ပြည်တွင်းကုန်သွယ်မှုသတင်းများ
တောင်ငူမြို့၊ ညောင်ပင်ဈေးနှင့် ရွှေဆံတော်ဘုရားဈေးတို့တွင် ခရမ်းချဉ်သီးများ ဈေးနှုန်းမြှင့်တက်လျက်ရှိပါသည်။ ခရမ်းချဉ်သီးမှာ ဟင်းအိုးတော်တော်များများတွင်ထည့်သွင်းအသုံးပြုရသော ပါဝင်ပစ္စည်းတစ်မျိုးဖြစ်သောကြောင့် အိမ်ရှင်မများအနေဖြင့်မဖြစ်မနေဝယ်ယူအသုံးပြုနေရပါသည်။
ပဲခူးတိုင်းဒေသကြီး၊ တောင်ငူမြို့နယ်၊ ဘုရားနှစ်ဆူကျေးရွာမှ တောင်သူလယ်သမားများသည် မိုးစပါးပြီး၍ ခပေါင်းဆည်ရေကိုအသုံးပြုကာ နွေစပါးများကိုလည်းသီးထပ်စိုက်ပျိုးကြပါသည်။ ခပေါင်းဆည်ရေသွင်းမြောင်းလက်တက်မှ ရေသွင်း၍မရသည့်လယ်သမားအချို့သည် မြောင်းလက်တက်မှရေများကို ရေတင်စက်ဖြင့်တင်၍ စိုက်ပျိုးကြပါသည်။
သံတောင်ကြီးမြို့နယ်၊ လိပ်သိုဒေသရှိတောင်သူများသည် ဥယျာဉ်ခြံလုပ်ငန်း၊ မွေးမြူရေးလုပ်ငန်းများအပြင် တောင်ယာလုပ်ငန်းကိုပါ တွဲဖက်လုပ်ကိုင်ကြသည်။ ယခုမိုးဦးကျကာလတွင် တောင်ယာခင်းများ၌ နနွင်းများစတင်စိုက်ပျိုးနေပြီဖြစ်ကြောင်းသိရှိရပါသည်။
ပုသိမ်ခရိုင် ဆန်စပါးဈေးကွက်တွင် ယခင်ဧပြီလအတွင်း ပုသိမ်၊ ကန်ကြီးထောင့်၊ ငပုတောမြို့နယ်များတွင် ပေါ်ဆန်းစပါး၄၆ပေါင် ၁တင်းလျှင် ကျပ် ၃၀၀၀၀ ဝန်းကျင် ပေါ်ဆန်းဆန်တစ်အိတ်ကျပ် ၁၃၅၀၀၀ ဈေး ပုသိမ်၊ ကန်ကြီးထောင့်မြို့နယ်များတွင် မိုးဧည့်မထစပါး ၄၆ပေါင် ၁တင်း လျှင်၂၁၆၀၀ ဈေး ဆန်တစ်အိတ် ကျပ်၈၉၀၀၀ ဈေးနှင့် သာပေါင်း၊ ငပုတော၊ ကျုံပျော်၊ ရေကြ
