ကုန်သွယ်မှုသတင်းများ
ကယားပြည်နယ်၊ လွိုင်ကော်မြို့တွင် ဖေဖော်ဝါရီလ စတုတ္ထပတ်မှစတင်၍ စက်သုံးဆီ အရောင်းဆိုင်များ ပြန်လည်ဖွင့်လှစ်ရောင်းချလျက်ရှိပြီး စက်သုံးဆီဈေးနှုန်းများမှာ ဒီဇယ်ရိုးရိုးတစ် လီတာကို (၁၈၃၅) ကျပ်၊ ဒီဇယ်(ပရီမီယမ်) တစ်လီတာကို (၁၈၆၅) ကျပ်၊ ဓါတ်ဆီ 92 တစ်လီတာ ကို(၁၈၃၀)ကျပ်နှင့် ဓါတ်ဆီ 95 တစ်လီတာကို (၁၉၅၅)ကျပ်တို့ဖြင့် ရောင်းချလျက်ရှိကြောင်းကို မြို့တွင်းစက်သုံးဆီဆိုင်အချို့မှ စုံစမ်းသိရှိရပါတယ်။
စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏လမ်းညွှန်ချက်ဖြင့် သာစည်မြို့နယ်၊နှောပင်ကျေးရွာ နှင့် ဆယ်ကြီးကျေးရွာတွင် စိုက်ပျိုးဖြစ်ထွန်းနေသော ပန်းမုံလာ(ပန်းဂေါ်ဖီ) စိုက်ပျိုးတောင်သူများနှင့် တွေ့ဆုံ မေးမြန်းခဲ့ပါသည်။
စားသုံးသူရေးရာဦးစီးဌာန၊မန္တလေးတိုင်းဒေသကြီး၊မိတ္ထီလာခရိုင်ဦးစီးမှူးရုံးမှ ခရိုင်ဦးစီးမှူး ၏ ကြီး ကြပ်မှုဖြင့် ဦးစီးအရာရှိ နှင့် ဝန်ထမ်းများသည် (၁၆.၂.၂၀၂၂)ရက်နေ့ ( ၁၀:၀၀ ) နာရီအချိန်တွင် မိတ္ထီလာမြို့နယ်အတွင်း ဇီးသီး (အချဉ်မျိုး) ထွက်ရှိရာ တောင်သူများထံနှင့် မိတ္ထီလာ-ကျောက်ပန်းတောင်း လမ်းဘေး၊ ဂွေ့ကြီးကျေးရွာရှိ ဦးခင်မောင်ချို၏ ဇီးသီးပွဲရုံသို့ ကွင်းဆင်းလေ့လာဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူး၏ကြီးကြပ်မှုဖြင့် ဦးစီးအရာရှိ၊ ဦးသန်းစိုးနှင့် မလှိုင် မြို့နယ်တာဝန်ခံ ဦးရဲမြင့်ဆန်းတို့သည် (၁၃-၂-၂၀၂၂) ရက်နေ့ နေ့လယ် ( ၁၄:၀၀ ) နာရီ အချိန်တွင် One Villaeg One Product ထုတ်လုပ်မှုဖြစ်သော သိမ်ကုန်းကျေးရွာ ထန်းလက်ကုလားထိုင် ထုတ်လုပ်ရောင်းချသူများအား လုပ်ငန်းရှင်များနှင့် တွေ့ဆုံမေးမြန်းဆွေးနွေးခဲ့ပါသည်။
မကွေးတိုင်းဒေသကြီး၊ ဆိပ်ဖြူမြို့အနောက်ပိုင်းရပ်ကွက်ရှိ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်၌ ဖေဖော်ဝါရီလ(၁)ရက်မှ (၁၄)ရက်အတွင်း ကြက်သွန်နီအသစ် မိုးစိုက်(ဥစိုက်)များသော ဆိပ်ဖြူမြို့ ဧရာဝတီမြေနုကျွန်းပေါ်ဒေသများနှင့် ကုန်းတွင်းပိုင်းဒေသများအပြင် ဆင်ဖြူကျွန်း၊ စလင်းမြို့နယ်များမှ နေ့စဉ်ဝင်ရောက်လျက်ရှိပြီး (၁)ရက်လျှင် ပျမ်းမျှပိဿာ(၇)သောင်းခွဲခန့် (၂)ပတ် အတွင်း စုစုပေါင်းပိဿာချိန် (၁၀)သိန်းခန့် ကုန်စည်ဒိုင်သို့ ဝင်ရောက်ခဲ့ကြောင်း သိရှိရပါသည်။
