ကုန်သွယ်မှုသတင်းများ
၂၅.၄.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မန္တလေးတိုင်းဒေသကြီး၊ ကျောက်ဆည်ခရိုင်အနေဖြင့် နွေနှမ်းများ အောင်မြင်စွာ စိုက်ပျိုးပြီးစီးလျက် ရှိပါသည်။ ၂၀၂၃ ခုနှစ်တွင် နွေနှမ်းလျာထားစိုက်ဧက (၃၉၇၀၃)ဧက စိုက်ပျိုးနိုင်ရန်လျာထားလျက်ရှိရာ အမှန်စိုက်ပျိုးဧက ၂၀၂၂-၂၀၂၃ ဘဏ္ဍာနှစ်တွင် (၂၈၁၃၉)ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည် ။ နွေနှမ်းစိုက်ပျိုးမှုအနေဖြင့် (၁)ဧကလျှင် မျိုး၊ သွင်းအားစု ၊ လုပ်သားခ ၊ စုစုပေါင်း(၂၆၀၀၀၀/-) ကျပ်ဝန်းကျင်ခန့် ကုန်ကျကြောင်း သိရှိရပါသည် ။ စိုက်ပျိုးသောနှမ်းအမျိုး
ပဲခူးတိုင်းဒေသကြီး ၊ ပဲခူးခရိုင်၊ ပဲခူးမြို့တွင်စားအုန်းဆီဈေးများဆက်လက် မြင့်တက်လျက်ရှိပါသည်။ သင်္ကြန်မတိုင်မှီကာလက စားအုန်းဆီတစ်ပိဿာလျှင် ၅၀၀၀ ကျပ်ဖြင့် အရောင်းအဝယ် ဖြစ်ခဲ့ပြီး သင်္ကြန်ပြီးကာလတွင်၅၂၀၀ ကျပ်ဖြင့် ဈေးနှုန်းအနည်းငယ်မြင့်မားသွားကြောင်း သိရှိရပါသည် ။
ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့၊ အမှတ်(၂)ရပ်ကွက်၊ ရွှေဟင်္သာဘုရားလမ်းရှိ အေးမေတ္တာ တန်(၂၀၀)ကျဆန်စက်ကြီးသည် စပါးခွံဓါတ်ငွေ့အသုံးပြု၍ လျှပ်စစ်ဓါတ်အားရရှိအောင် ဆောင်ရွက်နေပါသည်။ တောင်ငူမြို့နယ်တွင် နွေစပါး ၁၈၇၄၁ ဧက စိုက်ပျိုးထားရာ နွေစပါးထွက်ရှိလာချိန်တွင် လုံလောက်သော လျှပ်စစ်ဓါတ်အားရရှိအောင် ကိုယ်ပိုင်အရင်းအနှီးဖြင့် ဆောင်ရွက်နေပါသည်။
တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုပ်သီးစိမ်း (မိုးထောင်သီး) တစ်ပိဿာလျှင် ၄၀၀၀ ကျပ်မှ ၄၅၀၀ ကျပ်အထိ၊ ကုလားအော်သီးစိမ်းမှာ တစ်ပိဿာလျှင် ၆၀၀၀ ကျပ်၊ ခရမ်းသီးဖြူ တစ်ပိဿာလျှင် ၅၅၀ ကျပ် မှ ၆၀၀ ကျပ်အထိဖြင့် ဧပြီလ ပထမပတ်အတိုင်း ဈေးနှုန်းတည်ငြိမ်နေပြီး ခရမ်းသီးညိုမှာ ဧပြီလ (ပထမပတ်)တွင် တစ်ပိဿာလျှင် ၁၁၀၀ ကျပ် မှ ၁၂၀၀ ကျပ်အထိရှိရာမှ သင်္ကြန်ကာလပြီးသည့် ယခုအပတ်တွင် တစ်ပိဿာလျှင် ၁၃၀၀ ကျပ်မှ ၁၅၀၀ ကျပ်ဖြင့် ဈေးနှုန်းအနည်းငယ်မြင့်တက်ပါသည်။
