သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၄ခုနှစ်၊ ဒီဇင်ဘာလ (၄) ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း(၂)ဦးသည် လွိုင် ကော်မြို့နယ်၊ နမ့်ဘော်ဝမ်(ခါး) မူလတန်းလွန်ကျောင်း၌ ကျောင်းသား / ကျောင်း သူစုစု ပေါင်း (၁၂၀)ဦးကို စားသုံးသူအကာအကွယ်ပေးရေး အသိပညာပေးဟောပြော ဆွေးနွေးခဲ့ပါသည်။
စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၄ ခုနှစ် ၊ ဒီဇင်ဘာ လ(၄) ရက်နေ့ နံနက်( ၀၉ : ၀၀ ) အချိန်တွင် လွိုင်ကော်မြို့၊သီရိမင်္ဂလာဈေးအတွင်းရှိ ကုန်စုံဆိုင်များ၌ ကုန်အညွှန်းအမှတ်အသားဖော်ပြခြင်းနှင့်စပ်လျဉ်၍ မြန်မာနိုင်ငံစားသုံး ရေးရာကော်မရှင် ညွှန်ကြားချက်အမှတ် ၂/ ၂၀၁၉ ပါ သတ်မှတ်ချက်နှင့်ကိုက်ညီမှုရှိ / မရှိ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ဖြင့် ပူးပေါင်း၍ ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊စားသုံးသူရေးရာဦးစီးဌာန၊ မြင်းခြံ ခရိုင်ဦးစီးမှူးရုံးမှ ဦးသန်းစိုး(လက်ထောက်ညွှန်ကြားရေးမှူး)သည် မြင်းခြံမြို့၊အခြေခံပညာအထက်တန်းကျောင်း(အ.ထ.က.၄)တွင် (၁၁.၁၂.၂၀၂၄)ရက်နေ့၊ နံနက်(၀၉:၀၀)နာရီအချိန်၌ ကျောင်းရှိဆရာ/ဆရာမများ၊ ကျောင်းသား/ကျောင်းသူများအား စားသုံးသူကာကွယ်ရေး အသိပညာပေးဟောပြောပွဲကျင်းပပြုလုပ်ခဲ့ပါသည်။
စားသုံးသူရေးရာဦးစီးဌာနသည် စားသုံးသူများဘေးအန္တရာယ်ကင်းရှင်းစေရန် စျေးကွက်အတွင်းရှိ ကုန်စည်များ၊ စျေးကွက်မရောက်မီကုန်စည်များကို စျေးကွက်စောင့်ကြည့်စစ် ဆေးခြင်းများ စဉ်ဆက်မပြတ် ဆောင်ရွက်လျက်ရှိရာ (၂၆.၁၁.၂၀၂၄)ရက်နေ့တွင် အဖွဲ့စုံဖြင့် မကွေးမြို့၊ မင်္ဂလာစျေး (အခွန်လွတ်စျေး)၌ ကုန်စည် (၁၈)မျိုးအား နမူနာဝယ်ယူ၍ Mobile Lab Van ဖြင့် စစ်ဆေးခဲ့ရာ ပိတ်ဆွယ်တွင် အစားအစာများ၌ သုံးစွဲရန်မသင့်သော Sulfiting Agent ချွတ်ဆေးပါဝင်ကြောင်း စစ်ဆေးတွေ့ရှိရပါသည်။
ရှမ်းပြည်နယ်စားသုံးသူရေးရာဦးစီးဌာန၊ကလောခရိုင်ဦးစီးမှူးရုံး(အောင်ပန်း)မှ ခရိုင်ဦးစီးမှူး ဦးဆောင်သော မြို့အထွေထွေအုပ်ချုပ်ရေးဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်ကျေး လက်ဖွံ့ဖြိုးတိုးတက်ရေးဦးစီးဌာန တို့ပါဝင်သော ပူးပေါင်းအဖွဲ့ဖြင့် (၂၄-၁၂-၂၀၂၄)ရက်နေ့ နံနက် (၁ဝး၂၀)နာရီအချိန်တွင် ကလောမြို့နယ်၊အောင်ပန်းမြို့ပေါ်ရှိ ဓာတ်မြေဩဇာနှင့်စိုက်ပျိုးရေးသုံး ပိုးသတ်ဆေးအရောင်းဆိုင်များအား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်း သိရှိ ရပါသည်။
