ကုန်သွယ်မှုသတင်းများ
အိန္ဒိယနိုင်ငံ၌ အခွံပါစပါးများ၊ အခွံချွတ်ပြီးဆန်လုံးညိုများနှင့် ပေါင်းဆန်များအား ပြည်ပသို့တင်ပို့ခြင်းအတွက် စည်းကြပ်သော အခွန်နှုန်းထားများကို ၂၀ ရာခိုင်နှုန်း ကောက်ခံလျက်ရှိရာမှ ၁၀ ရာခိုင်နှုန်းသို့ လျှော့ချခဲ့ပါသည်။
ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတကုန်စည်ဒိုင်တွင် ၂၀၂၄ခုနှစ်၊ စက်တင်ဘာလ (တတိယပတ်)တွင် မတ်ပဲဈေးနှုန်းမှာ တဖြည်းဖြည်းမြင့်တက်လာ၍ ဈေးကောင်းရရှိလာပြီး အရောင်းအဝယ်ဖြစ်လျက်ရှိကာ ကုန်စည်ဒိုင်တွင်သာမက အပြင်ပွဲရုံများတွင်လည်း အရောင်းအဝယ်ဖြစ်နေကြောင်းသိရသည်။
အိန္ဒိယနိုင်ငံတွင် ဘာစမာတီမဟုတ်သော ဆန်ဖြူတင်ပို့မှုအပေါ် ပိတ်ပင်တားမြစ်ချက်အား အစိုးရက စက်တင်ဘာ ၂၈ ရက်နေ့တွင် ဖယ်ရှားပေးခဲ့ပြီး တစ်တန်လျှင် အနိမ့်ဆုံး ပို့ကုန်စျေးနှုန်း သတ်မှတ်ချက် အမေရိကန်ဒေါ်လာ ၄၉၀ နှုန်းဖြင့် ပြန်လည်တင်ပို့ခွင့်ပြုခဲ့ပါသည်။
ယခုကဲ့သို့ မှိုများထွက်ရှိချိန်တွင် စားမှိုတစ်မျိုးဖြစ်သည့် ငှက်စွေ့မှိုသည် ဝါခေါင်လပြည့်ကျော်မှ သီတင်းကျွတ်လအထိပေါက်ရောက်ပါသည်။ ပရိုတင်းမြင့်သည့် အစားအစာနှင့် သရေစာ ထုတ်လုပ်ရာတွင် ဖြည့်စွက်စာ (suppliment food) အဖြစ်ထုတ်လုပ်နိုင်သော ကျန်းမာရေးအထောက်အကူပြု စားမှိုတွင် ငှက်စွပ်မှိုသည် တစ်မျိုးအပါအဝင်ဖြစ်သည်၊၊ မှိုတွင်ပါဝင်သော ပရိုတင်း သည် ကျန်းမာရေးအကျိုးပြုမှု၊ အာဟာရတန်ဖိုးမြင့်မှု၊ ကျန်းမာရေးအထောက်အကူပြုသည့် ပစ္စည်းများစွာပါသည်။
ဖိလစ်ပိုင်နိုင်ငံတွင် စီးပွားရေးဖွံ့ဖြိုးမှုကိုမြှင့်တင်ရန်၊ ပတ်ဝန်းကျင်ထိန်းသိမ်းမှုကို တိုးမြှင့် ရန်နှင့် သန့်ရှင်းစွမ်းအင်သုံးစွဲမှုကို အထောက်အကူပြုရန်အတွက် ဒီဇယ်ဆီ၌ အုန်းဆီမှထုတ်လုပ်သည့် (Coconut Methyl Ester – CME) ဇီဝဒီဇယ်ဆီအား လက်ရှိ ၂ ရာခိုင်နှုန်းမှ တိုးမြှင့်လျက် ၃ ရာခိုင်နှုန်းအထိ ရောစပ်အသုံးပြုခြင်းကို ၂၀၂၄ ခုနှစ်၊ အောက်တိုဘာလ ၁ ရက်နေ့မှ စတင်၍ နိုင်ငံတစ်ဝန်း၌ အကောင်အထည်ဖော်ဆောင်ရွက်မည်ဟု စွမ်းအင်ဦးစီးဌာနက ကြေညာချက် ထုတ်ပြန်ခဲ့ပါသည်။
