သတင်းနှင့် လှုပ်ရှားမှုများ
ကရင်ပြည်နယ် စားသုံးသူရေးရာကော်မတီ၏လုပ်ငန်းညှိနှိုင်းအစည်းအဝေး (၄/၂၀၂၄) ကို ၂၁-၁၁-၂၀၂၄ ရက် (ကြာသပတေးနေ့)၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၊ အစည်းအဝေးခန်းမ၌ ကျင်းပရာ အစည်းအဝေးတွင် ကရင်ပြည်နယ် စားသုံးသူရေးရာကော်မတီ ဒုတိယဥက္ကဋ္ဌ ဒေါက်တာတင်နွယ်ရီနှင့် ကော်မတီအဖွဲ့ ဝင်များ တက်ရောက်ခဲ့ကြသည်။
စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် ၂၁-၁၁-၂၀၂၄ ရက်နေ့တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်း၍ ချောင်းဆုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနခန်းမ၌ ကုန်အညွှန်းအမှတ်အသားဖော်ပြခြင်းဆိုင်ရာ သိပညာပေး "Talk Show" ကျင်းပပြုလုပ်ခဲ့ပါသည်။
၂၀၂၄ ခုနှစ်၊ နိုဝင်ဘာလ ၂၃ ရက်(စနေနေ့)၊ နံနက်(၁၀း၀၀)နာရီအချိန်တွင် တနင်္သာရီတိုင်းဒေသကြီးအစိုးရအဖွဲ့၊ သုံးထပ်ဆောင်အစည်းအဝေးခန်းမ၌ တနင်္သာရီတိုင်းဒေသကြီးဓာတ်သတ္တု (ရွှေ) ရောင်းဝယ်ခြင်းဝန်ဆောင်မှုလုပ်ငန်း ကနဦးစိစစ်ရေးအဖွဲ့၏ (၁/၂၀၂၄) ကြိမ်မြောက်လုပ်ငန်း ညှိနှိုင်းအစည်းအဝေးအားကျင်းပခဲ့ရာ အဖွဲ့ဝင် တနင်္သာရီတိုင်းဒေသကြီး စားသုံးသူရေးရာဦးစီးဌာန၊ တိုင်းဦးစီးမှူးမှ တက်ရောက်ခဲ့ပါသည်။
၂၀၂၄ခုနှစ်၊ နိုဝင်ဘာလ(၂၂)ရက်နေ့၊ နံနက်(၉း၃၀)အချိန်တွင် မြိတ်ခရိုင် အသေးစားစက်မှုလက်မှုလုပ်ငန်းဦးစီးဌာနမှ မြိတ်ခရိုင်အတွင်း အလုပ်အကိုင်အခွင့်အလမ်းများ ပေါ်ပေါက်လာစေရေးနှင့် ကျေးလက်နေလူနေမှု အဆင့်အတန်းမြင့်မားလာစေရေးအတွက် မြိတ်မြို့၊ ရွှေဘေးကျေးရွာအုပ်စုရှိ ရပ်ကွက်နေပြည်သူများအား စားသောက်ကုန်ထုတ်လုပ်မှုနည်းပညာသင်တန်း ကျင်းပဆောင်ရွက်ခဲ့ပါသည်။
တနင်္သာရီတိုင်းဒေသကြီး၊ မြိတ်ခရိုင်အတွက် လိုအပ်သောဆန်များကို မြိတ်ဆန်ကုန်များ အသင်းမှ ဝယ်ယူလျက်ရှိပြီး ဧရာဝတီတိုင်းဒေသကြီး၊ ဒေးဒရဲမြို့နယ်မှ MS- ပြည့်ဖြိုး အောင်(၉) ရေယာဉ်ဖြင့် (၁၇.၁၁. ၂၀၂၄) ရက်နေ့တွင် တင်ဆောင်လာသော ဆန်တန်(၁၅၀)၊ အိတ်ရေ(၃၀၀၀)နှင့် ကျိုတ်လတ်မြို့နယ်မှ MV-မြမြမွန်ရေယာဉ်ဖြင့် (၁၈.၁၁.၂၀၂၄)ရက်နေ့ တွင်တင်ဆောင်လာသော ဆန်တန်(၄၇၅)တန် အိတ်ရေ(၉၅၀၀)တို့သည် (၂၂.၁၁.၂၀၂၄)တွင် မြိတ်မြို့သို့ ရောက်ရှိလာခဲ့ပါသည်။
