သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၅.၅.၂၀၂၅)ရက်နေ့ နံနက် (၁၀:၄၅) နာရီအချိန်တွင် အင်္ဂပူမြို့၊ အောက်ရွာကြီးကျေးရွာရှိ မြင့်ရတနာဆန်စက်၌ ဆန်စက်လုပ်ငန်းရှင် ဦးထက်မြက်နိုင် နှင့်တွေ့ဆုံ၍ ပြည်တွင်းကုန်သွယ်မှုဖွံ့ဖြို့ရေးနှင့် SME လုပ်ငန်းများဖွံ့ဖြိုး တိုးတက်စေ ရေး ဆွေးနွေးခြင်း ဆောင်ရွက်ခဲ့ပါသည်။

   ထိုသို့တွေ့ဆုံဆွေးနွေးရာတွင် မြန်မာနိုင်ငံဆန်စပါးအသင်းချုပ် MRF မှ လအလိုက် ထုတ်ပြန် ပေးသော သင့်တင့်မျှတသောဈေးကွက်ဈေးနှုန်းဖြင့်  ဆန်များဖြန့်ဖြူး ရောင်းချနိုင်ရေးကိုကြော်ငြာချက် ပါ ဆန်ဈေးနှုန်းများနှင့်အညီ ရောင်းချရန်နှင့် ဈေးနှုန်းမြှင့်တင်‌ရောင်းချခြင်း၊ အရည်အသွေးမမှန်မကန် ရောင်းချခြင်းများ မပြုလုပ်ရန် ဆွေးနွေးပါသည်။ ထို့အပြင် စီးပွားရေးလုပ်ငန်းရှင်များအနေဖြင့် ဆန်ဈး ကွက်ရှိရာ မြို့နယ်အတွင်း / မြို့နယ်ပြင်ပများသို့ ချိတ်ဆက်တင်ပို့ရောင်းချခြင်း၊ တိုင်းပြင်ပများသို့ ဆန် များ တင်ပို့ရောင်းချရာတွင် ကုန်တင်လွှာစနစ်ဖြင့် တင်ပို့ရောင်းချခြင်းများအား ပူးပေါင်း ဆောင်ရွက်ရန် လိုအပ်ကြောင်း၊ သက်ဆိုင်ရာဌာနများ၏ထုတ်ပြန်ထားသော ညွှန်ကြားချက်များအတိုင်းလိုက်နာဆောင် ရွက်ရန်၊ ဆန်စပါးကဏ္ဍဖွံ့ဖြိုးတိုးတက်စေရေး ပူးပေါင်းဆောင်ရွက်သွားရန်၊  ကုန်စည် နှင့်စပ်လျဉ်း၍ အာမခံချက်ပေးရာတွင်လည်း စားသုံးသူများစိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီ သော ကုန်စည်များကိုသာရောင်းချရန်၊စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန် များအကြောင်း၊တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည့်တို့ကို ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

    ၂၀၂၅ ခုနှစ် မေလ ၂ ရက်နေ့ နံနက်(၈:၀၀)အချိန်တွင် မြို့နယ်စိုက်တိုးမြှင့် ဥက္ကဌနှင့် အဖွဲ့ဝင်များသည် ဟင်္သာတခရိုင်၊ဟင်္သာတမြို့နယ်၊ယုံသလင်းတိုက်နယ်၊သင်္ဘန်းကုန်းကျေးရွာအုပ်စုရှိတောင်သူ ဦးချစ်ထွန်း၏ လယ်မြေဧရိယာ၌ ကျင်းပပြုလုပ်သော ၂၀၂၅ ခုနှစ် မိုးစပါးရာသီတွင် မြေဆီလွှာဖွံ့ဖြိုး တိုးတက်ရေးအတွက် ပိုက်ဆံလျှော်မျိုးစေ့ပေးအပ်ခြင်းနှင့် ကြဲပက်ပွဲအခမ်းအနားသို့  တက်ရောက်ကြ ကာ ဟင်္သာတမြို့နယ်စိုက်တိုးမြှင့်အဖွဲ့ဝင်များနှင့်အတူ  စားသုံးသူရေးရာဦးစီးဌာန၊  ဟင်္သာတမြို့နယ် တာဝန်ခံမှ ထိုအခမ်းနားသို့ တက်ရောက်ခဲ့ကြပါသည်။

