သတင်းနှင့် လှုပ်ရှားမှုများ
၂၆.၈.၂၀၂၄ ရက်နေ့တွင် ရေးမြို့နယ်ရှိ စက်သုံးဆီရောင်းချသည့်ဆီဆိုင်များကို ခရိုင်စီမံအုပ်ချုပ်ရေး ဥက္ကဌနှင့် ခရိုင်၊ မြို့နယ်အဆင့် ဌာနဆိုင်ရာ အဆက်စပ်အဖွဲ့များ၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အိဖြိုးတို့မှ သွားရောက်စစ်ဆေးမှုများ ဆောင်ရွက်ခဲ့ကြောင်း သိရှိရပါသည်။
၂၆.၈.၂၀၂၄ ရက်နေ့တွင် ရေးမြို့နယ်ရှိ ဆီကိုယ်စားလှယ်များ စားအုန်းဆီ ရောင်းချခြင်း၊ သိုလှောင်ခြင်းများကို ခရိုင်စီမံအုပ်ချုပ်ရေး ဥက္ကဌနှင့် ခရိုင်၊ မြို့နယ်အဆင့် ဌာနဆိုင်ရာဆက်စပ်အဖွဲ့များ၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အိဖြိုးတို့မှ သွားရောက်စစ်ဆေးမှုများ ဆောင်ရွက်ခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံသည် (၂၇.၈.၂၀၂၄) ရက်နေ့တွင် မုဒုံမြို့နယ်ရှိ စားအုန်းဆီများအား လက်လီရောင်းချပေးနေသည့် လုပ်ငန်းရှင်များနှင့် တွေ့ဆုံခဲ့ပါသည်။
၂၇.၈.၂၀၂၄ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်မြန်မာနိုင်ငံရဲတပ်ဖွဲ့၊ မူးယစ်တပ်ဖွဲ့၊ အထူးစုံစမ်းစစ်ဆေးရေးဦးစီးဌာန၊ အကောက်ခွန်ဦးစီးဌာန၊ စစ်ဖက်ရေးရာလုံခြုံရေးအဖွဲ့တို့ ပါဝင်သော ပူးပေါင်းအဖွဲ့နှင့်အတူ မော်လမြိုင်မြို့၊ အကောက်ခွန်ဦးစီးဌာနရုံးဝင်းအတွင်း၌ Acid ဟုယူဆရသော အရည်ပုံး ( 1x 25kg) (၁၀) ပုံးအား ဖျက်ဆီးခြင်း ဆောင်ရွက်ခဲ့ကြောင်း သိရှိရသည်။
စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံနှင့် ဝန်ထမ်းများသည် ၂၇.၈.၂၀၂၄ ရက်နေ့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင် သာယာရေးအဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာနတို့ ပါဝင်သော ပူးပေါင်းအဖွဲ့ဖြင့် မော်လမြိုင်မြို့၊ အမှတ် (၁) ဈေးနှင့် အောက်လမ်းမကြီး လမ်းဘေးဝဲယာ ကုန်စုံဆိုင်များ၌ ရောင်းချနေသော စားသုံးဆီ အမျိုးမျိုးတို့အား ဈေးကွက်စောင့်ကြည့် စစ်ဆေးခဲ့သည်။
