီအချိန်တွင် မင်းလှမြို့ပေါ်ရှိ စားအုန်းဆီ လက်လီ/ လက်ကား ရောင်းချနေသော ကုန်စုံဆိုင်များအား သွားရောက်ကွင်းဆင်းစစ်ဆေးခြင်း ပြုလုပ်ဆောင်ရွက်ခဲ့ပါ သည်။
စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဒီဇင်ဘာလ ၁၇ ရက် နေ့ မွန်းလွဲပိုင်းက ခရိုင်ဦးစီးမှူးရုံးအစည်းအဝေးခန်းမ၌ တောင်ငူမြို့ရှိ စားသုံးဆီလက်လီလက်ကား ရောင်းချသူများအားတွေ့ဆုံပြီး ဥပဒေ၊ အမိန့်၊ ညွှန်ကြားချက်များနှင့်အညီ ဆောင်ရွက်ရန်နှင့် အွန်လိုင်းဝန်ဆောင်မှု နှင့်ပတ်သက်၍ သိကောင်းစရာများကို အသိပညာပေးဆွေးနွေးခဲ့ပါသည်။
စားသုံးသူရေးရာဦးစီးဌာန၊ တောင်ငူခရိုင်၊ ရေတတာရှည်မြို့နယ်တာဝန်ခံ ဦးဇော်ဇော်ထွေး သည်တောင်ငူခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၏ ညှိနှိုင်း ချက်အရ ဒီဇင်ဘာလ ၁၇ ရက်နေ့ နံနက်ပိုင်းတွင် ရေတာရှည်မြို့နယ် သာဂရမြို့ရှိ စည်ပင်သာယာဈေးနှင့် ဈေးပြင်ကုန်စုံဆိုင်ကြီးများသို့ သွားရောက်၍ ဈေးကွက်စောင့်ကြည့်စစ်ဆေးခြင်းကို ပူးပေါင်းပါဝင် ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ အုတ်တွင်းမြို့နယ်တာဝန်ခံ ဒေါ်အေးအေးခိုင်နှင့် ဌာနခွဲစာရေး ဦးအောင်ဝင်းတို့သည် ဒီဇင်ဘာလ ၁၉ ရက်နေ့ နံနက်ပိုင်းတွင် အုတ်တွင်းမြို့နယ် ညောင်ခြေထောက်မြို့ရှိ DS သောက်ရေသန့်စက်ရုံသို့ သွားရောက်၍ ထုတ်လုပ်မှုအခြေအနေများနှင့် ကုန်အညွှန်းအမှတ်အသား ဖော်ပြထားမှုများကိုကို ကြည့်ရှုလေ့လာရာ လုပ်ငန်းရှင်က လုပ်ငန်းဆောင်ရွက်မှု အဆင့်ဆင့်ကို လိုက်လံရှင်းလင်းပြသကြောင်းသိရသည်။
တောင်ငူခရိုင်အတွင်း မြို့နယ်များရှိ စတိုးဆိုင်များနှင့် Vape ရောင်းချသည့်ဆိုင်များတွင် E-Cigarette and Vape ရောင်းချခြင်းအား ရှောင်တခင်စစ်ဆေးရာတွင် ပူးပေါင်းပါဝင်ဆောင်ရွက် ပေးနိုင်ပါရန် သက်ဆိုင်ရာမြို့နယ် အစားအသောက်နှင့်ဆေးဝါးကြီးကြပ်ရေးကော်မတီက ညှိနှိုင်းလာပါသဖြင့် စားသုံးသူရေးရာဦးစီးဌာန သက်ဆိုင်ရာမြို့နယ်များရှိ စစ်ဆေးရေးမှူးများက ပူးပေါင်းပါဝင်ဆောင်ရွက်ခဲ့ပါသည်။
