သတင်းနှင့် လှုပ်ရှားမှုများ
၁၈.၆.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ကျိုက်မရောမြို့နယ်တာဝန်ခံ ဦးစိုးညီညီသည် ကျိုက်မရောမြို့နယ်၊ သိန်ဖြူကုန်း မူလတန်းလွန် ကျောင်း၌ ဆရာ၊ ဆရာမများနှင့် ကျောင်းသား၊ ကျောင်းသူများအား စားသုံးသူကာကွယ်ရေးဆိုင် ရာ အသိပညာပေး ဟောပြောပွဲ ဆောင်ရွက်ခဲ့ပါသည်။
၁၇.၆.၂၀၂၅ ရက်နေ့ နံနက် (၁ဝး၀၀) နာရီအချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ကျိုက်မရောမြို့နယ်တာဝန်ခံ ဦးစိုးညီညီသည် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနနှင့် ပူးပေါင်း၍ “စားသုံးသူကာကွယ်ရေး အသိပညာပေး Talk Show”အား လူထုအခြေပြုဗဟိုဌာန (Community Centre) ခန်းမတွင် ပြုလုပ်ခဲ့ကြောင်း သိရှိရပါသည်။
ကျုံပျော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံသည် မြို့နယ်ကုန်ဈေးနှုန်း တည်ငြိမ်ရေးလုပ်ငန်းအဖွဲ့ဝန်ထမ်းများနှင့် အတူ(၁၉.၆.၂၀၂၅) ရက်နေ့၊ နံနက် (၉း၀၀) နာရီအချိန်တွင် ကျုံပျော်မြို့မဈေး စည်ပင်ဈေးအတွင်းရှိ မီးဖိုချောင်သုံးပစ္စည်းရောင်းချသည့် ကုန်မျိုးစုံဆိုင်များ၊ ကြက်ဥ၊ ဘဲဥ ရောင်းချသောဆိုင်များသို့ သွားရောက်၍ အမျိုးအစားအလိုက်ရောင်းချလျက်ရှိသော ကုန်ဈေးနှုန်းများ ကောက်ယူခြင်းနှင့် ဈေးကွက်စောင့်ကြည့်စစ်ဆေးများ ဆောင်ရွက်ခဲ့ကြောင်း သိရှိရပါသည်။
ရေကြည်မြို့နယ်၊ ကွမ်းသီးချောင်းကျေးရွာ၊ ကွင်းအမှတ် (၈၅၇)၊ ဦးပိုင်အမှတ် ၁၁/၂ တောင်သူဦးမောင်မောင်သန်း၏ လယ် (၁၀) ဧကတွင် ပိုက်ဆံလျှော် သစ်စိမ်းမြေဩဇာထည့်သွင်း စိုက်ပျိုးခြင်း အခမ်းအနား ကျင်းပခဲ့ပါသည်။
ထိုအခမ်းအနားသို့ စိုက်တိုးမြင့်အဖွဲ့ဥက္ကဌဦးစောထွန်းဝင်း၊ မြို့နယ်စိုက်တိုးမြင့်အဖွဲ့ဝင်များ၊ ဌာနဆိုင်ရာအကြီးအကဲများနှင့် တောင်သူများ စုစုပေါင်း (၁၅၀) ဦးခန့် တက်ရောက်ခဲ့ကြောင်း သိရှိရပါသည်။
DOCA(ဧရာဝတီ)
ပုသိမ်ခရိုင်၊ သာပေါင်းမြို့နယ်၊ ၁၉.၆.၂၀၂၅ ရက်နေ့တွင် သီရိရွှေသာဈေး၌ တိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ဆရာဝန်ကြီး ဒေါက်တာထွန်းပွား၊ စားသုံးသူရေးရာဦးစီးဌာနမှ မြို့နယ်ဦးစီးမှူး၊ စည်ပင်သာယာရေးအဖွဲ့၊ မြို့နယ်မွေးမြူရေးနှင့် ကုသရေးဦးစီးဌာနတို့နှင့် ပူးပေါင်း၍ ရှောင်တခင်ဝင်ရောက််စစ်ဆေးခြင်း၊ ဈေးကွက်နမူနာ ကောက်ယူခြင်း လုပ်ငန်းများ ဆောင်ရွက်ခြင်းနှင့် ဖော်မလင်ပါဝင်သည့် ပဲပြားများအား အဖွဲ့ဖြင့် ပူးပေါင်းဆောင်ရွက် ခြင်းများ ပြုလုပ်ခဲ့ကြောင်း သိရှိရပါသည
