သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးတင်မောင်ထွန်းနှင့် ဝန်ထမ်းများသည် (၁၄.၁.၂၀၂၂)ရက်နေ့(၁၃:၀၀)နာရီတွင် မြစ်ကြီးနားမြို့၊ရှမ်းစုတောင်ရပ်ကွက်နှင့် မင်းရပ်ရပ်ကွက်ရှိ စားသုံးဆီရောင်းချသည့်ဆိုင်များသို့ သွားရောက်၍ ဟင်းသီးဟင်းရွက်ဆီနှင့် စပ်လျဉ်းပြီး ကုန်အညွှန်းအမှတ်အသားဖော်ပြရာတွင် စီးပွားရေးလုပ်ငန်းရှင်များ လိုက်နာဆောင်ရွက်ရမည့် အချက်အလက်များ ဆောင်ရွက်ထားရှိမှုရှိစေရေး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
ဧရာဝတီတိုင်းဒေသကြီး၊ မြောင်းမြခရိုင်အတွင်း စားသုံးသူအခွင့်အရေးဆိုင်ရာ သိကောင်း စရာများ အသိပညာပေး Talk Show အစီအစဉ်ကို အိမ်မဲမြို့နယ်၌ (၁၃.၁.၂၀၂၂) ရက်နေ့တွင် လည်းကောင်း၊ မော်ကျွန်းမြို့နယ်၌ (၁၄.၁.၂၀၂၂) ရက်နေ့တွင်လည်းကောင်း ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ကျင်းပပြုလုပ်ခဲ့ပါသည်။
ကျိုက်လတ်မြို့နယ်တွင် Covid-19 ကာလအတွင်းဒေသ ထုတ်ကုန်လုပ်ငန်းများထုတ်လုပ်မှု နှေးကွေးလျက်ရှိရာ ပြန်လည်ဦးမော့လာစေရေးနှင့် လုပ်ငန်းများဖွံ့ဖြိုးတိုးတက်လာစေရန် ရည်ရွယ်၍ ကျိုက်လတ်မြို့နယ်စားသုံးသူရေးရာဦးစီးဌာနမှမြို့နယ်တာဝန်ခံ ဦးစိုးမင်းထိုက်သည် ငါးရံ့ခြောက်ဖုတ်လုပ်ငန်း ရှင်အသင်းများနှင့် ၂၀၂၂ ခုနှစ်၊ ဇန်နဝါရီလ(၁၀)ရက်နေ့၊ နေ့လည်(၁၃:၀၀)နာရီတွင် မြို့နယ်စားသုံးသူရေးရာ ဦးစီးဌာနရုံး၌ တွေ့ဆုံဆွေးနွေးခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ ပဲခူးတိုင်းဒေသကြီး သနပ္ပင်မြို့နယ် တာဝန်ခံသည် သနပ္ပင်မြို့နယ်အတွင်းရှိ ၂၀၂၁ခုနှစ် မိုးရာသီလယ်သမားများစိုက်ပျိုးခဲ့သည့် မိုးစပါးများ တစ်ဧက ထွက်ရှိမှုများနှင့် ပတ်သက်၍ ၆.၁.၂၀၂၂ ရက်နေ့တွင် သွားရောက်မေးမြန်းခဲ့ပါသည်။
စားသုံးသူရေးရာဦးစီးဌာန ၊ ပဲခူးတိုင်းဒေသကြီး ၊ သာယာဝတီခရိုင်၊ ခရိုင်ဦးစီးမှူးမှ ဦးဆောင်၍ လက်ပံတန်းမြို့နယ် တာဝန်ခံနှင့် ဝန်ထမ်းများသည် ၁၂.၁.၂၀၂၂ ရက်နေ့၌ လက်ပံတန်းမြို့နယ်ရှိ ရွှေဗျိုင်းဖြူ စက်သုံးဆီအရောင်းဆိုင်သို့သွားရောက်၍ စက်သုံးဆီတို့၏ အရည်အသွေး ၊ အချိန်အတွယ် ပြည့်ဝမှန်ကန်မှု ရှိစေရေးနှင့် သတ်မှတ်ထားသည့် ခွဲ့တမ်းများ စျေးနှုန်းများ မှန်ကန်မှုရှိစေရေး စျေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြပါသည်။
