သတင်းနှင့် လှုပ်ရှားမှုများ
ကချင်ပြည်နယ်၊ စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူး ဦးဇော်မင်းဦးနှင့် ဝန်ထမ်းများသည် ၁၇.၈.၂၀၂၂ ရက်နေ့ နေ့လယ် ၁၁:၀၀ နာရီအချိန်တွင် မြစ်ကြီးနားမြို့၊ အေးစေတီရပ်ကွက်ရှိ ရင်ရင် (ကိတ်မုန့်၊ ပေါင်မုန့်၊ မုန့်မျိုးစုံ) ထုတ်လုပ်ဖြန့်ဖြူးရောင်းချသော စီးပွားရေးလုပ်ငန်းရှင်နှင့်တွေ့ဆုံ ဆွေးနွေးခဲ့ပါသည်။
မွန်ပြည်နယ် စားသုံးသူရေးရာဦးစီးဌာန ပြည်နယ်ဦးစီးမှူးရုံးအစည်းအဝေးခန်းမ၌ မွန်ပြည်နယ် ကြက်သွန်နီ၊ ကြက်သွန်ဖြူနှင့်စားဖိုဆောင်သုံးသီးနှံအသင်း ပြန်လည် ဖွဲ့စည်းခြင်းအခမ်းအနားကို ဩဂုတ် ၁၈ ရက်နေ့ မွန်းလွဲပိုင်းက ကျင်းပ ပြုလုပ်ရာ အဆိုပါ အခမ်းအနားသို့ ပြည်နယ်ဦးစီးမှူးနှင့်ဝန်ထမ်းများ၊ မော်လမြိုင်ကုန်စည်ဒိုင်အသင်းဥက္ကဌနှင့် စားဖိုဆောင်သုံးသီးနှံ လုပ်ငန်းရှင်များ စုစုပေါင်း (၂၉) ဦးတက်ရောက်ခဲ့ပါသည်။
မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ ပေါင်မြို့နယ်တာဝန်ခံသည် ၁၈.၈.၂၀၂၂ ရက်နေ့တွင် ပေါင်မြို့နယ်၊ ပေါင်ရပ်ကွက် အုပ်ချုပ်ရေးမှူးနှင့်ပူးပေါင်း၍ ပေါင်မြို့နယ် ပေါင်ရပ်ကွက် လမ်းဘေးဝဲ/ယာရှိ ကုန်စုံဆိုင်၊ စတိုးဆိုင်အပါအဝင် ဆိုင်ပေါင်း(၁၂)ဆိုင်အား ဈေးကွက်စောင့်ကြည့် စစ်ဆေးခြင်းဆောင်ရွက်ခဲ့ပါသည်။
မန္တလေးတိုင်းဒေသကြီး၊ မြင်းခြံခရိုင်၊ နွားထိုးကြီးမြို့နယ်၊ ငါန်းဇွန်မြို့နယ်နှင့်ညောင်ဦးမြို့ နယ်များအတွင်းရှိ ဖွင့်လှစ်ရောင်းချလျှက်ရှိသော လိုင်စင်ရစက်သုံးဆီအရောင်းဆိုင်များအား သက်ဆိုင်ရာမြို့နယ်များရှိ ဌာနစုံပူးပေါင်းအဖွဲ့များဖြင့် ကွင်းဆင်းကြီးကြပ်ဆောင်ရွက်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မ မြို့နယ်တာဝန်ခံ ဦးအောင်မိုးသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့် ကာယပညာဦးစီးဌာနတို့နှင့် ပူးပေါင်း၍ (၁၇.၈.၂၀၂၂)ရက်နေ့ နံနက် (၁၀:၀၀)နာရီအချိန်တွင် ဝါးခယ်မမြို့နယ် ရွာလယ်ရပ်ကွက် အထက(၂)ကျောင်းတွင် စားသုံးသူကာကွယ်ရေး အသိပညာပေး ဟောပြောခဲ့ပါသည်။
