ကုန်သွယ်မှုသတင်းများ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းကာ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတိ
ရှမ်းပြည်နယ်(မြောက်ပိုင်း)၊ နမ့်ဆန်မြို့နယ်တွင် လက်ဖက်များကို အဓိကထားစိုက်ပျိုးကြကြောင်းသိရှိရပါသည်။ မိုးလွတ်ရွှေဖီဦးနှင့် မိုးမလွတ်သည့်ခက်ကန့် (သို့မဟုတ်) ခါးကန့်ဟူ၍ နှစ်မျိုးရှိကြောင်း သိရှိရပါသည်။ မိုးလွတ်ရွှေဖီလက်ဖက်ကို မတ်လအကုန် ဧပြီလပိုင်းတွင် ခူးဆွတ်ပြီး ခက်ကန့် (သို့မဟုတ်) ခါးကန့်ကို မတ်လမှ စက်တင်ဘာလအထိခူးဆွတ်ရကြောင်းနှင့် ခက်ကန့် (သို့မဟုတ်) ခါးကန့်အရွက်များကို မိုးကြောင့် လက်ဖက်စိုပြုလုပ်ကြကြောင်း သိရှိရပါသည်။
၂၀၂၃ခုနှစ်၊ ဧပြီလ(စတုတ္ထပတ်)တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၄၃၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၅၃၀၀) ကျပ်၊ စိန်တံဆိပ် (50)kg တစ်အိတ်လျှင် (၁၅၁၀၀) ကျပ်တို့ဖြစ်ပါသည်။ တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၂၆၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၃၄၀၀) ကျပ်၊ စိန်တံဆိပ် (50)kg တစ်အိတ်လျှင် (၁၃၄၀၀) ကျပ်တို့ဖြစ်ပါသည်။
အောင်လံကုန်စည်ဒိုင်တွင် နှမ်းဈေးကွက်အနေဖြင့် သင်္ကြန်အပြီး(၁၉-၄-၂၀၂၃)ရက်နေ့အထိ အရောင်းအဝယ်အနည်းငယ်မျှသာရှိခဲ့ပြီးယခုအပတ်(၂၆-၄-၂၀၂၃)ရက်နေ့တွင် နှမ်းနက်စမုံမှာ (၄၅) ပိဿာ(၁)အိတ်လျှင်ကျပ် (၂၅၅၀၀၀) ဈေးနှုန်းဖြင့် အိတ်(၃၂၀)ခန့် အရောင်းအဝယ်ရှိခဲ့ကြောင်း ကျန် နှမ်းပြာ၊ နှမ်းဖြူ၊ နှမ်းနီ တို့မှာ အရောင်းအဝယ်နည်းပါးနေသေးကြောင်းအောင်လံကုန်စည်ဒိုင်မှ သိရှိရပါသည်။
၂၀၂၃ခုနှစ်၊ ဧပြီလ(စတုတ္ထပတ်)အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်းမွှေး(သိင်္ဂီ)တစ်ပြည်လျှင် ၅၅၀၀ကျပ်၊ ဧည့်မထ(ဒေသ)ဆန်တစ်ပြည်လျှင် ၃၁၅၀ကျပ်ဖြင့် အရောင်းအဝယ်ဖြစ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီတစ်ပိဿာလျှင် ၂၂၀၀ကျပ်၊ ကြက်သွန်ဖြူ(ကြူကုတ်)တစ်ပိဿာလျှင် ၅၈၀၀ကျပ်၊ (ရှမ်းစ)တစ်ပိဿာလျှင် ၇၅၀၀ကျပ်၊ ငရုတ်သီးခြောက်(ရှည်) တစ်ပိဿာလျှင် ၁၇၅၀၀ကျပ်၊ ခရမ်းချဉ်သီးတစ်ပိဿာလျှင် ၁၈၀၀ကျပ်၊ အာလူးတစ်ပိဿာလျှင်
