သတင်းနှင့် လှုပ်ရှားမှုများ
၂၀၂၄ ခုနှစ်၊ အောက်တိုဘာလ ၈ ရက်နေ့၊ နံနက် ၁၀း၀၀ နာရီအချိန်တွင် ရုံးချုပ်၊ နေပြည်တော်၌ကျင်းပပြုလုပ်သည့် ပြည်တွင်းမှထွက်ရှိသည့် ဆီထွက်သီးနှံများကို စွမ်းအားပြည့်ကြိတ်ခွဲနိုင်မှုနှင့် စပ်လျဥ်း၍ လုပ်ငန်းညှိနှိုင်းအစည်းအဝေးသို့ တနင်္သာရီတိုင်းဒေသကြီးဦးစီးမှူးမှ Online Virtual စနစ်ဖြင့် တက်ရောက်ခဲ့ပါသည်။
၆.၁၀.၂၀၂၄ ရက်နေ့ နံနက် (၀၉:၃၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးနှင့် ဝန်ထမ်းများသည် မော်လမြိုင်မြို့၊ စက်မှုဇုန်အတွင်းရှိ မွန်တိုင်းရင်းသားဝတ်စုံနှင့် အထည်များထုတ်လုပ်သည့် စက်ပန်းထိုးနှင့် အထည်ချုပ် လုပ်ငန်းစက်ရုံ (၃) ရုံအား ကွင်းဆင်းစစ်ဆေးခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့်အဖွဲ့သည် အောက်တိုဘာလ(၁)ရက်နေ့၊ နံနက်(၀၉:၃၀)နာရီအချိန်၌ အမှတ်(၄)ရပ်ကွက်၊ ဘဒလင်ကျောင်းကြီးလမ်းရှိ အ.ထ.က (မြန်အောင်)ကျောင်းမုန့်ဈေးတန်းတွင် ရောင်းချသော မုန့်ဆိုင်များအား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ပါသည်။
အောက်တိုဘာလ(၃)ရက်နေ့၊ နေ့လယ်(၁၂:၃၀)နာရီအချိန်တွင် ဇလွန်မြို့နယ်ဦးစီးမှူးသည် မိတ်ဖက်ဌာနဆိုင်ရာများနှင့်ပူးပေါင်း၍ ဇလွန်မြို့နယ်၊ ရွှေကျောင်းကျေးရွာအုပ်စုရှိ အ.ထ.က(၅) ကျောင်းမုန့်ဈေးတန်းတွင် ရောင်းချသော မုန့်ဆိုင်များအား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ပါသည်။
၂၀၂၄ ခုနှစ်၊ အောက်တိုဘာလ(၇)ရက်နေ့၊ နံနက် (၁၁း၁၅) နာရီအချိန်တွင် တိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူးနှင့် ဝန်ထမ်းများသည် ထားဝယ်မြို့၊ ဥဿရံရပ်ရှိ ရွှေဥသြထားဝယ်ရိုးရာ လုံချည်နှင့် ချည်ထည်အမျိုးမျိုး စက်ယက္ကန်းလုပ်ငန်းလုပ်ကိုင်သည့် လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
