ကုန်သွယ်မှုသတင်းများ
တရုတ်နိုင်ငံ၏ RUYI Group သည် ပါကစ္စတန်နိုင်ငံတွင် နိုင်ငံတကာအဆင့်မီ အထည်အလိပ်လုပ်ငန်းများကိုတည်ထောင်မည်ဖြစ်သည်။ ၎င်းအတွက် နားလည်မှုစာချွန်လွှာ (Mou) အား ရင်းနှီးမြှုပ်နှံမှုဘုတ်အဖွဲ့ (BOF) နှင့် RUYI Shandong Group တို့ သောကြာနေ့တွင် လက်မှတ်ရေးထိုးခဲ့သည်။ ဝန်ကြီးချုပ် Shehbaz Sharif သည် ၎င်း၏ဥက္ကဋ္ဌ Qui Yufa ဦးဆောင်သော RUYI အဖွဲ့၏ အဖွဲ့ဝင် (၉) ဦးနီးပါး ကိုယ်စားလှယ်အဖွဲ့နှင့်တွေ့ဆုံပြီးနောက် နားလည်မှုစာချွန်လွှာလက်မှတ်ရေးထိုးခြင်းကိုသက်သေခံခဲ့သည်။
ထိုင်းနှင့်မလေးရှာမှ ဒူးရင်းသီး၊ ဖိလစ်ပိုင်နိုင်ငံမှ ငှက်ပျောသီးနှင့် ဗီယက်နမ်နိုင်ငံမှ ပင်မှည့်သီးတို့အား တရုတ်နိုင်ငံ၏ စားသုံးသူမျာက ကောင်းစွာလက်ခံထားကြပြီး ယခုအခါ တရုတ်နိုင်ငံမှ ကန္တရသစ်သီးအား အရှေ့တောင်အာရှနိုင်ငံများသို့ တင်ပို့ရောင်းချလျက်ရှိကြသည်။
အိန္ဒိယနိုင်ငံ၏ ပြည်နယ်အချို့တွင် မိုးသည်းထန်စွာရွာသွန်းပြီး ရေကြီးရေလျှံမှုများ ရှိနေ သော်လည်း ယခုနှစ် ဆန်ထွက်ရှိမှုသည် ယခင်နှစ်ထက် ပိုမိုများပြားမည်ဟု စိုက်ပျိုးရေးဝန်ကြီး Shivraj Singh Chouhan က စက်တင်ဘာ ၁၉ ရက်နေ့၌ ပြောကြားခဲ့သည်။
ဗီယက်နမ်နှင့် ကနေဒါ နှစ်နိုင်ငံမှ လုပ်ငန်းရှင်နှစ်ဦးတို့ ဖက်စပ်လုပ်ကိုင်သည့် KD Trading ထောက်ပံ့ပို့ဆောင်ရေးကုမ္ပဏီသည် စျေးကွက်သုတေသနများကို စေ့စပ်သေချာစွာ လုပ်ဆောင်ခဲ့ ပြီးနောက် ကနေဒါနိုင်ငံသို့ တင်သွင်းရန် ST25 အမျိုးအစား ဆန်ထုတ်လုပ်သူများနှင့် ပူးပေါင်း ဆောင်ရွက်ခဲ့ရာ ယခုအခါ အဆိုပါ ST25 ဗီယက်နမ်ဆန်ကို တစ်ဦးတည်း ဖြန့်ဖြူးသူအဖြစ် ကနေဒါဈေးကွက်သို့ ဝင်ရောက်ခဲ့ကြောင်း Vietnam News သတင်းဌာနက ဖော်ပြပါသည်။
၂၀၂၄ ခုနှစ်၏ ပထမနှစ်ဝက်ကာလမှာပင် ပြည်ပသို့ ရော်ဘာအမြောက်အမြားတင်ပို့နိုင်ခဲ့ရာ မလေးရှားနိုင်ငံ၏ ရော်ဘာနှင့် ရော်ဘာပို့ကုန်များအား ပြည်ပသို့တင်ပို့မှုသည် ယခုနှစ်အကုန်တွင် ရင်းဂစ် ၃၀ ဘီလီယံအထိ ရှိလာနိုင်မည်ဟု မလေးရှားရော်ဘာကောင်စီ (Malaysian Rubber Council ̶ MRC) က ခန့်မှန်းထားကြောင်း သိရှိရပါသည်။
