သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် ၂.၇.၂၀၂၄ ရက်နေ့တွင် မိုးညှင်းမြို့နယ်၊နန့်လှိုင်ကျေးရွာရှိ စားသုံးသူများအား စားသုံးသူကာကွယ်ရေး အသိပညာပေးဟောပြောပွဲ ပြုလုပ်ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ကြီးကြပ်မှုဖြင့် ဂန့်ဂေါမြို့နယ်မှ ဒုတိယဦးစီးမှူး ဒေါ်ဇာဇာချိုဦးနှင့် ဝန်ထမ်း သည် (၂၈.၆.၂၀၂၄)ရက်နေ့၊ နံနက်(၀၉:၀၀)အချိန်တွင် ဂန့်ဂေါမြို့၊ အခြေခံပညာအလယ်တန်းကျောင်း(ခွဲ) စည်ပင်သာယာကျောင်းသို့ သွားရောက်ပြီး ဆရာ၊ ဆရာမ(၂)ဦး၊ ကျောင်းသား၊ ကျောင်း သူ(၄၀)ဦး၊ စုစုပေါင်း(၄၂)ဦးတို့အား စားသုံးသူကာကွယ်ရေးအသိပညာပေးဆိုင်ရာ ဟောပြောပွဲ ကျင်းပပြုလုပ်ခဲ့ပါသည်။
စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ကြီးကြပ်မှုဖြင့် ဆိပ်ဖြူမြို့နယ် တာဝန်ခံ ဦးဇော်နေလင်းနှင့် ဝန်ထမ်းသည် (၂၈.၆.၂၀၂၄)ရက်နေ့၊ နံနက်(၁၀:၀၀)အချိန်တွင် မြို့နယ်ထွေအုပ်၊ မြန်မာနိုင်ငံရဲတပ်ဖွဲ့၊ မြို့နယ်စည်ပင်သာယာရေးအဖွဲ့နှင့်ပူးပေါင်းပြီး ဆိပ်ဖြူမြို့ ပတ္တမြားဈေးအတွင်းရှိ ဆန်ရောင်းဝယ်ရေး အရောင်းဆိုင်များသို့ သင့်တင့်မျှတသော ဆန်ဈေးနှုန်းဖြစ်စေရေး ကွင်းဆင်းဆောင်ရွက်ခဲ့ပါသည်။
မကွေးတိုင်းဒေသကြီး၊ သရက်ခရိုင်၊ သရက်မြို့၊ တောင်မင်းတည်းရပ်ကွက်ရှိ သိမ်ကြီးဘုရားဝန်းအတွင်း၌ ဆန်စက်နှင့် ဆန်လုပ်ငန်းရှင်များအသင်းမှ စားသုံးသူပြည်သူများသို့ (၁.၇.၂၀၂၄)ရက်နေ့၊ (၀၉:၀၀)နာရီအချိန်တွင် ဧည့်မထဆန်(၁)ပြည်လျှင် ကျပ်(၃၀၀၀)နှုန်းဖြင့် ပြည်သူ(၃၆၀)ဦးအား စုစုပေါင်း ဆန်အိတ် (၁၅)အိတ်ရောင်းချပေးခဲ့ပါသည်။
၂၀၂၄ခုနှစ်၊ ဇူလိုင်လ ၁ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံး၌ တိုင်းဒေသကြီးဦးစီးမှူးသည် ကုန်အညွှန်းအမှတ်အသားဖော်ပြခြင်းနှင့်စပ်လျဥ်း၍ ထားဝယ်မြို့၊ စလွန်းကျေးရွာမှ "ကျော်ကျော်" အသင့်စားမုန့်အမျိုးမျိုးထုတ်လုပ်ဖြန့်ဖြူးရောင်းချသည့် လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။
