သတင်းနှင့် လှုပ်ရှားမှုများ
၂၀၂၄ ခုနှစ် ဒီဇင်ဘာလ ၄ ရက်နေ့ နံနက် (၁၁:၀၀)နာရီအချိန်တွင် မြန်အောင်မြို့နယ် ၊အမှတ်(၆)၊ ရွှေဘုံသာရပ်ကွက်ရှိ အုပ်ချုပ်ရေးမှူးရုံးခန်း၌ “ပြည်ကျော်”မုန့်မျိုးစုံလုပ်ငန်းရှင် ဦးမျိုးကိုနှင့်တွေ့ဆုံဆွေးနွေးခြင်း ဆောင်ရွက်ခဲ့ကြောင်းသိရသည်။
စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ အခြေခံပညာဦးစီးဌာနတို့နှင့်ပူးပေါင်း၍ (၃.၁၂.၂၀၂၄)နေ့ နေ့လယ်(၁၃:၀၀)နာရီ အချိန်တွင် ဇလွန်မြို့၊ ဒိုက်အင်းကျေးရွာရှိ အခြေခံပညာမူလတန်းတွင် ဆရာ၊ဆရာမ နှင့် ကျောင်းသား၊ကျောင်းသူ ၉၅ ဦးအား စားသုံးသူကာကွယ်ရေးအသိပညာပေးခြင်းနှင့် စာဖတ်ရှိန်မြှင်တင်ရေး အသိပညာပေး ဟော ပြောပွဲကို ဆောင်ရွက်ခဲ့ကြောင်းသိရသည်။
ဟင်္သာတခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့သည် (၃.၁၂.၂၀၂၄)ရက်နေ့ နံနက်(၀၉:၃၀)နာရီအချိန်မှစတင်၍ လေးမျက်နှာမြို့ပေါ်ဈေးရှိ ကုန်စုံဆိုင်များတွင် တရားမဝင်ကုန်စည် များရောင်းချခြင်းရှိ/ မရှိကိုလည်းကောင်း၊ လေးမျက်နှာမြို့နယ်၊ ပုသိမ်-မုံရွာကားလမ်းရှိ ပန်းတောကြီးဂိတ်တွင် ဖြတ်သန်းသွားလာသော မော်တော်ယာဉ်များတွင် တရားမဝင်ကုန်စည်များ သယ်ယူပို့ဆောင်ခြင်းရှိ/ မရှိကိုလည်းကောင်း ရှောင်တခင်ကွင်းဆင်းစစ်ဆေးခဲ့ကြောင်းသိရသည်။
(၅.၁၂.၂၀၂၄) ရက်နေ့ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဒုတိယပြည်နယ်ဦးစီးမှူးနှင့် ဝန်ထမ်းများသည် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနတွင် ပို့ကုန်သွင်းကုန်လုပ်ငန်းရှင်မှ မှတ်ပုံတင်အသစ်လျှောက်ထားလာသော မွန်ပြည်နယ်၊ မော်လမြိုင်မြို့ရှိ ကုမ္ပဏီများသို့ ကွင်းဆင်းစစ်ဆေးခဲ့ကြောင်းသိရသည်။
ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးတင်စိုးနိုင်(ဒု-ဦးစီးမှူး) ဦးဆောင်၍ (၆-၁၂-၂၀၂၄)ရက်နေ့၊ နံနက်(၀၉း၀၀)နာရီအချိန်တွင် ပုဗ္ဗသီရိမြို့နယ်၊အခြေခံပညာမူလတန်းလွန် ကျောင်း(စက်ကုန်း)နှင့် နံနက်(၁၀:၃၀)အချိန်တွင် အခြေခံပညာအလယ်တန်းကျောင်း(အောင်သာယာ)ကျောင်းများသို့ စားသုံးသူအခွင့်အရေးများနှင့် လုပ်ငန်းတာဝန်များအကြောင်း၊ အွန်လိုင်းမှဝယ်ယူခြင်းနှင့် စပ်လျဉ်း၍ သိကောင်းစရာများ အသိပညာပေးဟောပြောပွဲများ ပြုလုပ်ခဲ့ပါသည်။
