ပြည်တွင်းကုန်သွယ်မှုသတင်းများ
တောင်ငူခရိုင်၊ ဖြူးမြို့၊ သပြေလှကျေးရွာရှိ ဦးချစ်ဖြိုးဝင်းပိုင်၏ ဝါးဆိုင်တွင် ဝါးအမျိုးအစား စုံလင်စွာရောင်းချပေးလျက်ရှိပါသည်။ ထို့ပြင် ဝါးနှင့်ဆက်စပ်ပစ္စည်းများဖြစ်သည့် ဝါးထရံ၊ ဝါး ကုလားထိုင်များနှင့် ဝါးနှီးများကိုလည်းရောင်းချပေးလျက်ရှိပါသည်။
မြန်မာနိုင်ငံစက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားစျေးနှုန်းများအား နေ့စဉ်ထုတ်ပြန်ပေးလျှက်ရှိပါသည်။
တောင်ငူမြို့၊ ကန်လမ်းရှိ 555 စီပီကြက်အစာနှင့် ကြက်ဥ၊ ဘဲဥအရောင်းဆိုင်တွင် ၂၀၂၃ခုနှစ်၊ ဇူလိုင်လ ၂၀ရက်နေ့တွင် ကြက်ဥတစ်လုံးလျှင် အကြီးအသေးအလိုက် အသေးတစ်လုံးလျှင် ၂၄၀ကျပ်နှင့် အကြီးတစ်လုံးလျှင် ၂၇၀ကျပ်ဈေးနှုန်းတို့ရှိခဲ့ပါသည်။
မကွေးတိုင်းတောင်သူဖွံ့ဖြိုးတိုးတက်ရေးအဖွဲ့မှ ဦးဆောင်ကျင်းပသည့် သီးနှံစုပေါင်းရောင်းချပွဲသို့ ဈေးနှုန်းဈေးကွက်အခြေအနေသိရှိရန် (၂၇.၇.၂၀၂၃)ရက်နေ့ နံနက်(၁၀း၀၀)နာရီအချိန်တွင် စလင်းမြို့၊ ရွှေမန်းကဇာတ်ရုံရှိ ရောင်းဝယ်ရေးစင်တာသို့ မြို့နယ်တာဝန်ခံဦးစီးမှူး ဦးဆန်းလင်းမောင်နှင့်ဝန်ထမ်းများ သွားရောက်လေ့လာခဲ့ပါသည်။
ရွှေမြန်မာတို့၏ ပရဆေးကုန်ကြမ်းများကို တောင်ကိုရီးယားနိုင်ငံကဝယ်ယူနေကြောင်း သတင်းကောင်းကြားသိရပါသည်။ တောင်ကိုရီးယားနိုင်ငံကဝယ်ယူသည့် ပရဆေးအမယ်သစ်များမှာ ချဉ်ပေါင်ဖာလာ၊ ဆပ်သွားသီး၊ ရှည့်မတက်ဥ၊ ဆင်တုံးမနွယ်၊ ဆီမီးတိုင်၊ ဝံအူမြစ်၊ ကန့်ဂလူ၊ မိုးမျှော်ဥ၊ မကပ်သီး၊ စမုံညို၊ တောထန်းမြစ်နှင့် ကြောင်လျှာစေ့တို့ဖြစ်ပါသည်။ တောင်ငူမြို့ရှ