     အဆိုပါအခမ်းအနားကို ဟင်္သာတခရိုင်၊ဟင်္သာတမြို့ ယုံသလင်းတိုက်နယ်၊သင်္ဘန်းကုန်းကျေးရွာအုပ်စုရှိ တောင်သူ ဦးချစ်ထွန်း၏ လယ်မြေ(၃ ဧက)၌ သစ်စိမ်းမြေဩဇာ(ပိုက်ဆံလျှော်)များ ကြဲပက်လျက်ရှိကာ အဆိုပါ သစ်စိမ်းမြေဩဇာ ကြဲပက်ခြင်းကြောင့် မြေဆီလွှာဖွံ့ဖြိုးတိုးတက်စေရေး၊ မိုးစပါးအထွက်နှုန်းတိုးတက်လာစေရန်နှင့် ဓါတ်မြေဩဇာသုံးစွဲမှုကို လျော့ချနိုင်ကာ သဘာဝပတ်ဝန်း ကျင်ရှိ မြေဆီလွှာ၊ ရေ တို့တွင် ဓါတုအဆိပ်သင့်မှု လျော့နည်းစေ၍ မြေဆီလွှာ၏ ချဉ်ငံဓါတ်ကိုလည်း ထိန်းညှိပေးသည့်အကျိုးကျေးဇူးများစွာ ရရှိနိုင်ကြောင်း မြို့နယ်စိုက်တိုးမြှင့်အဖွဲ့တာဝန်ရှိသူမှ ရှင်းလင်းဆွေးနွေးခဲ့ပြီး ဒေသခံတောင်သူများ တက်ရောက်ကာ သစ်စိမ်းမြေဩဇာ(ပိုက်ဆံလျှော်)မျိုးစေ့များအား ပေးအပ်ခြင်း အခမ်းအနား ကျင်းပခဲ့ပြီး နံနက်(၁၀:၃၀)အချိန်တွင် အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။  

DOCA(ဧရာဝတီ)

   မြို့နယ်စီမံအုပ်ချုပ်ရေးကောင်စီ၏ အစီအစဉ် လမ်းညွှန်မှုဖြင့်   ညောင်တုန်း မြို့နယ်အတွင်းရှိ ဒေသခံပြည်သူများ ကြက်ဥ၊ ဘဲဥ နှင့် ဆန်၊ ဆီ၊ ကြက်သား၊ ဝက်သား၊ ငါးများကို သက်သာသော ဈေးဖြင့် ဝယ်ယူနိုင်ရန်  ၂.၅.၂၀၂၅ မှ ယနေ့ ၅-၅-၂၀၂၅ရက်နေ့အထိ နံနက်ပိုင်းက ကုန်ဈေးနှုန်းတည်ငြိမ်ရေးလူပ်ငန်းအဖွဲ့များဖြင့် (၃)ရပ်ကွက်၊ (၄)ရပ်ကွက်၊ (၇)ရပ်ကွက်၊ (၉)ရပ်ကွက်နှင့် ဆားမလောက်ဈေး၊ တာကွေ့ဈေး၊ ကြိမ်ပင်ဆယ်ကျေးရွာ၊ မဲဇလီကျေးရွာများတွင် အဖွဲ့စုံခွဲ  စုပေါင်း၍ ရောင်းချလျက်ရှိကြောင်း သိရသည်။

   ထိုသို့ရောင်းချရာတွင် ကြက်ဥတစ်လုံး(၃၅၀-၄၅၀)၊ ဘဲဥတစ်လုံးလျှင် ၄၅၀-၅၀၀ ကျပ်နှုန်းဖြင့်လည်းကောင်း၊ ကြက်ဥအလုံးရေ (၁၆၄၀၀)၊ ဘဲဥအလုံးရေ (၂၂၅၀) ဈေးဖြင့် (၁၅.၁၁.၂၀၂၄)ရက်နေ့တွင်ရောင်းချပြီး ၅.၅.၂၀၂၅ ရက်နေ့ကလည်း ကြက်ဥအလုံးရေ (၁၆၄၀၀)နှင့် ဘဲဥအလုံးရေ (၂၂၅၀)ကို Social Distancing နှင့်အညီ ရောင်းချပေးခြင်းဖြစ်ကြောင်း သိရသည်။

      ဆန် ၁၀ပြည်ကို လူတစ်ဦး လျှင် ၁ပြည်နှုန်း ဆန်ဈေး  ၁ပြည် (၃၀၀၀)ကျပ်၊ ဆီ ၃၀ပိဿာ လူတစ်ဦး ၅၀ကျပ်သား၊ ဆီဈေး ၁ပိဿာ ၇၁၈၀ ကျပ်၊ ဝက်သား၁၅ပိဿာ လူတစ်ဦး ၂၀ ကျပ်သားဖြင့် ၁ပိဿာ ၁၉၀၀၀ကျပ်ဈေးဖြင့်လည်းကောင်း၊ ကြက်သား ၁၀ပိဿာ လူတစ်ဦးလျှင်  ၃၀ကျပ်သားဖြင့် ကြက်သားဈေးနှုန်း ၁ပိဿာ ၁၈၀၀၀ကျပ်ဖြင့် လည်းကောင်း၊ ငါး ၁၅ပိဿာ လူတစ်ဦး ၃၀ကျပ်သားဖြင့် ငါးဈေး ၁ပိဿာ ၆၀၀၀ကျပ်ဖြင့်လည်းကောင်း ရောင်းချပေးလျက်ရှိကြောင်း သိရပါသည်။

