သတင်းနှင့် လှုပ်ရှားမှုများ
စားသုံးသူရေးရာဦးစီးဌာန ဇလွန်မြို့နယ်၊ မြို့နယ်တာဝန်ခံသည် လမ်းမတော်(မ)ရပ်ကွက်ရှိ မြို့မဈေးအတွင်း ဈေးတာဝန်ခံရုံး၌ ကုန်စုံဆိုင်လုပ်ငန်းရှင်များအား (၁၀.၃.၂၀၂၄) ရက်နေ့ ၊ နံနက် (၁၀:၃၀) နာရီအချိန်တွင် စားသုံးသူကာကွယ်ရေး အသိပညာပေးဟောပြောခြင်း ဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ ဇလွန်မြို့နယ်ဦးစီးမှူးနှင့်အဖွဲ့သည် ဇလွန်မြို့နယ် ညောင်ပင်ဈေးရပ်ကွက်ရှိ သိမ်ကျောင်း ဓမ္မာရုံတွင် ယဉ်ကျေးလိမ္မာသင်တန်းသား/သင်တန်းသူ(၃၀)ဦးအား (၁၅.၃.၂၀၂၄) ရက်နေ့ နေ့လယ်(၁၄:၀၀) နာရီ တွင် စားသုံးသူကာကွယ်ရေး အသိပညာပေး ဟောပြောခြင်းများ ကိုဆောင်ရွက်ခဲ့ပါသည်။
စားသုံးသူရေးရာဦးစီးဌာန လေးမျက်နှာမြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူးပေါင်း၍ လေးမျက်နှာမြို့နယ်၊ ခမောက်စုရွာအတွင်းရှိ ဆေးဆိုင်များအား (၈.၃.၂၀၂၄)ရက်နေ့၊ နံနက် (၀၉:၀၀) နာရီအချိန်တွင် ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။
စားသုံးသူရေးရာဦးစီးဌာန ဟင်္သာတမြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း၍ ဟင်္သာတမြို့နယ် ၊ ပဒေသာဈေးအတွင်းရှိ ဆေးဆိုင်များအား (၁၁.၃.၂၀၂၄)ရက်နေ့၊ နေ့လယ် (၁၃:၀၀) နာရီအချိန်တွင် ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။
စားသုံးသူရေးရာဦးစီးဌာန မြန်အောင်မြို့နယ်ဦးစီးမှူးနှင့်အဖွဲ့သည် အမှတ်(၁)ရပ်ကွက်၊ ရုံးလမ်း မြို့နယ်ထွေအုပ်ရုံးအစည်းအဝေးခန်းမ၌ ဆီလုပ်ငန်းရှင်များအား (၁၁.၃.၂၀၂၄) ရက်နေ့ နံနက်(၁၁:၀၀) နာရီ အချိန်တွင် စားသုံးသူကာကွယ်ရေးအသိပညာပေးဟောပြောခြင်း ဆောင်ရွက်ခဲ့ပါသည်။
