ကုန်သွယ်မှုသတင်းများ
တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုတ်သီးစိမ်း (မိုးထောင်သီး) တစ်ပိဿာလျှင် ၅၀၀၀ ကျပ်မှ ၅၅၀၀ ကျပ်အထိ၊ ကုလားအော်သီးစိမ်းမှာ တစ်ပိဿာလျှင် ၁၀၅၀၀ ကျပ် မှ ၁၁၀၀၀ ကျပ်ထိ၊ ခရမ်းသီးဖြူ တစ်ပိဿာလျှင် ၄၅၀ ကျပ် မှ ၅၀၀ ကျပ် ထိ၊ ခရမ်းသီးညိုမှာ တစ်ပိဿာလျှင် ၈၀၀ ကျပ် မှ ၁၀၀၀ ကျပ်ထိ၊ သခွါးသီးမှာ အလုံးကြီး တစ်ပိဿာလျှင် ၁၀၀၀ ကျပ်၊ အလုံးလတ်မှ ၁ပိဿာလျှင် ၁၅၀၀ ကျပ်၊ ခရမ်းချဉ်သီးမှာ တစ်ပိဿာလျှင် ၁၃၀၀ ကျပ်မှ ၁၅၀၀ ကျပ်အထိ ရှိကြ၍ ယခင်အပတ်ကအတိုင်း ဈေးနှုန်းတည်ငြိမ်လျက်ရှိပါသည်။
အသီးထက် အဆိမ့်အရသာနှင့်ပြည့်စုံသောအစေ့ဆံကြောင့် ပို၍တန်ဖိုးထားသော ကရင်ပြည်နယ်ဒေသထွက် သီဟိုဠ်သရက်စေ့ကုန်ကြမ်းများမှာ ယခုနှစ်တွင် ယခင်နှစ်ထက် ကုန်ကြမ်းဈေးနှုန်း နှစ်ဆခွဲခန့်ရရှိခဲ့ကြောင်း သိရပါသည်။
မိတ္ထီလာစျေးကွက်တွင် ယခု ၂၀၂၃ခုနှစ်၊ မတ်လ ဒုတိယပတ်အတွင်း ယခင်ပတ်နှင့်နှိုင်းယှဉ်ပါက ကြက်သွန်နီစျေးနှုန်းမှာ မြင့်တက်လာသကဲ့သို့ နယ်ဝေးတင်ပို့မှုတွင်လည်း နယ်မြေကျယ်ပျံ့လာကြောင်းသိရပါသည်။ ယခင်က ရန်ကုန်မြို့နှင့် ပဲခူးမြို့သို့ ပုံမှန်တင်ပို့နေပြီး မော်လမြိုင်မြို့နှင့် မြဝတီမြို့တို့၌ စျေးကွက်အဝယ်ရှိမှသာ တင်ပို့ကြောင်း၊ ယခုအခါ တာချီလိတ်နယ်မှ အဝယ်လိုက်လာကြောင်း သိရပါသည်။
မိတ္ထီလာခရိုင်တွင် စပါးကို မိတ္ထီလာ၊ မလှိုင်၊ ဝမ်းတွင်းနှင့် သာစည်မြို့နယ်များတွင် စိုက်ပျိုးကြပြီး (၂၀၂၂-၂၀၂၃) ဘဏ္ဍာနှစ်တွင် စိုက်ဧက (၁၀၀၇၃၃) ဧကနှင့် ရိတ်ဧက (၈၁၇၉၃)ဧကနှင့် အထွက်နှုန်းမှာ (၅၄၃၈၇၈၅) တင်းထွက်ရှိကြောင်း၊ ထွက်ရှိသောစပါးများကို ဒေသတွင်းစားသုံးမှုအတွက် ကြိတ်ခွဲထုတ်လုပ်ရောင်းချကြောင်းသိရပါသည်။
မန်ကျည်းပင်သည် အပူပိုင်းဆန်သောအညာဒေသတွင် အများအားဖြင့် အလေ့ကျပေါက်သောနှစ်ရှည်ပင်တစ်မျိုးဖြစ်ပါသည်။ မန်ကျည်းပင်သည် မန္တလေးတိုင်းဒသကြီး၊ မိတ္ထီလာ၊ မလှိုင်၊ သာစည်နှင့် ဝမ်တွင်းမြို့နယ်ကျေးရွာများရှိ အိမ်ခြံစည်းရိုးများတွင် အလေ့ကျပေါက်လျက်ရှိပါသည်။ မန်ကျည်းပင်သည် (၅) နှစ်သားအရွယ်မှစသီးပြီး နိုဝင်ဘာလ၌ အသီးကင်းစတင်ကာ ဖေဖော်ဝါရီလ တွင် မန်ကျည်းမှည့်ပေါ်ပါသည်။ မန်ကျည်းမှည့်ကို အကြော်၊ အကင်များနှင့်တွဲဖက်၍ အချဉ်ရည်အဖြစ်လည်းကောင်း၊ ဟင်းချက်ရာတွင်လည်းကောင်း၊ တိုင်းရင်းဆေးဝါးများဖော်