DOCA(ဧရာဝတီ)

   ဓနုဖြူမြို့နယ်ရှိ မြို့နယ်တာဝန်ခံရုံးမှ ဝန်ထမ်းများ ၁-၅-၂၀၂၅ ရက်နေ့က နွေရာသီအကုန် မိုးအကူး ကာလသို့ ရောက်ရှိလာပြီဖြစ်သဖြင့် ရုံးပတ်ဝန်းကျင် သန့်ရှင်းသာယာမှု ရှိစေရန် ခြင်၊ ယင် ကင်းဆင်စေရန် ရုံးတွင်း/ပြင် သန့်ရှင်းရေးဆောင်ရွက်မှု ပြုလုပ်ခဲ့ကြသာ်။

      စားသုံးသူရေးရာဦးစီးဌာန၊ ဓနုဖြူမြို့နယ်တာဝန်ခံရုံးမှ ဝန်ထမ်းများသည် ရုံးပတ်ဝန်းကျင်သာယာလှပရေးအပါတ်စဉ် လစဉ် သန့်ရှင်းရေးကို ဆောင်ရွက်လျက်ရှိပြီး ပေါင်းမြက်များနှင့် အမှိုက်သရိုက်များ၊ ခြုံနွယ်ပိတ်ပေါင်းများကို ခုတ်ထွင်ရှင်လင်း ဆောင်ရွက်ခဲ့ကြပြီး၊ စည်ပင်သာယာရေးအဖွဲ့ပိုင် အမှိုက်သယ်ယာဉ်ဖြင့် မြို့ပြင်အမှိုက်ကျင်းသို့ ပို့ဆောင်ပေးခဲ့ကြကြောင်း သိရသည်။

DOCA(ဧရာဝတီ)

    သုံးစွဲရန်မသင့်သည့် အလှကုန်ပစ္စည်း အမျိုးအစားပေါင်း (၂၀) ကို FDA Myanmar ထုတ်ပြန် ထားသဖြင့် စားသုံးသူရေးရာဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့၊ တိုင်းရင်းဆေးပညာဦးစီးဌာနဆို့ပူးပေါင်း၍ မြို့နယ်တွင်းရှိ အလှကုန်အရောင်းဆိုင်များကို လစဉ်ဈေးကွက်စောင့်ကြည့်စစ်ဆေးလျက်ရှိသည်။

   ၄-၅-၂၀၂၅ ရက်နေက ဓနုဖြူမြို့နယ်ဦးစီးမှူးဦးဝင်းမင်းစိုးနှင့် ပူးပေါင်းအဖွဲ့သည် နေ့လည် (၁၁၀၀)အချိန်က အလှကုန်နှင့် စတိုးဆိုင်၅ရပ်ကွက်ရှိ ဦးခင်ရွှေ၊ ဒေါ်အေးအေးမာ၊ ဦးဇော်မြင့်၊ ဦးနေအောင်၊ ဒေါ်နွယ်နွယ်ဝင်း အလှကုန်ဆိုင် မှ ရောင်းချသော အလှကုန်များကို ဘေးအန္တရာယ်ကင်းရှင်းစေရေးနှင့် တရားမဝင်ကုန်စည်များ ရောင်းချခြင်းမရှိ MLM အလှကုန်ပစ္စည်းဈေးကွက်အတွင်း တရားဝင်လမ်းကြောင်းမှတစ်ဆင့် တင်သွင်းလာ သော ပြီး ရောင်းချခြင်း ရှိ/မရှိကို စစ်ဆေးခဲ့ကြပြီး ဓနုဖြူမြို့နယ်အလှကုန်ဈေးကွက်များအတွင်း မှတ်ပုံတင် Brand များကိုသာ ဈေးကွက်အတွင်းဦးစားပေးရောင်းချနေကြောင်း စစ်ဆေးတွေ့ရှိရသည်။   စားသုံးသူကာကွယ်ရေးဥပဒေပါ အခန်း(၁၈)တွင်ပါရှိသည့် ကုန်အညွှန်းအမှတ်အသားဖော်ပြချက်များနှင့် ကိုက်ညီမှုရှိသောကုန်စည်များ ဖြန့်ဖြူးရောင်းချခြင်းရှိ/ မရှိစစ်ဆေးခြင်းနှင့် ဥပဒေပါ အခန်း(၁၁)ရှိ ကုန်စည်နှင့်ပတ်သက်၍အာမခံချက်ပေးခြင်းနှင့် အခန်း(၁၇)ပါ ကုန်စည် (သို့မဟုတ်) ဝန်ဆောင်မှုအပေါ်တာဝန်ရှိမှုနှင့် စပ်လျဉ်း၍ ‌ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)