ကုန်သွယ်မှုသတင်းများ

          ၂၀၂၁ခုနှစ် မိုးစပါးနှင့် ၂၀၂၂ခုနှစ် နွေစပါးတို့အတွက် စပါးတင်း(၁၀၀)၏ အခြေခံဈေးနှုန်းကို ကျပ်(၅၄၀၀၀၀) အဖြစ်သတ်မှတ်ကြောင်း တောင်သူလယ်သမားများ အခွင့်အရေးကာကွယ်ရေးနှင့်အကျိုးစီးပွားမြှင့်တင်ရေး ဦးဆောင်အဖွဲ့က ၂၀၂၁ခုနှစ် အောက်တိုဘာလ (၅)ရက်နေ့တွင် ထုတ်ပြန်ထားကြောင်း သိရှိရပါသည်။

           ကြံတစ်ကြိမ်စိုက်လျှင် (၄)နှစ်အထိထား၍ ပထမနှစ်(ခင်းသစ်)၊ ဒုတိယနှစ်(လမိုင်း)၊ တတိယနှစ်(လမတ်)နှင့် စတုတ္ထနှစ် (ခင်းဟောင်း) ဟူ၍ ခုတ်သိမ်းရကြောင်း သိရှိရပါသည်။ ပထမနှစ် စစိုက်စိုက်ချင်း(ခင်းသစ်)ကို ဇန်နဝါရီလမှ ဖေဖော်ဝါရီလအထိ စိုက်ပျိုးကြ၍ ဒုတိယနှစ်(လမိုင်း)၊ တတိယနှစ်(လမတ်)၊ စတုတ္ထနှစ် (ခင်းဟောင်း)များကိုတော့ ဖေဖော်ဝါရီလမှ ဇူလိုင်လအထိ စိုက်ခင်းမြေပြုပြင်ခြင်းကိုသာ လုပ်ဆောင်ကြပြီး ဒီဇင်ဘာလတွင် ခုတ်သိမ်းရောင်းချကြကြောင်း သိရှိရပါသည်။