သတင်းနှင့် လှုပ်ရှားမှုများ

       မြိတ်ခရိုင်စားသုံးသူရေးရာဦးစီးဌာနမှ ဦးဆောင်၍  ကုန်စည်များတွင် ကုန်အညွှန်းအမှတ် အသားပြည့်စုံစွာပါရှိစေရေးအတွက်  ဦးစားပေးကုန်စည်တစ်မျိုးဖြစ်သည့် အချိုရည်ဗူးများကို ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၊ ခရိုင်အသေးစားစက်မှုလက်မှုလုပ်ငန်းဦးစီးဌာန၊ ခရိုင်ကျန်းမာရေးဦးစီးဌာန၊ မြို့နယ်စည်ပင်နှင့် သက်ဆိုင်ရာဌာနတို့ပူးပေါင်း၍ ၂၀၂၃ခုနှစ်၊ သြဂုတ် လ(၁၁)ရက်နေ့၊ နံနက်(၁၀း၀၀)နာရီအချိန်တွင် မြိတ်မြို့ပေါ်ရှိ အချိုရည်လက်ကားဒိုင်များသို့ စျေးကွက်စောင့်ကြည့်စစ်ဆေးခဲ့ကြပါသည်။

    ကရင်ပြည်နယ် ၊ ဘားအံမြို့ရှိ သံလွင်မြစ်ရေသည် (၁၀-၈-၂၀၂၃) ရက်နေ့တွင် စိုးရိမ်အမှတ်ကျော်လွန်နေ၍ ဘားအံမြို့နှင့် အနီးတဝိုက်ကျေးရွာများရှိ နေအိမ်များရေနှစ်မြုပ်လျက်ရှိရာ ခရိုင်/မြို့နယ် သဘာဝဘေးစီမံခန့်ခွဲမှုကော်မတီအဖွဲ့ဝင်များနှင့် မီးသတ်တပ်ဖွဲ့ဝင်များ၊ လူမှုကယ်ဆယ်ရေးအသင်းအဖွဲ့များနှင့်အတူ စားသုံးသူရေးရာဦးစီးဌာန ပြည်နယ်ဦးစီးမှုဦးသန်းဦးပါ ဝန်ထမ်းများသည် လှာကာကျေးရွာအုပ်စု သုဓမ္မရံသီဘုန်းကြီးကျောင်းရှိ ရေဘေးစခန်းဖွင့်လှစ်ထားသည့်နေရာတွင် ကြီးကြပ်မှုဆောင်ရွက်ခဲ့ကြောင်း သိရသည်။