သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ဇလွန်မြို့နယ်ဦးစီးမှူးသည်(၃.၂.၂၀၂၅)ရက်နေ့ နံနက်(၁၀:၃၀)အချိန် တွင် ဇလွန်မြို့နယ်၊ဦးပုညလမ်း၊ညောင်ပင်ဈေးရပ်ကွက်ရှိ “ချစ်ကိုလေး” ပဲချောင်းလုပ်ငန်းရှင်နှင့် တွေ့ ဆုံ၍ MSME လုပ်ငန်းများ ဖွံ့ဖြိုးတိုးတက်စေရေးဆွေးနွေးခြင်းကို ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၃.၂.၂၀၂၅)ရက်နေ့ နံနက် (၁၀:၀၀) နာရီအချိန်တွင် ဟင်္သာတခရိုင်/မြို့နယ်စိုက်တိုးမြှင့်အဖွဲ့ဝင်များနှင့်အတူ ဟင်္သာတမြို့၊ မြို့ကွင်းကျေးရွာ ရှိ ရှင်းလင်းဆောင်၌ သီးနှံစိုက်တောင်သူများအား သုံးသီးစားသီးနှံ စိုက်ပျိုးနိုင် ရေးနှင့် စားသုံးသူ ကာကွယ်ရေးအသိပညာပေးဟောပြောခြင်းများကို ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ အခြေခံပညာဦးစီးဌာနတို့နှင့်ပူးပေါင်း၍ (၃.၂.၂၀၂၅)နေ့ နေ့လည်(၁၃:၀၀)နာရီအချိန်တွင် ဇလွန်မြို့၊ သပြုကွင်းကျေးရွာရှိ အခြေခံပညာအထက်တန်းကျောင်းတွင် ဆရာ၊ဆရာမနှင့် ကျောင်းသား၊ ကျောင်းသူ ၃၂၀ ဦးအား စားသုံးသူကာကွယ်ရေးအသိပညာပေးခြင်းနှင့် စာဖတ်ရှိန်မြှင် တင်ရေးအသိ ပညာပေးဟောပြောပွဲကို ဆောင်ရွက်ခဲ့ပါသည်။
(၃၁.၁.၂၀၂၅) ရက်မှ (၃.၂.၂၀၂၅) ရက်အတွင်း မအူပင်ခရိုင်၊ ညောင်တုန်းမြို့နယ်အတွင်း အွန်းလိုင်းစနစ်ဖြင့်ရောင်းချသူ လုပ်ငန်းရှင် အွန်လိုင်းမှတ်ပုံတင် လျှောက်ထားသူ လုပ်ငန်း(၅)ဦး ရှိသဖြင့် ညောင်တုန်းမြို့နယ် စစ်ဆေးရေးအရာရှိ ဒေါ်ချိုမီဇင်နှင့် ဝန်ထမ်းများ လျှောက်ထားသူ လုပ်ငန်းတည်နေရာနှင့် ရောင်းချသည့် ကုန်စည်များ လှောက်ထားသည့် အချက်အလက်များနှင့် ကိုက်ညီမှု ရှိ/မရှိကို မြေပြင်စစ်ဆေးခဲ့ကြသည်။
စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံရုံးအနေဖြင့် ၂၀၂၅ ခုနှစ်၊ ဇန်နဝါရီလ ၂၇ ရက် နံနက် (၁၁:၀၀) နာရီအချိန်တွင် ကန့်ဘလူမြို့နယ်တာဝန်ခံဦးမျိုးဝင်းသန်းနှင့် ဒေါ်အိမွန်ကျော် အကြီးတန်းစာရေးတို့သည့် ကန့်ဘလူမြို့၊ အမှတ်(၃)ရပ်ကွက်ရှိ သိန်းသန်းဖြိုး ဆန်စက်လုပ်ငန်းရှင်နှင့် ကွင်းဆင်းတွေ့ဆုံဆွေးနွေးခဲ့ကြောင်း သိရသည်။
